|
الحذر عند بيع السيارة --- لكي لاتقع في نفس المشكلة
اخواني الافاضل السلام عليكم ورحمة الله وبركاته في خلال شهر فقط تمرمطت مرمطه ليس لها اول ولا أخر بسبب بيع سياره وللاسف اذا مامعك واسطه وقويه والا ماراح تاخذ حقك مالكم بالطويله اجيب لكم السالفه الاولى قبل فتره اشتريت سيارة وجيت استلم السيارة قالوا لي الوكاله عليك قسائم بمبلغ وقدرة 1900 الف وتسعمائه ريال سددها وتعال انبهرت انبهار غير طبيعي لاني راعي سرعه ولا دوران ولا قطع اشارات ! ! راجعت المرور وكانت الصدمه العظمي استفسرت عن القسائم وقال لي العسكري القسائم مسجله على السياره وليس عليك قلت انا معي سيارة تتبع للشركة التي اعمل فيها والسيارة ماهي باسمي قال فيه سيارة باسمك نوع جمس ونيت موديل 87 قلت ياخي بايعه من زمان انا من عام 1417 هـ قال هل معك اثبات انك بايع السيارة ؟ ؟ ؟ قلت لا والله الاثبات راح ولكني بعته في معرض الهويمل بمعارض النسيم بالرياض قال السيارة لازالت باسمك والمخالفات ( تظليل - وقوف خاطئ - عكس سيد - سرعة - تجاوز غير نظامي ) ونصحني العسكري وقال احمد ربك انها وقفت على القسائم ولاسوا بها مصيبه كبيره وتطيح على راسك وبسرعة البرق رحت لمعارض النسيم وعلى معرض الهويمل وانصدمت ان المعرض تم تغيير اسمه واسئل شخص من الجنسيه السودانيه يعمل بالمعرض وقلت هذا مو معرض الهويمل ؟ ؟ ؟ قال نعم صحيح كان معرض الهويمل ولكن الرجال توفي الله يرحمه من اربع سنوات تقريبا واسئله عن الدفاتر والاوراق والاثباتات لنقل الملكيه فقال لي بكل برود الرجال راح وراحت اوراقه معه الله يرحمه وقعدت اعد الساعه والدقيقه الى ان اصبح الصبح واذهب الى شرطة النسيم وابلغ عن المشكله وقلت انا لا اريد اي مبلغ مالي ولكن اريد ان تنقل السيارة باسم المشتري وانصدم بان مساعد مدير شرطة النسيم يقول لي سوف احولك لوحدة المعارض لكي يربون اشكالك انت والشريطيه ! ! ! ودار نقاش بيني وبينه طويل وعريض لاثبات اني ليس لي اي باع في البيع والمشترى بالسيارات واقسم برب العالمين انني لست شريطي ولا اتاجر بالسيارات ومع ذلك لازال هناك إهانة لمن يطالب بحقه وللاسف الشديد راجعت حساباتي ووجدت انني غلطان مائه بالمائه كون اني املك واسطه واذهب لكي اراجع معاملتي نظاميًا ذهبت الى الواسطه وابلغته بكل القصه وفي خلال دقائق قام بعمل اللازم وقال سوف اتصل عليك باذن الله في خلال اربع ايام اتصل علي الشخص وطلب مني الحضور وعندما حضرت كانت المصيبه المصيبه اخواني بسبب شريطي اسئل المولى عز وجل بان يجعل كل فلس دفعته عنه ان يكون حرام في بطنه وبطن عياله وان يضيق عليه رب العالمين عيشته وحياته لقد تبايع السيارة 6 اشخاص شريطيه وهي باسمي وتخيل السيارة بعتها من عام 1417 هـ ونحن الان عام 1429 هـ 12 سنه والسيارة باسمي ومادريت عنها وكنت حاط ثقتي بالمعرض ان السيارة خلاص ماراح تطلع الا وهي منقوله ولكن لازال هناك تحايل على النظام ( من أمن العقوبه أساء الأدب ) السالفه الثانية بعت سيارة نوع فورد كراون فكتوريا بمبلغ 25000 خمسه وعشرون الف ريال وايضا في معارض النسيم اشترى مني السيارة شريطي الله لايوفقه دنيا وأخره وماكان عندي علم انه شريطي لاني اجهل اشكالهم ورجال شكله