حب العنا
 

السلام عليكم ورحمة الله وبركاته

مشاركه جديده أرجو أن ترتقي لذائقتكم الشعريه وتحصل على أعجابكم وأستحسانكم
كما أرجو من المشرفين تنسيقها
لعدم توفر ذلك


ياقلب ياللي كاثرات>ن< شكاويك
وش علتك أسهرت الاعيان بشكاك
عذبتني وآنا عن الحب ناهيك
ومحذرك منه قبل تمشي خطاك
والحين حالك من نظر فيه يرثيك
وضعك صعيب>ن< والدوا عجز في داك
عندي خبر أنه علشان غاليك
اللي بحسنه فايق>ن< حد الادراك
يابورموش>ن< مثل جيش المماليك
لاسلهمت بعيونها الدعج تبلاك
والمبسم اللي طعمته كنها الكيك
والا كما توت>ن< من الشام جبناك
والعنق عنق مهدد>ن< بالتماتيك
ريم>ن< عليه امن التواصيف حلياك
والنهد مزموم>ن< على الصدر حاليك
والخصر ريانه كما عود تمباك
والردف وافي والحيا بين>ن< فيك
ومشي القطا يشبه حركات ممشاك
واليا نطقت بكلمة>ن< وسطها هيك
كن الحشا يفرك بجنزير كوزاك
ألطف بقلب>ن< مولع>ن< بك ويرجيك
يقنب قنيب الذيب لاسمع طرياك
ترى الجفا يازين ماهوب مغنيك
أنكان قصدك تدمر القلب بجفاك
ومهما حصل منك فلانيب ناسيك
بصبر على فرقاك والله ياقاك
واليوم ياقلب>ن< عجزنا نداويك
ويش الذي حدك على الحب واغواك


وسلامتكم


أخوكم

زايد بن حسن بن زايد
أبن الزقروط

رد : حب العنا
 

واليوم ياقلب>ن< عجزنا نداويك
ويش الذي حدك على الحب واغواك

صح لسانك والله

رد : حب العنا
 

الله الله يابن الزقروط

وش الدرر الحلوه الي تطلع من فاك



أخوي زايد




تقبل تحياتي,,,

رد : حب العنا
 

ناصر بن هذال آل شري

صح بدنك ولاهنت على المرور العطر

تحياتي

رد : حب العنا
 

محمد بن جربوع

الدرر والله حروفك اللي نورت الصفحه ياذيبان


أقبل مني التحيه وحبة خشم