شبكة قحطان - مجالس قحطان - منتديات قحطان - ؛؛ القحطاني وجاره العتيبي ؛؛

- مجلس عذب الكلام (https://www.qahtaan.com/vb/forumdisplay.php?f=16)

- - ؛؛ القحطاني وجاره العتيبي ؛؛ (https://www.qahtaan.com/vb/showthread.php?t=49891)

؛؛ القحطاني وجاره العتيبي ؛؛

السلام عليكم ورحمه الله وبركاته

عبدالله بن شايع القحطاني شاعر من الشعار الجزلين وله قصائد كثيره ومنها قصيدته الجزله والتي أعـجبتني في جاراََ

له عتـيبي عندما رحل عـنه ويقول أبو شايع عن جاره بأنه رجل بكل ماتعنيه الكـلمه الدين والخلق وحق الجار والكرم

وسلوم العرب كلها مجتمعه في العتيبي وقد دامت جيرتهم اربع سنوات وحيث ان العتيبي نقل الى خارج الرياض وشد من

عندي .وجا مكانه صومالي ويقول القحطاني0 الحقيقه فقدت جاري ولم يعجبني الصومالي وقلت هذه الابيات :-

شد العتيبي جعلها له سهيله

شد العـتيـبي مكرم الجار والضيف

يا وجد حالي يوم قفا شليله

وأنا عــلى جاري كـثيـر التحاسيف

واين أغدي للي علومه مهيله

بالمدح والنامـوس ماله تواصـيف

عينه على درب المراجل دليله

مثل النداوي فوق روس المشاريف

معا هل الطالات جزلٍ حصيله

على الكرم والجود والطيب والكيف

أربـع سـنينٍ كـنّها وقــمْ لـيـلـه

في جيرة الطيّب معزّه وتشريف

تـبنا له البيـضا براس الـطويـله

شوق الهنوف ام القرون المراديف

والله ونـعم بـه ونـعـم الـقبــيـلـه

عتبان معْروفين أهل منسف وسيف

عكف الشوارب كاسبين النفيـله

مثل الغصون اللي ثمرها مدانيف

واشيـب عـيني ما يعوّض بديله

أصبحت مثل مبدّل العز بالحيف

الجار صومالي ولا فـيه حيلـه

لا يعّرف الجيره ولا له مواقيف

صكاك باب ولاّ يفوت الحليله

وان سمع صوت منادي الجار ما شيف

وليا عـزمّـته يـتـقي مـا يجي له

يستغرب الجمْعه كثير التصانيف

لاصار هاجرنا فحنْ نعتـني له

سنّه وسلم وحق ما فـيه تكليف

نحْفض له الجيره سنينٍ طويلـه

حتى لونّــه مايعرف المعاريف