أستلم يا سعيد بن مانع
 

الأخ أبو مانع أستلم طال عمرك :


[poem=font="Simplified Arabic,6,white,bold,normal" bkcolor="transparent" bkimage="backgrounds/10.gif" border="double,medium,burlywood" type=4 line=1 align=center use=ex num="0,black"]
يا مسهمك يالبري المتهوم فالظلم لك
لويفـقـدون الـمـطر قالوا تراك السبب
إما أقنع الناس يالمتهوم بإنـك بـرئ
وإلا كـمـا ذيـب يـوسف للزمـن خـلـهـا[/poem]

رد : أستلم يا سعيد بن مانع
 

الأخ أبو مانع:

القصيده السابقه على طرقنا بالعرضه ويمكن مالك بها

فأعذرني وأستلم هذي على طاروق تحبه وراح أخليها رديتين علشان الوقت والكتابه أستلم يامال الغنيمه :


[poem=font="Arial,6,white,bold,normal" bkcolor="transparent" bkimage="backgrounds/21.gif" border="double,medium,royalblue" type=4 line=1 align=center use=ex num="0,black"]
ياسلامي كبر سيلٍ لادقل في عرض وادي= ينقل الصمّ الصلافيح الثـقيله في متونه
سدّ مـأرب لو تـنادي لاحـياة لـمن تـنــادي=يبلع الـوديان لامـنـّه سرى مايـبلـعـونـه

=======================

من بلاها الله فالمحصول بأسراب الـجـرادي= شايفن صغر الجراد ولاهقى تخطي ظـنونه
يالرفيدي لا غـدى رزقك مقدر مـنـت غادي=هات زاد ٍ ناضج ما هـو من اللي يـطـبـخونه [/poem]

رد : أستلم يا سعيد بن مانع
 

حياك الله ياسعد واتشرف بك طال عمرك ..

ولا غرني بها سواء عرضه او قلطه ..


انا جيت هنا اقولك مانت بمسفوط ياسعد ..


انا ماالعب محاوره ولا انزل ميدان توجهي معروف لدى الشباب ..

حبيت اعطيك خبر .. لان مانت بمسفوط ..


تشرفت بك

رد : أستلم يا سعيد بن مانع
 

يابو مانع حياك الله ويعلم الله وحده بغلاتك في قلبي وأشهد عليها الله وملائكته والمنتدى كله

وأدري والله إنك ماهو بأنت اللي بتعجز في مثلها ولا في أكبر منها بس أحب أشحذ همتك شويه

رب إنك تطلع لنا شئ من جواهرك ونتساجل بها ونتسلى

واللي مثلك ماهو بعجزان في اللعب وراك عليه هاجره وتحرمنا منك

على العموم بيض الله وجهك على تشريفك

رد : أستلم يا سعيد بن مانع
 

شكرا ً لكما على هذه الرمزيه الوافيه كلاكما أقطاب ............