محمد بن الذيب ((ازعـل حكومـة قطـر))
 

نقلت لكم هذي القصيده للشاعر الكبير
محمد بن الذيب العجمي
واتمنى تعجبكم
[poem=font="Simplified Arabic,5,,normal,normal" bkcolor="white" bkimage="" border="double,6,black" type=2 line=0 align=center use=ex num="0,black"]
الله يقطـع هـل الدمـام ياهـل الخبـر
واعدت ابو ريـوف بزيـاره ولا زرتهـا
ياريوف ليل المـوادع دمـع ولا سهـر
لـو انهـا فـي اختيـاري ماتخيرتهـا
وانا فراسي قصيده تشتغـل مـن ظهـر
اخـاف عينـي تغمـض مابعـد قلتهـا
لكن قولـي لبنـات السّـد ولا النصـر
وشرايهـم فـي هنـوفٍ يـوم عيّنتهـا
جديلهـا يدّهـر ورموشـهـا تـدّهـر
وثيابهـا كـل ماهـب الهـوى بختهـا
ماهيب ثيّب مـن الفتنـه ولاهـي بكـر
لكنهـا مـن غلاهـا لـي تباكرتـهـا
وردوفها رفرف الجمس الجديـد الحمـر
مستعملـه بـس لذلحيـن ماسقتـهـا
قالولي اخذ اختها قلـت الليالـي دهـر
ماهيـب ملغـا ولاكـنـي تمالغتـهـا
كن نيل مصر الجديد اللي يصب فمصـر
نيل امهـا وكـن دلتـا سوريـا دلتهـا
ان سولفت سولفـت لكـن بالمختصـر
كنها تضامن مع البكمان فـي صمتهـا
اذا ضحكت قلت ياربـي عليـك الصبـر
والا بكـت قلـت ياربـي ماصبرتـهـا
والخيل والليـل والبيـدا ووجـه الفقـر
اتطيح من عيني اليسرى لـي ناظرتهـا
حتى هوى الطايف اللي كل ليلـه مطـر
كنـي مصيـف بـجـوه لاتحضنتـهـا
امحق سنه عاد نفسي فيش وامحق شهر
مافيـه مـره بعـد فرقـاش ماذقتهـا
وانا على شانش ازعـل حكومـة قطـر
عجمـي وقلبـي خبـل لابعتهـا بعتهـا
امتن من الضعف واطول من ظلال العصر
يضيـع فيهـا النظـر لامنـك ناظرتهـا
ياقلّها يـوم الـدّ العيـن يـم الخصـر
والا تعـديـت قلّـتـهـا تكاثـرتـهـا
من المخافه مايوقظـك لصـلاة الفجـر
ومـن الطهـاره مايفكـي لا تيممتهـا
الا اقبلت كنّهـا الارهـاق بعـد السفـر
متثيقلـه مـن سـحـا والا تثيقلتـهـا
يدفّهـا الشـوق دف العاصفـه للشجـر
وتميـل لكـن تستـعـدل لا عدّلتـهـا
وساعة ماتزعل كن الزعلان منك بـزر
ياجعلـك تمـوت يامحمـد مازعلتـهـا
وياجعل مالش ياعيني غير فتنـه نظـر
والله يلعـنـك ياقلـبـي لا همّلـتـهـا
الله خلقهـا بشـر لكـن غيـر البشـر
الناس من تحتها والارض مـن تحتهـا
قالـت انـا الحمـدلله والثنـا والشكـر
قلت انتي اللقمـه اللـي مابعـد كلتهـا
قالت على الموت قلت انتي عذاب القبـر
قالـت لا بالله يبـن الذيـب مصّختـهـا
الله عطاها شرف مريم وتقـوى عمـر
وانـا اذا ذعـذع الغربـي توسّدتـهـا
بس اعذروني اذا غنيـت يااهـل قطـر
والله يغفـر ذنـوبـي يــوم حلّلتـهـا
ماهو جنـون الغنـم ولا جنـون البقـر
شاعر وعنـدي قصيـدة زينـه وقلتهـا
قولولهـا لاتروينـي نـجـوم الظـهـر
يمّـا تـرد الخبـر ولاعشقـت اختهـا [/poem]

رد : محمد بن الذيب ((ازعـل حكومـة قطـر))
 

تسلم ايدك على النقل
وما قصرت

رد : محمد بن الذيب ((ازعـل حكومـة قطـر))
 

لاهنت على النقل


تقبل مروووووووووووووووي

رد : محمد بن الذيب ((ازعـل حكومـة قطـر))
 

القصيدة جيدة لو ان الشاعرلم يذكر مريم وعمر رضي الله عنه

رد : محمد بن الذيب ((ازعـل حكومـة قطـر))
 

شاعر وفي شعره من الطرافة

معى بعض المهايطات

بس قد له سنيتن وهو يدوّرها :)

رد : محمد بن الذيب ((ازعـل حكومـة قطـر))
 

بيض الله وجهك ياعلي وماقصرت

وابن الذيب شاعرنا ياهل قطر وشاعر مبدع ونجم ويغرف من بحر بعد

بس يتجاوز الخطوط الحمراء

رد : محمد بن الذيب ((ازعـل حكومـة قطـر))
 

شاعر مبدع لكن متجاوز وغير مبالي

رد : محمد بن الذيب ((ازعـل حكومـة قطـر))
 

ومتى صار ان شاء الله شاعر قطر !!

رد : محمد بن الذيب ((ازعـل حكومـة قطـر))
 

شعراء قطر واجد واولاهم واكبرهم ابن مايقه الله يطول في عمره

وابن فطيس والشبرمي وابن الذيب وابن غيده والدعيه وابن كروز وغيرهم كلهم فيهم الخير والبركه

رد : محمد بن الذيب ((ازعـل حكومـة قطـر))
 

حياك الله اخي الغالي

انا سعيد بمرورك علي مشاركتي

دمت بكل الود