شبكة قحطان - مجالس قحطان - منتديات قحطان - مجاراه بين (أسأل عن اللي حصل)

- مجلس عذب الكلام (https://www.qahtaan.com/vb/forumdisplay.php?f=16)

- - مجاراه بين (أسأل عن اللي حصل) (https://www.qahtaan.com/vb/showthread.php?t=47944)

مجاراه بين (أسأل عن اللي حصل)

بسم الله الرحمن الرحيم

هذه القصيدة من الأستاذ الشاعر المبدع حسين بن معوضه الحبابي موجهه لي وسأكتب قصيدته ومجاراتي له

وهذه قصيدة حسين:

[poem=font="Simplified Arabic,5,darkred,bold,normal" bkcolor="transparent" bkimage="" border="none,medium,gray" type=2 line=1 align=center use=sp num="0,black"]
أسأل عن اللي حصل وأرجع وأعيد السؤال=وأقول عل العرب ماتفسد أخلاقها

ويهمني غالي المذهب حميد الخصال=اللي مطياه في درب الوفاء ساقها

شيخ فعوله تنومس كل ماجاء مجال=مراجله في المعالي لاح براقها

قطعتنا ياسفر حتى من الإتصال=والنفس ماتمشي إلا بإذن خلاقها

ماقلت باجيك ولا قلت هيا تعال=نمشي لنا طرقة والناس بأوفاقها

والناس يامسندي ماهم على كل حال=ناسا تبيها وناس تبغي إفراقها[/poem]

وهذا ردي عليه:

[poem=font="Simplified Arabic,5,darkred,bold,normal" bkcolor="transparent" bkimage="" border="none,medium,gray" type=2 line=1 align=center use=sp num="0,black"]
يا الله ياوالي أمر أيامها والليال=يامن خلقت العباد وبيدك أرزاقها

ياباسط ماجعلت أوتادهن الجبال =ورفعت سبع ومنها أياتك اشراقها

يالله تهون علينا المكربات الثقال= وألطف بنا يوم تطوى البيد وأفاقها

وأجعل لنا من وهج يوم التلاقي ظلال= أرواحنا ياالله إجعل لطفك أرواقها

يابو سفرحن وهالدنيا الرشا والمحال=صلفة طبوع وحن شفقين لأشفاقها

نوب تحدانا عصاها مثل حدي الجمال =ونوب تمذلق كفانا الله تمذلاقها

ياما أحرمتنا من مواجه كرام السبال =اللي بحور المراجل غاصوا أعماقها

مثلك وشرواك ياذرب النبأ والفعال = اللي لوفاتت عليك يهون ملحاقها

وحنا لو إنانحوش دقاقها والجلال =ماجت به اليوم باكر راح بأشناقها

حنا والأيام في حرب ضروس ونزال =الله يخارج من الأيام وشقاقها[/poem]