قصيدةالأمير الشاعر سليمان السديري
 

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
هذه القصيده للأمير الشاعر :سليمان السديري أمير تبوك سابقا ً وهي وصيه لإبنه فيصل يقال وعلى ذمة الراوي

أنه ألم به مرض فكتب هذه القصيده وصية ً ووداع وقد توفي رحمه الله ونورد لكم القصيده أسأل الله أن يرحم السديري ..[/poem]


[poem=font="Simplified Arabic,6,darkred,bold,normal" bkcolor="transparent" bkimage="" border="none,medium,gray" type=2 line=1 align=center use=sp num="0,black"]
أشوف دياني وقف لي على الباب =يبي الوفاء مني ويطلب حسابه

ما ينسى دين تقفاه طلاب=والدين مايوفيه كثر الطلابه

يافيصل أودعك توديع من غاب=لاتحتريه أنه يجي من غيابه

غيبة دهر ماهو شهر عد وحساب=في مظلم ينهال فوقي ترابه

أبيك ماتجزع وتفزع وترتاب =أن جاك من يبكي ويشقق ثيابه

عمر البكى مافاد حي ولا ثاب=ولو سر غيرك كان سر الندابه

وعليك بأخوانك وربعك والأقراب=وحقي عليك مواصلك بالقرابه

ومن بينكم لاينقل الهرج سباب=ترى دمار الدار كثر السبابه

ومن الرجال إليا تخيرت الأصحاب =تخير اللي مايبدل جوابه

مغلاق باب الشر حلال الأنشاب=زبن الدخيل إليا تنصى جنابه

وبعد عن الدوني ولو مرة ٍ طاب=لزوم يظهر لك مرار ٍ عيابه

وإنص الرجال إلى تخيرت الأنساب=كل تعوض به يكون النسابه

وأنشد عن المربى ترى العرق جذاب=عرق الردى لابد يجذب جذابه

بلغتك الأعلام من دون نجاب=والحر يعرف من خطاه وصوابه[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
مع إعتذاري الشديد إذا هناك أي أخطاء نقلا بواسطة الكاتب :سفر بن مبارك............................................. ..............[/poem]

رد : قصيدةالأمير الشاعر سليمان السديري
 

يافيصل أودعك توديع من غاب
لاتحتريه أنه يجي من غيابه

غيبة دهر ماهو شهر عد وحساب
في مظلم ينهال فوقي ترابه




بيض الله وجهك يا سفر بن مبارك

طيب ولا تجيب الا الطيب


عزالله انها وافيه وانت وافي


رحمة الله على السديري

رد : قصيدةالأمير الشاعر سليمان السديري
 

لاهنت اخوي على القصيده الاكثر من رائعه


مشكور

رد : قصيدةالأمير الشاعر سليمان السديري
 

أرحب فيكم أجمل ترحيب وشرفتوني بمروركم وأبيكم تثقون أن كل ماأطرحه وأكتبه أنتم خير من يقيمه

أنتم والقارئ الكريم شكرا ً لكم إخواني الأستاذ إبراهيم وسررت بمرورك جدا ً والأخ الفاضل نايف إبن راكان

شكراً لمرورك المميز ...................

رد : قصيدةالأمير الشاعر سليمان السديري
 

اررررررحب يا سفر..


لاهنت يالغالي على القصيده..


تقبل مروري..

رد : قصيدةالأمير الشاعر سليمان السديري
 

رد : قصيدةالأمير الشاعر سليمان السديري
 

لاهنت اخوي على القصيده الاكثر من رائعه


مشكور

رد : قصيدةالأمير الشاعر سليمان السديري
 

تشرفت كثير في مرورك يأخي الأستاذ( المبدع) السحيمي تقبل تقديري........