صنـــــايع الطـــيب
 

مساكم الله بالخير جميعاً اعضاء ومشرفين وزوار انقل لكم هذه القصيده واتمنى ان تنال اعجاب الجميع وهي من قصائد اخوي الشاعر / محمد ابن عبدالله ابن بشير المسردي


[poem=font="Simplified Arabic,5,darkred,bold,normal" bkcolor="transparent" bkimage="backgrounds/13.gif" border="double,thick,teal" type=2 line=1 align=center use=sp num="0,black"]

صنايع الطيب تقيا من شرور الدهر = واللي زرعها بيجنيها ولو بعد حين
محالة الوقت دواره بخير وكدر = والعذر مايشبع الجوعان والمستحين
واللي جبر كسر من حده زمانه جبر = كسره اليا ميل الحظ الردي والسنين
يوم السعد لايغرك لو يطول قصر = ولا تامنه لاسقاك العذب تاليه طين
كم واحداً قدم المعروف بلا فخر = حاسب أحساب المدين يطًلع المستدين
ولولا الحوايج ماشيف الطيب بين البشر = والكامل الله ومافي خلقه الكاملين
ومن لا أتعظ شاف في دنياه أكبر عبر = ومن التواضع بيرجع لأسفل السافلين
والكايده مالها إلا حراً لاما شهر = آليا بدى الموقف الغصاب فعله يبين
فعله هو مرايته لاغاب ولا حضر = وفي كل ارضاً زرعها طيب بالطيبين
هذا رصيده إليا شح الزمان الغبر = يلقى جزا فعله اللي يفعله كل حين [/poem]وسلامتكم ,,,,,

رد : صنـــــايع الطـــيب
 

الله الله

صح الله لسان ابن بشير المسردي
وسلمت يمين اللي نقلها


والله قصيدة جزله من رجال كفووووو و وافي

فعله هو مرايته لاغاب ولا حضر
وفي كل ارضاً زرعها طيب بالطيبين
هذا رصيده إليا شح الزمان الغبر
يلقى جزا فعله اللي يفعله كل حين


هذا البيتين تسوى قصيده لحاله


لا هنت يا صبي مسرد
والله يعيطك العافيه وما تجيب الا السمان يا الذيب

ولا تحرمنا من جديدك وجديد الشاعر


أخوكـ البشري

رد : صنـــــايع الطـــيب
 

يوم السعد لايغرك لو يطول قصر

ولا تامنه لاسقاك العذب تاليه طين


صح لسان القايل والناقل



لاهنت يا صبي مسرد على ايراد هذه الرائعه

رد : صنـــــايع الطـــيب
 

رد : صنـــــايع الطـــيب
 

شاكر مروركم وصحت ابدان الجميع

رد : صنـــــايع الطـــيب