شبكة قحطان - مجالس قحطان - منتديات قحطان

شبكة قحطان - مجالس قحطان - منتديات قحطان (https://www.qahtaan.com/vb/index.php)
-   مجلس عذب الكلام (https://www.qahtaan.com/vb/forumdisplay.php?f=16)
-   -   المراجل كايده .. للشاعر / فهد بن عبدان (https://www.qahtaan.com/vb/showthread.php?t=485)

شيخ المهادية 20-10-2004 01:46 PM

المراجل كايده .. للشاعر / فهد بن عبدان
 
اعجبتني القصيده

لقيتها في احد المواقع

وحبيت انقلها لكم


للشاعر / فهد بن عبدان


( المراجل كايده )



المراجل يامحمد تبي وسعة صدر
ماتبي رجل(ن) على طول لاعبّا يثور


اقمع النفس الضعيفه وراقب وانتظر
واعرف ان الكايده تنكسر عند الصبور


انثر القوه على الحلم يصبح لك قدر
لاتفكك ذيّ عن ذيّ تدخل فــ امحظور


مهب معنى ذا توطّي ارقبتك للبشر
عز نفسك لاتولّي فــ الملاقا دبور


لويزيد الوقت جوره وحظك ينصهر
لاتحطم / رد / حاول / وخطط للعبور


ضيّر الصعبه على السهله وخلّك حذر
لاتماري بانتصارك ويذبحك الغرور


لازم انك اتحشم عمرك عن الوجه الودر
واللسان حصان لاطاش يلحق بك قصور


مد يمناك لرفيقك الى جا يعتذر
واكسبه في قولة انك امسامح وامعذور


قدّم الجزله على اللي يخالطها قشر
في المجالس فل دايم احجاجك للحضور


لاتواجه عسر في لين .. أو لين بعسر
انتصفها خل ميلتك تذكرة المرور


لاتحاقر أي كلمه لو انها من بزر
مايحكم الهرج أيام وسنين وشهور


لاتخطّم لاتحاكى عليه .. وتنفجر
اتركه لين يتكلم وعقّب في سرور


لايغط النوم عينك مع فرض الفجر
واطلب الله جعل ياقاك صكات القبور


لاتباسى في صلاتك على ان دينك يسر
الولي متوعّد اللي قضى فاسق فجور


افتح المجلس ولحّن على صوت النجر
اغد ملفى للمشاكيل وعيال الصقور


كرّم الطّرقي الى جاك تعبان وسدر
قل تقهوى ثم تعشى وهات اله البخور


خل صيتك يقهر البخل ويعز الفقر
خل من صرّ الدنانير أعصابه تفور


فوق هذا ياكحيلان خلّك تدّهر
مع قصيرك لاتردد بتضبيط الأمور


لنشغل عنّك تمرّه وتنشده الخبر
ياعسى ماشر علامك ياغايب ماتزور


ان تضايق يوم فرّج عليه امن الكدر
وقّف بحالك ومالك وصامل ماتبور


والوصل في والدينك مثل غصن الشجر
لونه أبطى مارويته بيذبل ياامعثور


ان جحدت احسانهم يوم تندم لك دهر
والليالي لازم انها على الظالم تدور


والجناحين احرص انها تعيب وتنكسر
مايهد الطير من غيرها لونه جسور


الأخو لوّك بتهديه من عمرك عمر
ماتوفّي .. لنه لك لبّ ولغيرك قشور


خذ وأنا عمّك كلامي نصيحه واعتبر
مايخسر (ونعم) رجّال في الشدّه صبور



الشاعر / فهد بن عبدان

نجم سهيل 20-10-2004 04:55 PM

صح لسان ابن عبدان


وتسلم يمينك يا شيخ المهاديه


اخووووووووووك نجم سهيل

شيخ المهادية 21-10-2004 05:46 AM

الله ايسلمك يا نجم سهيل واشكرك على مرورك الرائع.

