نزولا عند رغبة الاخ العزيز سعيد الجهيمي
 

هذه قصيدة للشيخ الشاعر / حامد بن مايقه الحبابي وهي غزلية وهي طلب من الاخ سعيد الجهيمي :



[poem=font="Simplified Arabic,6,black,bold,italic" bkcolor="transparent" bkimage="backgrounds/2.gif" border="groove,medium,gray" type=4 line=1 align=center use=ex num="0,black"]
طبع مركبي في الحب والموج قافيني=سبب واحد شفته ضحى اليوم لاقيني
لقاني ووقفني ووقفت كنني=مليك ملكني بالدنانير شاريني
تهولت من ما شفت ونسيت حاجتي=تعوذت من الشيطان والزين مغويني
جهرني بعين تجهر اللي يشوفها=جثيل هدبها والمحاجير ترميني
رماني وخلاني صويب وتلني=على غبة العشاق مالت موازيني
رجح وزن ميزانه بميزان فكرتي=بهرني جماله واريش العين واليني
ولاني وطوعني ودلا يقولي=علامك نسيت الحب ولا انت ناسيني
تعذرت له واقسمت بالتين والضحى=بانك غرامي دام دينك على ديني
ولا اجوز من دار تحلون حيها=ولا اصبر ولا تشتاق في غيركم عيني
ولا اقطع مواصلكم ولو حال دونكم=عدو على سبة وصالك يعاديني
ولا ردني من وصلكم حب غيركم=وانا المبتلي غير المقادير تلهيني
الا يادقيق العنق ياهايف الحشا=انا تايه في حبكم لا تخليني
وحيد حداني حادي الشوق والهوى=وانا في هواكم ميسم الحب كاويني
وانا مغرم فيكم ولو طال هجركم=على ذا الأمان وكف يمناك بيميني
تعاهدت انا وياه وانقاد بيننا=غرام المحبه زاد مابينه وبيني
سكرنا بغبات الهوى مايشوفنا=سوا اللي خلق الإنسان الأول من الطيني
تواعدت انا وياه وانفل شملنا=على نية الميعاد لي حان يرجيني
عنود براني ودها وصف عودها=كما عود موز ناعم في البساتيني
هنوف تضيم ردوفها من زلوفها=محاري ذراع تحت الأمتان تخميني
لها مبسم كن اللآلئ بثغرها=عليها جمال لي تفكرت يغريني
وانا المهتوي والمهتوي كيف ينتهي=وانا لي خصيم بالطوابير غازيني
غزتني جنود من عيونه يقودها=لها قايد بمزرج الرمح ناصيني
الا ياعذولي بالهوى طحت بالغوى=وانا ما اسمعك ياعاذلي لو تحاكيني
انا ما اسمعك في خطة كان قبلنا=عليها البشر قدامنا كان ماشيني
عليه مشى بوزيد في سالف مضى=وعنتر مع مجنون ليلى مجانيني
ولا ردهم عن مطلب الزود والعلى=على مجتمع الأخصام كانوا فراعيني
صناديد قوم يكسر الضد صوتهم=على منهج العشاق صاروا ذياهيني
وانا في الهوى ما اسير في منهج الردى=وانا لي فؤاد من هل الغش ناهيني
ولا اود بين الناس من لا يودني=ولا اساير الرديان من خوف ترديني
وانا المقتنع باللي قسم لي وصارلي=وانا عارف ان اللي وطى الناس واطيني
وانا في مجال الشعر زجيت فكرتي=على منوتي لا اعتزت الأشعار تاتيني
اراها تزاحم في حشى الصدر كنها=رعايا حيام والوراريد مضميني
تزاحم وانا انقى خيرتي من خيارها=غزير النشيد الزين لو قل يكفيني
ولانيب هذار وانا مرهي بها=وانا ادري كلام الناس لأخطيت قافيني
وانا اضمن تماثيلي من اللي يعيبها=على شان ذا قدمت مضمون تأميني[/poem]

رد : نزولا عند رغبة الاخ العزيز سعيد الجهيمي
 

السلام عليكم



ارررررررررررررررررررررررررررررررررررررررررررررررحب يا ابن حمير

وفي ذمتي انك واااااااااااافـــي ومن ربعن وافين

وجعلني ما اعدمك يا الذيب الأمعط على سرعة استجابتك لطلبي منك

وصح الله لسان كحيلان بن مايقه على هذه الشامخه

والقصيده واضحه من ابياتها انها لهرم من اهرام الشعر ولشاعر ذو عقل كبير ورزانه وكبر سن
لأنه ما يتخللها الغزل الحديث ونهجه


جعل يمينك ما تعطب يا الحبابي

والله يبيض وجهك ولا يهينك


أخــوكـ البــشـــري

رد : نزولا عند رغبة الاخ العزيز سعيد الجهيمي
 

يعطيك العافية يا ابن حمير


وصح لسان قائلها

رد : نزولا عند رغبة الاخ العزيز سعيد الجهيمي
 

سعيد الجهيمي اررحب الله يطول عمرك ماسوينا الا الواجب ورضاكم حق علينا جعل شيبانك في الجنه

ابومبارك العابسي اررحب لاهنت على مرورك وتوقيعك جدا رائع

رد : نزولا عند رغبة الاخ العزيز سعيد الجهيمي
 

يعطيك العافية يابن حمير

ويستاهل اخوي العمده سعيد

رد : نزولا عند رغبة الاخ العزيز سعيد الجهيمي
 

الله يعافيك ياشامان شاكر لك مرورك

رد : نزولا عند رغبة الاخ العزيز سعيد الجهيمي
 

رد : نزولا عند رغبة الاخ العزيز سعيد الجهيمي
 

بيض الله وجهك يابن حمير

قصيدة جزله ولا عهدنا على ابن مايقه الا الجزاله



وابو حسين يستاهل كل خير

رد : نزولا عند رغبة الاخ العزيز سعيد الجهيمي
 

السيف الشاهر
عبدالوهاب ال راضي

ارررررحبووووااا يامطاليق ماسوينا الا الواجب ويستاهل البشري

رد : نزولا عند رغبة الاخ العزيز سعيد الجهيمي
 

لاهنت يا بن حمير