أنا للرجال الطيبه قيمة عندي *** ألبي طلبهم مايبونه على راسي
 

[poem=font="Simplified Arabic,4,black,normal,normal" bkcolor="transparent" bkimage="" border="double,5,black" type=0 line=0 align=center use=ex num="0,black"]
بسم الله الرحمن الرحيم
ذكرناك يالي بيدك الفضل والمدّي=رجانا معلق فيك ماهوب في الناسي
انا للرجال الطيبة قيمة عندي =ألبي طلبهم ما يبونه على راسي
غلاة وانا ودّي وبه احيان ما ودّي=اذا كان به عود ركب قبّ الأفراسي
يعد السوالف والفعل قبلها عدّي=تنومس علومه ما قراها بقرطاسي
احب استمع ويزلني الدور ويعدّي=ولو ما أتكلم في المجالس فلا باسي
وليا طلب مني قلت حاضر وباسدّي=لياجا لزومي جبت انا اللول و الماسي
اشارك مع العراف والبس على قدّي=وافصل ثيابي حسب جسمي ومقياسي
ولا كل مايبرق ذهب يا ولد جدّي=ولا كل سيف يالسنافي بعباسي
فحصنا الذهب والسيف لاشك مايجدي=شهبنا وحصلنا البعض زنك ونحاسي
ولا كل رجل لي زحم بيته يغدّي=ولا كل سباح يقولون غطاسي
ولا كل عود يصلح يقال له ندّي=ولا كل عود يصلح يكون مقباسي
ولا كل هرج يعجب الناس ويلدّي=كبود على بعض السواليف يبّاسي
وأنا عارف قربي وان عارف بعدي=وانا في المجالس ماتخيرت مجلاسي
أقدم كبار السن واللي لفى بعدي=وأقدر كبار السن لبّاسة الطاسي
معرفة رجال الدين والطيب ياوجدي=تزيدك شرف وتجمّلك باطيب لباسي
تعينك على الطاعه ويقالك مقدي=وتحصل بها يالرجل مكسب ونوماسي
ومعرفة قلال الدين تجعلك متردّي=تهينك وتلقالك اهانات واتعاسي
لحيث إن معرفتهم ترا مالها سدّي=ضعيفة قواعدها وهي مالها ساسي
مرضهم خطير وينتقل للبدن معدي=عسى الله يكافي شرّهم شرّهم قاسي
هل الطيب بنك يصرف فلوس بالنقدي=وهل الشر حراس على بنك الإفلاسي
نصيحة مود مخلص قلتها ِجدّّي=زمنا خطير ياجماعة وحساسي
لزوم نقول الحق والحق لابدّي=ولاعندنا في هرج حاسد وبلاسي
وياكم وكم من واحد ضدك وضدي=يجيك ايتمذلق بالسوالف وهلاسي
ونا خادم الإسلام وفي خدمته جندي=أدافع عنه مادامت الروح وأنفاسي
وختمت الكلام ونفحة العود والوردي=يعم الحضور ويدفع الطيب نسناسي



الأستاذ الشاعر/ حامد بن غانم الجذع القحطاني[/poem]

صح لسان الشاعر والله يعطيك العافية على نقل هذي القصيده الرائعة وفي انتظار جديدك

رد : أنا للرجال الطيبه قيمة عندي *** ألبي طلبهم مايبونه على راسي
 

السلام عليكم ورحمة الله وبركاته


صح لسان الشاعر


وصحت يمنا الناقل


تقبل وافر التحية

رد : أنا للرجال الطيبه قيمة عندي *** ألبي طلبهم مايبونه على راسي
 

صح لسانك
والله يوفقك

رد : أنا للرجال الطيبه قيمة عندي *** ألبي طلبهم مايبونه على راسي
 

تسلم ياعبدالله ولاهنت

ولاتخلينا من قصايد الشايب

جعله يسلم وانت

لاعدمناك

رد : أنا للرجال الطيبه قيمة عندي *** ألبي طلبهم مايبونه على راسي
 

صح لسان الشاعر


ولاهنت يالغااااااااااااااااالي على النقل


لاعدمنااااااااااااااااااااااااااااااااك

رد : أنا للرجال الطيبه قيمة عندي *** ألبي طلبهم مايبونه على راسي
 

بسم الله الرحمن الرحيم .

السلام عليكم ورحمة الله وبركاته .

جمل الله حالك على هذه القصيده الطيبه

رد : أنا للرجال الطيبه قيمة عندي *** ألبي طلبهم مايبونه على راسي
 

لاهنت بيض الله وجهك

وتسلم يمينك على النقل

رد : أنا للرجال الطيبه قيمة عندي *** ألبي طلبهم مايبونه على راسي
 

صح السان الشاعر ولالالالالالالالاهنت يا السنافي على النقل