حبيب وطيب المهم جرب السيارة وحط لي فيها من العيوب الشي العجيب لحد انا بنفسي كرهت سيارتي اتفقنا على 25000 وهي كانت مسيومه 26500 وجينا للمعرض وقال الحين معي خمسة الاف ريال ابي اعطيك اياها وبكره تمرني العصر واكمل لك الباقي لحد ما اسحبها من البنك اخذت ورقه بالكلام هذا وبنفس الوقت كنت حذر ولا وقعت على مبايعة السيارة جاء بكره ودور الرجال والا والله يقولون ماجاء وبعد بكره ونفس الشي المهم خمس ايام عيفني عمري وفيه مصري يشتغل معهم حن علي ورحمني وقال اسمع عارف متى تجيك فلوسك ؟ ؟ ؟ قلت متى ؟ ؟ ؟ قال اذا باع السيارة بمكسب هذاك الوقت فكر يجيب لك فلوسك وهو اساسا مايشتغل بالمعرض بس انه شريطي يروح ويجي ........ الخ والمصيبه سيارتي اشوفها واقول خلاص هذي فلوسكم ورجعوها مابي ابيع قالوا لا الموضوع انتهى انت اتفقت مع الرجال بالبيع والسيارة ماهي ملكك المهم رحت لشرطة النسيم اعطوني ورقه بحضور الشخص ورحت المعرض اسلم لهم الورقة وانصدمت ان راعي المعرض يقول هذا مانعرفه ولا هو عندنا تبيه رح دوره في بيته رجعت للقسم وبلغتهم بالي صار وقال تعرف بيته والا عمله ؟ ؟ ؟ قلت لا قال نسوي عليه بلاغ ومتى مامسكناه نتصل عليك طيب هذا معرضه موجود وسيارتي عندهم ! ! ! بكل برود يرد علي الضابط ويقول ماحنا ملزومين نطلع علشان شخص ماندري وينه راجعت حساباتي مره ثانية ووجدت انني غلطان مائه بالمائه كون اني املك واسطه واذهب لكي اراجع معاملتي نظاميًا ذهبت الى الواسطه وابلغته بكل القصه وقال تمرني الصباح وباذن الله تنتهي الامور مريته الصباح وطلعنا المعرض ووجدنا الكاتب وطلب منه ان يتصل بصاحب المعرض والحضور حالا وفعلا في خلال قرابة ساعة حضر صاحب المعرض وخير بان يدفع باقي المبلغ او باسترداد الخمسة الاف واخذ السيارة ؟ ؟ ؟ وقام بكل وقاحه ووصاخه بالاتصال على الشخص الذي اشترى مني السيارة وقال بهذا المنطق وربي يشهد ( انت تبي تجي تدفع حق الموتر والمصيبه الي بليتنا فيها والا ناخذ فلوسك ونعطي الرجال سيارته ) اقسم برب العالمين يا اخوان بان هذا ماحصل وين الي يقول انا ماعرفه ولا يشتغل عندي ؟ ؟ ؟ المهم هذاك الظاهر قام يخربط ويسوي ويفعل وقام صاحب المعرض واقفل الجوال بوجهه ودخلنا مكتبه وقام بتحرير شيك بالمبلغ المتبقي ولكن لايلدغ مسلم من جحر مرتين طلبنا المبلغ كاش لكي لانعيد الكره ومشاكل وشكاوي علشان شيك بدون رصيد قام يحلف ويقسم انت ياصاحب المعرض ان ماعندي في المعرض وانها كلها في البنك ............. الخ قلنا ماهي مشكله معنا سياره مكيفه ومن اروع مايكون الحين مشوار عشر دقائق للبنك واسحب المبلغ وسلمنا اياه ورحنا وانهينا الاجراءات وكله للاسف بقوة النظام ولكن لازم واسطه اخواني من قصتي هذه اخذت درس عظيم وقوي جدًا ويجب أن نتنبه لحاجتين مهمه جدًا 1- عند بيع السيارة لاتنسى أن تحتفظ بورقة المبايعه وبشرط ان تكون مختومه من المعرض وتأكد من أسم المعرض 2- احذر ان تغادر المعرض ولم تستلم مبلغك كامل لكي لاتذهب في مرمطه وتعيفك حقك ويمكن تتنازل عن نصه بس علشان ترتاح من الروحه والجيه اذا كنت ماتملك واسطه اسف على الاطاله ولكن حبيت اني انبهكم اخواني الافاضل من اللعب والتلاعب من قبل الشريطيه الذي الله اعلم بنياتهم ومايقترفونه من كذب وحلف على كذب وتحايل على المسلمين منقووووووووووووووول |
