من إبداعات محمد بن مزهر الرفيدي
 

قصيدة عزيزة على قلبي أحببت أن أنقلها لكم وهي للشاعر محمد بن مزهر الرفيدي





[poem=font="Arial,5,darkblue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
ياولي الكون ذكرك زاد للصـدر إنشـراح =والهموم اللي حواها القلب ذكـرك شالهـا
اذكرك في كل حين وهمي بذكـرك يـزاح =وادعي بدعوة ضعيف حالتـه يرثـى لهـا
طالبك تغفر ذنـوب زودت قلبـي جـراح =ضيقت صدري وكنـي ماخلقـت إلا لهـا
ليلة البارح غزاني الهم ودمع العين سـاح =وإن بكت عيني أظن إدموعها أشوى لهـا
ساهر وطال ليلي وأنتظـر نـور الصبـاح =ياعسى نوره يداوي الروح مـن غربالهـا
وطالت الليلة علي وصار صدري مستبـاح =للهمـوم وللظنـون وحطـتـه منزالـهـا
ليلة فيها الهوى هبـه كمـا زرق الرمـاح =بارد وكف العصب بيدي عجزت أشتالهـا
ماسمعت بصوت رعد و مالمحت البرق لاح =مابـه إلا غيمـة شحـت علـيَ همالهـا
والنجوم إللي تراعيني توشـح بالوشـاح =مـرة تظهـر ومـرة تختفـي بلحالـهـا
وأقترب وقت الفجر ما حس قلبي بإرتيـاح =ياعسى الله مايخلي الـروح تبكـي حالهـا
وأذن المذن وكـرر قـول حـيَ عالفـلاح =ودمعة ذنوبي علـى خـدي بـدا همالهـا
يومٍ اسمع داعي الله إختفق قلبـي ونـاح =وإخنقتني العبرة إللـي ماقويـت أغتالهـا
أشهدٍ إن بطاعـة الله الفـرج والإنفتـاح =تفتـح أبـواب تقفـل محكمـات أقفالهـا
وتصبح الدنيا كما روضٍ خضر بالعطر فاح =يشرح الخاطر وتنسى الروح هـم جالهـا
الرجاء بالله ولاني بأرتجي كفوف شحـاح =أرتجي جزل العطاء نفسـي يعـدل حالهـا
كان أنا بأتبع هوى نفسي تضيق بي البراح =وتصغـر الدنيـا بعينـي برهـا وجبالهـا
الذنوب جيوش حرابـه ولامعهـا سـلاح =تقـدم بطابـور واحـد راعنـي زرفالهـا
فإن تركت إلها المجال أصير مكسور الجناح =خاضع متذلـل عبـد لهـا وأبـرى لهـا
بأتكـل بالله عليهـا والله بيـده النـجـاح =النجاح بساعـة شـاب الطفـل لأهوالهـا
في نهار الحشر ياطوله وياكثـر الصيـاح =يوم تجزى كل نفـس والجـزاء بأعمالهـا
فاللذي قد طاوع الله فأشهد إنـه إستـراح =الجـزاء جنـات جلـد رب يسرنـا لهـا
واللذي طاوع شياطينه وبالعصيـان طـاح =الجـزاء بنـار الجحيـم مقيـد بغلالـهـا
يالله إني طالبك عفـو وغفـران وسمـاح =ياللذي تجزي على الحسنه بعشر أمثالهـا
هذي الدنيا ماتسـوى لا تعـب ولا كفـاح =دام ماهي دار خلد ليـه أنـا أتعنـى لهـا
عيشتى عيشت غريب وادع الغربـه وراح =أو كما عابـر سبيـل دوم يشـد رحالهـا
أو كما تايه بصحراء مالقى شربت قـراح =أو كما إللي تحت شجـرة ناعـم بظلالهـا
كلها أيام وليالـي ثـم قالـوا فـلان راح =أخذه الموت وحياته غـاب نـور هلالهـا[/poem]




وسلامتكم ومن يقرا











أخوكم :
أبومسفر القحطــــــــــــــــــاني

رد : من إبداعات محمد بن مزهر الرفيدي
 

بيض الله وجهك يابو مسفر على النقل المميز

حقيقة قصيده رائعه وتحمل الكثير من النصائح الطيبة

لك مني أجمل تحية

رد : من إبداعات محمد بن مزهر الرفيدي
 

بيض الله وجهك يابو مسفر على النقل المميز

حقيقة قصيده رائعه وتحمل الكثير من النصائح الطيبة

وابن مزهر معروف وقصيده يجمله


تحياتي000000000اخوك

رد : من إبداعات محمد بن مزهر الرفيدي
 

صح الله لسان القايل والناقل


لاهنت يا ابو مسفر على الاختيار الموفق


والقصيدة الرائعه

تحياتي لك ولابن مزهر

رد : من إبداعات محمد بن مزهر الرفيدي
 

ارحب ثم راحب يبو صقر ووجهك ابيض..

شرفني مرورك الكريم على موضوعي المتواضع






وفقك الله ومن يقرا لما يحب ويرضى










أخوك :
أبومسفر القحطــــــــــــــــــاني