شاعر الحكمة عبدالله الطلحي
 

[poem=font="Simplified Arabic,6,white,bold,normal" bkcolor="transparent" bkimage="backgrounds/22.gif" border="double,medium,black" type=2 line=0 align=center use=ex num="0,black"]
سرى الليل والخاطر تهيّض من اللي فيه=علومٍ تصحي نايـم الليل لو جاته
لياجات تجبرني على دربها وأسريه=وأجوّد رسن قافي وأطوّل مسافاته
وأنا في شداده ماعصاني وأنا راعيه=ليا قمت أجر الصوت له مدّ خطواته
أحب الكلام الزين وأشتاق له واشريه=وزيـف المشاعر ماتشوّقني أبياته
ولو قالوا احلاه كذبه قلت انا مابيه=مرارة صحيحه خير من حلو كذباته
تعالوا نشوف الحب واللي نزل واديه=وكم من غشيمٍ فيه مشتال راياته
يزيّن طريق الغي ويقول أنا ماشيه=على كل من يلقـاه يعرض دعاياته
وقال الهوى العذري وهو عذر مايبريه=وانا أقول مايرضـاه لإحدى قريباته
ومن يؤمن إن البعث بعد البلى قافيه=ويؤمـن بميزان احسناتـه وسياته
يفقّد كلامه في الخفـا قبـل مايبديه=ولاعنده أخطر مـن لسانه وزلاته
وأقول الهوى والفن للي يبا طاريه=مع اللي نشت في طاعة الله ومرضاته
لياجات في بيتٍ على المرجله بانيه=بعقدٍ ذكـره الله فـي محكم آياته
موده ورحمه تشرح الصدر وتسليه=ليامن حضر وتصون عرضه بغيباته[/poem]

رد : شاعر الحكمة عبدالله الطلحي