مملكتنا بكت والحزن عم الجزيره
 

[poem=font="Simplified Arabic,5,black,bold,normal" bkcolor="transparent" bkimage="" border="solid,4,gray" type=2 line=0 align=center use=ex num="0,black"]
عظم الله اجر الاسـلام فـي كـل ديـره=فـي مليـكٍ نعـاه الكـون منـا ومنّـا
مملكتنا بكـت والحـزن عـم الجزيـره=والـدول حزنـت اعلامـهـا نكسـنّـا
واحسن الله عزا الشعب السعودي واميره=في ملكنـا فهـد بنـاي نهضـة وطنّـا
قايـد كـان ذو حكمـه وراي وبصيـره=ليـت سـود الليالـي بالمليـك امهلنـّا
يرتكـي للامورالمعـضـلات الكبـيـره=مايشـل الحمـول الا المسمـى جملنّـا
الـدول كلبوهـا فالمحـن تستشـيـره=كل من جاه ضده قال ويـن انـت عنّـا
في مقام الابـو للمسلـم يجيـه غيـره=والدلاله على مـن شـان وقتـه زبنّـا
له فضايل مدد يصعـب عددهـا كثيـره=دونه ابيـات شعـري وقفـن وقصرنّـا
والقدر مومنيـن بـه وشـره وخيـره=سنة الله ومن يومـه وقـف مـا تونـّا
والعـوض فالرجـال مكمليـن المسيـره=مارثت من خذاخا غصب مـن دون منّـا
فوق قب المهار وبالسيـوف الشطيـره=واستتـب الامـان وطايـر العـز غنّـا
في كنفهـم لياجـات الامـور العسيـره=نحتمـي والبيـارق فالسمـا رفرفـّنـا
في ذرى خـادم البيتيـن مافيـه غيـره=ابو متعب حبيب الشعـب زبـن المجنّـا
دون شعبه عيونه في رضاهـم سهيـره=ماتهنـا ياليـن الشعـب نـام وتهـنّـا
وابو خالد ولي العهـد عضـده شويـره=في ذرى دولة الاسـلام عشنـا وامنّـا
كلنـا فردفـرد الا عشيـره عشـيـره=الـولا والبـرا موجـود فينـا ومـنّـا
نعلن البيعة الكبـرى لا يـوم الحشيـره=شامنـا يابنـو قحطـان يتبـع يمـنـّا
واعلن الشعب كلـه والوفـود الغفيـره=والـدول كلخـا مـن طيبـنـا بايعـنّـا [/poem]

صح لسانك يابو شديد

ورحم الله ابوفيصل

وسلامك وصل :) ووافي نفداك


وانا في انتظار ردك على الرساله الخاصه اللي ارسلتها لك

صح لسانك يامحمد بن شديد

والله يرحم الملك فهد

رحمة الله على الفهــد
ويستاهل من يرثيــه ...


ولاهنت يابوشديد على هالجزله الوافيه وانا اشهد
تحياتي