|
نعاند بعضنا ونقول يالله تهزم إسرائيل - مصافحه أولى
[poem=font="Simplified Arabic,6,orange,bold,normal" bkcolor="darkred" bkimage="" border="double,thick,orange" type=1 line=0 align=center use=ex num="0,black"]
زمان أول تغير وأصبح الحاضر يهد الحيل = فراق وغربةٍ تسكن خفوق الشوق وتهده لقينا فزعة الفرقا بحضن الذل والتقبيل = ودسنا الوصل بنعال الغرور وقوة الصده بنينا للوصل قصرٍ شكا من كثرة التطبيل = تخيلناه مثل طويق حتى صار من قده ولبّسنا أمانينا ثياب المدح والتبجيل = وعشنا كننا أخوان دين وكلمة وحده أمانينا بدت تكبر بصبح هد هـم الليل = وصار المستحيل الصعب يُسر وراحت الشده رسمنا حلمنا بالسيف والفارس وعزم الخيل = وصبرٍ ما يبي غير الفرج لو طالت المده وسجلنا على الحظ الردي معروض للتقبيل = نبي ننسا زمان الدمعة اللي شقت الخده تعاهدنا نغير وقتنا اللي فيه قال وقيل = نبي نصنع بهالعالم جميل وما نبي رده نبي نرقا بكوكب لارض حتى يغار منا سهيل = نبي اللي حب يتغزل بزين الأرض ونمده تمنينا وحاولنا ولكن خاننا التبديل = تصادمنا مع واقع سيوف الحرب والعده نعاند بعضنا ونقول يالله تهزم اسرائيل = طموحٍ يهزمه هزل العناد وما لفا جده نخادع نفسنا ونقول هذي كذبتك يا ابريل = شعار ما سلم منه البحر في جزره ومده لقينا ان القرار الصايب انا نعيش في تذليل = مادام الذل نجّا من نخاه وما كسر يده [/poem] |
رد : نعاند بعضنا ونقول يالله تهزم إسرائيل - مصافحه أولى
ارحب ارحب يابو شايع
مصافحه تنبئ بقدوم شاعر كبير انا اشهد انك صادق وشاعر كفو بيض الله وجهك وصح لسانك مليون يالقرم شرفنا انضمامك لإخوانك ونكرر الترحيب لاهنت . |
رد : نعاند بعضنا ونقول يالله تهزم إسرائيل - مصافحه أولى
ماشاء الله
نص متألق وشامخ جداً أعجبتني كثير من الأبيات صح لسانك وفي انتظار تواصلك |
رد : نعاند بعضنا ونقول يالله تهزم إسرائيل - مصافحه أولى
اقتباس:
أررررررررررررررحب يا سعيد تراحيب الحيا وصح لسانك واعتلا شانك قصيدة جزلة من راس جزل وجودك بالمنتدى زود على زود ننتظر جديدك وتقبل تحياتي |
رد : نعاند بعضنا ونقول يالله تهزم إسرائيل - مصافحه أولى
ارحب ارحب ارحب
الله يحييك با ابو نواف في محلك الساعة الطيبه اللي شرفتنا بتواجدك بيننا القصيدة كفو والشاعر كفو والواقع مر اكرر الترحيب بك وتواجد مثلك اعتبره مكسب كبير للشبكه |
رد : نعاند بعضنا ونقول يالله تهزم إسرائيل - مصافحه أولى
اقتباس:
شرفني مروووورك الكريم صح بدنك لا عدمناك وإشادتك تاج على الرأس تقبل فائق احترامي وتقديري |
رد : نعاند بعضنا ونقول يالله تهزم إسرائيل - مصافحه أولى
اقتباس:
مرووورك شرفني صح بدنك ياذيبان تقبل احترامي وتقديري |
رد : نعاند بعضنا ونقول يالله تهزم إسرائيل - مصافحه أولى
اقتباس:
مرووورك اسعدني وإشادتك وسام على صدري تقبل خالص شكري وتقديري |
رد : نعاند بعضنا ونقول يالله تهزم إسرائيل - مصافحه أولى
اقتباس:
البقى يابو سعد الله يسلم حالك ياذيبان الشرف لي أني اكون ضمن هذه الكوكبة المميزه من الشعراء وتواجدي يزيدني شرف تقبل احترامي وتقديري وشكري |
رد : نعاند بعضنا ونقول يالله تهزم إسرائيل - مصافحه أولى
ارحبوووووووووووووو يارجال
حي ذا العين .. وحي ذا القصيد مبدع كما عهدتك ياوجه الرفق صح لسانك والله يحييك بين بني عمك |
| الساعة الآن 11:48 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com