الفخر غرض شعري من قديم الزمان

و عندما تكون من قبيلة تستحق الفخر و افعالها تصل الى عنان السماء

فـأن الفخر يكون له مسوغ و استحقاق و مهما بلغنا في مدح قبيلتنا فـ لن نصل الى ما تستحق

ايها الاخوه الافاضل

تقبلوا مني هذه البسيطه و القليله في حق قحـــطان

صلوا عل النبي

..........

........

......

....

..

.





[poem=font="Traditional Arabic,6,darkred,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]










دكيت خطواتي على نايد البيد = و شمّرت يدي للحمول الثقيله
و اسرجت خيلي من عزوم المجاليد = اخطامها فعل الرجال الجليله
عزّمت ابين خافيات المواريد = و اعطي علامه للعقول الضليله
وذبيت مرقاب(ن) طويل الجلاميد = و رزيت رايه من فخر في قبيله
بمدح ربوعي حتى لو انحت الحيد = و اصوغ منّه فارهات الجزيله
قحطان ما تكفي عزومي مع الجيد = ألحق فعايلها بظهر الاصيله
يا ويش ابذكر لو كتبنا المفاريد = المدح يفنى ما قدحنا فتيله
روس العرب يوم العرب تحمي الغيد = بمحدّبات ام الرهاف الصقيله
اهل الكرامه لا لفوك المناشيد = و كل قحطاني سد فعله بـجيله
حنا بني قحطان و انشهد هل الكيد = كم بيرق(ن) ضمنا و همه يشيله
دعم الملوك و راية الحق توحيد = و راياتنا ترفع براس الطويله
هادي و ابن هادي و معهم صناديد = كنهم جبّال طويق و الا مثيله
حطوا على تاريخ نجدٍ شواهيد = يُذكر صداها كل صبحٍ و ليله
افعالنا واجد و منها عناقيد = نقطف ثمرها لو بغينا حصيله
البيت ما يرّفع بليا عواميد = حتى ولو كانت بيوت(ن) سليله
زليت شعري في خيار البغاديد = و قربت محماسي مع قناد هيله
لعيون فكرٍ طاح عندي ولا اريد = الا جماله في سحاب و هميله
و كل القبايل والنعم بالأجاويد = الطيب وافي و المذمه فشيله
و قد راح عصر السيف تحت البواريد = في راية اللي حقق المستحيله
عبدالعزيز ابو الملوك المعاضيد = اخوان نوره و العزاوي دليله
خيالة العوجا و فيهم فلا ازيد = المدح يقصر دونهم بالوسيله
هم محزم الطيب و سم الهرابيد = و هم عملة النادر بكف الفضيله
و ختامها افضل صلاة(ن) بتجويد = على النبي طه و ربي كفيله
بعداد من كبّر و صلى مع العيد = و اعداد ما حام الحمام و هديله[/poem]











لكم اجمل التحايا
ناصر السحيمي