سجينــة خميس مشيط .... وانفجــــر الشعــرر
 

[poem=font="Simplified Arabic,5,white,normal,normal" bkcolor="transparent" bkimage="backgrounds/9.gif" border="none,4,gray" type=3 line=0 align=center use=ex num="0,black"]
ألا يا الله يا عالم .. بما أجهرت وما أخفيت =ألا يا الله تفرجها عليَّه.. يا مسويها

أناظر للزمن نظرة يتيم ما لقاله بيت =أناظر كل ها العالم.. عيوني ما تكفيها

ألملم فرحتي بيدي .. وأنا من فرحتي شديت =ونفسي يوم مات الفرح .. حزني جاء يعزيها

هموم ضيقت صدري .. كثيرة يوم أنا عديت =لقيت الحزن بأولها.. وأوسطها.. وتاليها

حزن ما يفارقني.. معي لا نمت.. أو سجيت =كئيب ما يبي غير السهر.. والنفس يشقيها

دعيت الله .. يصبرني وأنا مما جرى مليت =ونفسي .. يا إله الكون .. نفسي من يراعيها

وش اللي صار في الدنيا.. وش اللي في دنيتي سويت =جاوب يا الحزن أرجوك.. جاوب قلي وش فيها

رجع صوتي يرددني.. يردد كل ما ألقيت =جاوب يا الحزن أرجوك.. جاوب قلي وش فيها

ألا يا ليت.. ألا يا ليت.. ألا يا ليت.. ألا يا ليت ="ولاة الأمر" تاصلهم قصيدة يوم أرويها

تمنيت السعادة تعود.. وأنا والله ما ظنيت =سنيني الماضية ترجع بعيدة عن موانيها

تفتت خافقي والله.. مثلما للصخر تفتيت =دوافير الصدر شبت.. ولكن من يطفيها

إلهي صمت من أجلك.. إلهي لك بعد صليت =إلهي يا إله الكون.. عيوني لا تبكيها

أنا منساق لك ركب الذنوب وها أنا .. حسيت =دخيلك يا إله الكون.. عيوني لا تبكيها

(ست اسنين) بي مرت أنا والهم.. والتنهيت =اثنا عشر عيد.. أنا وحدي سجينة دون أهاليها

وأمي في نهار العيد .. تناديني.. في وسط البيت =وترجع وتذكرني .. دموع العين تهميها

نعمت أول سنيني في جناب الفهد وافي الصيت =مليك العُرب والإسلام وبلادي اللي أفديها

وعشت اللين والشدة ولو قاسيت ما قاسيت =تهون تهون ما دامت حياتي عايشه فيها

وأنا لا زلت طمعاً في سنين وعمر غير ازريت =عسى لي في ذرا عبدالله أياماً أقضيها

وولي العهد سلطان الكرم والخير إذا ناديت =يلبي للضعاف اللي سهوم الوقت ترميها

ألا يا أهل العفو تكفون لا حيه ولاني ميت =ألا يا أهل الكرم والجود فكوا قيد أياديها

أبي درع الحياة ولو نفيتوني ورا تكريت =يكفيني سنين سود في سجني مخاويها

ألا يا الله يا عالم .. بما أجهرت وما أخفيت =ألا يا الله تفرجها عليَّه يا مسويها... [/poem]




المصدر جريدة الوطـــن

http://www.alwatan.com.sa/daily/2005...y/socity13.htm



اللهم فك اسرررها وافرج كربتها يارب العالمين

أقسم بالله مبكية
اللهم فك أسرها وتجاوز عنا وعنها

لاحول ولاقوة الا بالله


صدق انها قصيدة مبيكة

لاهنت اخوي بن مانع

يالله يا مستجيب لدعوة الداعي
يالواحد اللي جميع الخلق يرجونه
أرجيك وأدعيك وأنا ساجد وقائم

انك تحنن عليها قلوب العباد وأهل الحل والعقد

والله إني تأثرت بها جداً ولكن الله يصبرها

السلام عليكم ورحمة الله وبركاته شكراً لك اخي الكريم على هذا المشاركة