ابن شويه 21-10-2004 01:18 PM

افتح المجلس ولحّن على صوت النجر
اغد ملفى للمشاكيل وعيال الصقور


كرّم الطّرقي الى جاك تعبان وسدر
قل تقهوى ثم تعشى وهات اله البخور

لله درك يابن عبدان

عز الله انها قصيدة جزلة وتستاهل الاطراء

لاهنت وتسلم يمناك ياشيخنا

عبدالعزيز المنيفي 22-10-2004 03:02 PM

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
المراجل يامحمد تبي وسعة صدر = ماتبي رجل(ن) على طول لاعبّا يثور
اقمع النفس الضعيفه وراقب وانتظر = واعرف ان الكايده تنكسر عند الصبور
انثر القوه على الحلم يصبح لك قدر = لاتفكك ذيّ عن ذيّ تدخل فــ امحظور
مهب معنى ذا توطّي ارقبتك للبشر = عز نفسك لاتولّي فــ الملاقا دبور
لويزيد الوقت جوره وحظك ينصهر = لاتحطم / رد / حاول / وخطط للعبور
ضيّر الصعبه على السهله وخلّك حذر = لاتماري بانتصارك ويذبحك الغرور
لازم انك اتحشم عمرك عن الوجه الودر = واللسان حصان لاطاش يلحق بك قصور
مد يمناك لرفيقك الى جا يعتذر = واكسبه في قولة انك امسامح وامعذور
قدّم الجزله على اللي يخالطها قشر = في المجالس فل دايم احجاجك للحضور
لاتواجه عسر في لين .. أو لين بعسر = انتصفها خل ميلتك تذكرة المرور
لاتحاقر أي كلمه لو انها من بزر = مايحكم الهرج أيام وسنين وشهور
لاتخطّم لاتحاكى عليه .. وتنفجر = اتركه لين يتكلم وعقّب في سرور
لايغط النوم عينك مع فرض الفجر = واطلب الله جعل ياقاك صكات القبور
لاتباسى في صلاتك على ان دينك يسر = الولي متوعّد اللي قضى فاسق فجور
افتح المجلس ولحّن على صوت النجر = اغد ملفى للمشاكيل وعيال الصقور
كرّم الطّرقي الى جاك تعبان وسدر = قل تقهوى ثم تعشى وهات اله البخور
خل صيتك يقهر البخل ويعز الفقر = خل من صرّ الدنانير أعصابه تفور
فوق هذا ياكحيلان خلّك تدّهر = مع قصيرك لاتردد بتضبيط الأمور
لنشغل عنّك تمرّه وتنشده الخبر = ياعسى ماشر علامك ياغايب ماتزور
ان تضايق يوم فرّج عليه امن الكدر = وقّف بحالك ومالك وصامل ماتبور
والوصل في والدينك مثل غصن الشجر = لونه أبطى مارويته بيذبل ياامعثور
ان جحدت احسانهم يوم تندم لك دهر = والليالي لازم انها على الظالم تدور
والجناحين احرص انها تعيب وتنكسر = مايهد الطير من غيرها لونه جسور
الأخو لوّك بتهديه من عمرك عمر = ماتوفّي .. لنه لك لبّ ولغيرك قشور
خذ وأنا عمّك كلامي نصيحه واعتبر = مايخسر (ونعم) رجّال في الشدّه صبور [/poem]

صح إلسان ابن عبدان
ولاهنت يا شيخ المهاديه

شيخ المهادية 23-10-2004 12:46 AM

تسلم يا عبدالعزيز المنيفي على مرورك الرائع.

خالد آل مطرف العاطفي 24-10-2004 02:33 AM

نقل ..اكثررررررررر ......من ...رائع
 
صح لسان قايلها ... ... وسلمت يمنى ناقلها


[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
لايغط النوم عينك مـع فـرض الفجـر=واطلب الله جعل ياقاك صكات القبـور
لاتباسى في صلاتك على ان دينك يسر=الولي متوعّد اللي قضى فاسـق فجـور
افتح المجلس ولحّن على صوت النجـر=اغد ملفى للمشاكيـل وعيـال الصقـور
كرّم الطّرقي الى جـاك تعبـان وسـدر=قل تقهوى ثم تعشى وهات اله البخـور [/poem]

لاهنت...والله ..ياشيخ المهاديه ..... نقل موفق .. واختيار مميز

اخوك
خالد


الساعة الآن 02:35 AM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .

Copyright ©2003 - 2011, www.qahtaan.com