(( ينعد من ضمن الرجال المطاليق ........ ))
 

كل الفضـــاء

[poem=font="Arial,5,black,bold,normal" bkcolor="transparent" bkimage="" border="none,medium,gray" type=2 line=1 align=center use=sp num="0,black"]

كل الفضاء من كثر ماحلبي ضاق=تقول اعيش ابمحكمات الصناديق
قامت هواجيسي على القلب تنساق=سوق الذخاير من سلاح التفافيق
اصبر لهم لوعته تحرق احراق=اثقل من العارض ومن هضبة اطويق
كم ليلة مرت ونومي تشفاق=ليلي ويومي صار مافيه تفريق
كن السهر مزروع في صلب لعماق=تقول من بيني وبينه مواثيق
تبين في وجهي علامات لرهاق=والفق البسمة على الوجه تلفيق
يمرني لحظات ماهيب تنطاق=تفقدني التركيز وتنشف الريق
وقت(ن) جعل بعض العرب خيله سباق=تركض بتصفيق وتاقف بتصفيق
ايحط شيخ و تجعل احباله وثاق=ويعد من ضمن الرجال المطاليق
وهو بشكل غير وحباله دقاق=ولايساوي قرش في حزة الضيق
بالظلم والبهتان واقف على ساق=يسعا لزرع الشر بين المخاليق
دايم يسبب له حزازات وشقاق=ويحط بين الناس بغضا وتفريق
لافيه لاذمه ولا عنده اخلاق=عساه ومثاله فدا (ن) للمطاليق[/poem]

رد : (( ينعد من ضمن الرجال المطاليق ........ ))
 

كم ليلة مرت ونومي تشفاق
ليلي ويومي صار مافيه تفريق

كن السهر مزروع في صلب لعماق
تقول من بيني وبينه مواثيق

تبين في وجهي علامات لرهاق
والفق البسمة على الوجه تلفيق



ارحب يابو محمد


جزله كما سبقها من قصايد


صح الله لسانك وعلا ورفع شانك



بيض الله وجهك


ننتظر جديدك طول الله عمرك

رد : (( ينعد من ضمن الرجال المطاليق ........ ))
 

رد : (( ينعد من ضمن الرجال المطاليق ........ ))
 

رد : (( ينعد من ضمن الرجال المطاليق ........ ))
 

أبو محمد


جزل ومبدع دائماً
واتشرف بقراءة قصائدك النموذجية للجزالة والإبداع

صح لسانك ولاهنت على التواجد القيم والراقي

تحيتي لك يالغالي

رد : (( ينعد من ضمن الرجال المطاليق ........ ))
 

اررررررحب يالقرقاح



مبدع دائمآ



صح لسانك ياكحيلان

رد : (( ينعد من ضمن الرجال المطاليق ........ ))
 

تبقى طال عمرك ولا عليك زود


مرورك اكبر شرف لاعدمتك

رد : (( ينعد من ضمن الرجال المطاليق ........ ))
 

صح بدنك يابو محمد ولا عليك زود

رد : (( ينعد من ضمن الرجال المطاليق ........ ))
 

الله يبقيك ولا عليك زود

مرورك يكفي .

رد : (( ينعد من ضمن الرجال المطاليق ........ ))
 

صح الله لسانك يابو محمد

وافي وعادتك الجزاله نفداك


وفي انتظار جديدك