رد : الحذر عند بيع السيارة --- لكي لاتقع في نفس المشكلة
عزيزي خالد
أسأل الله أن يعوضك خيراً فيما حدث لك وشكراً على النصيحه التي من القلب لأخوانك أعضاء المنتدى والمشكله الحقيقيه اننا نتبع الشرع بدون تطبيق فعلي ولايوجد قانون واضح لمحاربه اللماطلين وحمايه المواطن من كل من تسول له نفسه تحياتي |
رد : الحذر عند بيع السيارة --- لكي لاتقع في نفس المشكلة
منقوووووول
اخوي خالد المشكله بدأت من نفس الشخص لماذا لم يأخذ ورقة مبايعه أذكر خالي حصل له نفس المشكله ولكن المعرض تفاجأ بأنه يملك ورقة اثبات والله انهم رايحيين له الى مكان ابله خارج الرياض على طريق رماح صاحب المعرض ومعه شريطيه قحاطين << يعني ماقدروا موقف خالي وكان خالي في البدايه معارضهم واخر الليل عشاهم وتنازل وانتهت المشكله والشريطيه لاتبيعهم ولاتشتري منهم بحسب ما اسمع من الناس لاني ولله الحمد ماتعاملت معهم شاكر ومقدر على نقلك المفيد |
رد : الحذر عند بيع السيارة --- لكي لاتقع في نفس المشكلة
لاهنت
مشكور على النصيحة |
رد : الحذر عند بيع السيارة --- لكي لاتقع في نفس المشكلة
لاهنت على النصيحه
وانا مره صارت معي نفس السالفه بعت سيارة واخذت عربون 3000 ريال وقال الرجال باقي الفلوس بكره العصر قلت له تمام ... جيت من بكره مالقيت الرجال وجلست اسبوع اتردد على المعرض علشانه ولالقيته.... قلت للمعرض ابعطيكم العربون وعطوني السيارة .. قال انتم اتفقتو مع بعض ولانقدر نعطيك السيارة... جيتهم من بكره ودخلت المعرض وكان معي سبير لسياره قمت شغلت السياره ومشيت .... وخليت المعرض المشتري يدوروني لمدة شهر خليتهم يكرهون المعارض زي ماكرهوني فيها .... بعد كذا كلمني المشتري وقابلته واخذت الفلوس كاملة وسلمت السياره للمعرض .... وقلت للمعرض بكره اجيك العصر واحصل السياره منقوله بأسم المشتري ... تحياتي |
رد : الحذر عند بيع السيارة --- لكي لاتقع في نفس المشكلة
الله يقطع هذولا الشريطيه بهذلوا
الناس في المعارض |
رد : الحذر عند بيع السيارة --- لكي لاتقع في نفس المشكلة
لا حول ولا قوة إلا بالله
ما غير عيونهم في فلوس المواطنين ,, الله يأخذهم الله تهدي العاصي لطاعتك تحيـــــاتي يا العاصمي |
رد : الحذر عند بيع السيارة --- لكي لاتقع في نفس المشكلة
بالرغم من كثرة السيارات اللتي بعتها الا أنه لم تحدث لي أي مشكلة وهذا توفيق من الله
ولاكن بعد قراءتي للموضوع تو جب علي الحذر في جميع المعاملات لكي لا أقع وغيري في ما لاتحمد عقباه شكرا للجميع على مداخلاتهم متمنيا لكم التوفيق |
رد : الحذر عند بيع السيارة --- لكي لاتقع في نفس المشكلة
لاهنت يا خالد
والله يعينك في مصيبتك بس اشوف الكل ما بارك لك على السياره الجديدهـ ... الله يعطيك خيرها ويكفيك شرها ... قلت خلني اول المباركين تحياتي اخوكـ/ عبدالرحمن بن عادل |
رد : الحذر عند بيع السيارة --- لكي لاتقع في نفس المشكلة
جزاك الله خير على التنبية
خصوصا ذوي الخبرة المحدودة والشريطية طبعهم واحد الا مارحم ربي تقبل تحياتي |
| الساعة الآن 06:22 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com