(( خوة مطاعم ))
 

صلوا على النبي

[poem=font="Simplified Arabic,5,black,bold,normal" bkcolor="transparent" bkimage="" border="solid,medium,gray" type=4 line=0 align=center use=ex num="0,black"]

مالك على خل مقفي مشاريه = مادام هذا الخل توك عرفته
ان كان مانت بفي البسيطة مخاويه = فما هي بخوة يوم شافك وشفته
خل الزمن يعطيك عنه ويعطيه = اما كشفك الخل ولا كشفته
لا تشتحن مادام هذي مباديه = لانه خوي ( مطعم شورما وكفته )!!!
يمكن اراد الله يفكك بلاويه = وانا اعتبرها الغانمه يوم عفته
!! المشكله فيمن طرحت الثقة فيه = واسمه بجوالي الخصوصي اضفته
سنين وانا وافي له ومغليه = ومظنتي به خير لين اكتشفته
كم مرة لا صار محتاج اعطيه = بيني وبينه راتبي كم نصفته
وانومسه لا صار حاضر وبديه = وان كان غايب بالمكارم وصفته
وكم مرة عاديت ناس تعاديه = وكم موقف باسم العنوة وقفته
!! ما هي بمنه لكن القول انا اعنيه = ثمر جميلي فيه شوك قطفته
وكلش يهون وما حصل منه امشيه = والصبر طبع في حياتي الفته
مير البلا سري اذاعة وانا اخفيه = وحملني بذنب وانا ما اقترفته
واليوم انا ناسيه والله يجازيه = وفكري عن الذكرى الاليمه (صرفته)
لا عاد يعنيني ولا عاد باعنيه = حتى من الجوال رقمه حذفته
واقول لا من جا على البال طاريه = واحسرتي يا وقتي اللي (صرفته)
فيا صاحبي ما لك عتاب ومشاريه = على المقفي دام توك عرفته [/poem]

محمد بن نغموش

رد : (( خوة مطاعم ))
 

صح لسانك اخوي محمد والله يعطيك العافيه جزله وانت جزل

وهذا والله هو الصحيح الاستعجال في الحكم في الخوه ما هو طيب الى ان تعرف الشخص مضبوط
هذي خوة عمر

مشكووووووور

رد : (( خوة مطاعم ))
 

بغيت اقتبس بيتين ولا ثلاثه لكن وش تاخذ وش تخلي كل ابوها ابيات جزله من شاعر فحل

صح الله لسانك ولا عثر حصانك

قصيده رادعه لكل فسل ولكل من خيل في خويه


دائم ما تجيب الا السمين يابو عبدالرحمن

متابع دائم لابداعاتك

رد : (( خوة مطاعم ))
 

مير البلا سري اذاعة وانـا اخفيـه وحملني بذنـب وانـا مـا اقترفتـه

ارحب يا بن نغموش وصح لسانك وصحيح ان مافيه صديق الا عند الشدايد

تحياتي000000000اخوك

رد : (( خوة مطاعم ))
 

ارحب ثم ارحب يا ابو عبد الرحمن

ابداع × ابداع


لافض فوك

صح الله لسانك واعتلا شانك


اشهد انك مبدع


تقبل تحياتي

رد : (( خوة مطاعم ))
 

قصيدة وافي جعل الله يكثر من امثاله بيض الله وجهك

رد : (( خوة مطاعم ))
 

نال النص على إعجابي بشكل كبير


وصح الله لسانك يابن نغموش


مبدع ومتالق


لك احترامي وتقديري

رد : (( خوة مطاعم ))
 

اررحب يا ابن نغموش

صح لسانك وعلا شانك

قصيده نالت اعجابي

اخوك/عبدالله السحيمي

رد : (( خوة مطاعم ))
 

رد : (( خوة مطاعم ))
 

أرحب تراحيب الحيا يا ابن نغموش ..

صح الله لسانك يا بو عبدالرحمن ..

شاعر جزل وقصيدة جزلة ..

بيض الله وجهك ..