قصيدة نابي بن جايز بن الدفين آل سعيد الشعامل الهاجري والتي يزهم بها النائب الدكتور عل
 

طالبك تلحق على نفسٍ بقاياها شريدة *** طالبك تلحق عليها دام باقي لي بقيه

آه يا ظلم الظلام وآه يا نار الوقيدة *** تقهر الرجال كثر الغطرسة والعنجهية

نار ظلم لو تجي الاقطاب ذاب بها جليده *** ولو تعرضها على كثر البشر تصبح شويه

ما مشت رجلي ردى ودروبها مني بعيده *** مؤمن بالله حق وتابعٍ سنة نبيه

و إن حصل بحسابهم مني خطا ولا مكيدة *** ليه تحجيم الخطيه وجعلوا منها قضيه

مر عامٍ بين ذل وغبن ويلين الحديدة *** والدعاوي في نجية والحقيقة في نحية

لي متى مدري كذا الأوضاع مافيها جديدة *** تمشي الأيام يوم بيوم والأوضاع سيّه

آه يامر المفارق آه ياكبر الفقيدة *** من ربوع ومن ديارٍ مالي بها مقدرية

آه ياقلب حزين وعين لا ماهي سعيدة *** آه ياكبدٍ كواها الهم كيه فوق كيه

والحقيقه مانرد أمر وقع ربي يريدة *** وماشكيت من التسخط كاتبه رب البرية

راضيٍ باللي حصل لي جعل ربي مايعيده *** و أمر ربي حاصل من خير ولا من بليه

و عارف إن ربي هو الرحمن وارحم من عبيده *** ماغفل عن عبده اللي يطلبه صبح وعشية

و الوكاد اللي أعرفه حق وعلوم وكيدة *** إن ابن مركوز والله قدها لو هي قويه

ببذل الأسباب عند أهل المروات السديدة *** و ماطرالي غير ابن مركوز مشهور الهوية

هاقيٍ بك يا بن عمي عز مجديٍ تستعيده *** ما تخيّب هقوتي بك تبدل الحال الشقيه

وخاتمتها للنبي صلوا صلوات مديده *** عد ماتشوى على جمر القهر كبدٍ طرية

رد : قصيدة نابي بن جايز بن الدفين آل سعيد الشعامل الهاجري والتي يزهم بها النائب الدكت
 

مشكور والله لايهينك على النقل يا الذيب وصح لسان شاعرها.
ولا عليك امر حاول تنقلها لمجلس عذب الكلام لانه مكان القصايد المنقولة .

رد : قصيدة نابي بن جايز بن الدفين آل سعيد الشعامل الهاجري والتي يزهم بها النائب الدكت
 

ارررررررحب



والله لا يهينك على النقل الجميل ..


وصح لسان الشاعر .. وصح بدنك انت


ولا تحرمنا من مواضيعك ..



(واسمحلي بنقلها لقسمها الصحيح نفداك)

رد : قصيدة نابي بن جايز بن الدفين آل سعيد الشعامل الهاجري والتي يزهم بها النائب الدكت
 

الله يفك عوق نابي بن جايز


وعز الله انه ما مشى في الدروب الرديه وافي ومن رجالن وافين


وابن مركوز راعي فزعه ولاهوب مخلي ابن عمه


ولاهنت يا بن هجاج