لاتعتـذر مـال الهجـر منـك تبـريـر
من اروع القصائد
للشاعر \ زايد بن علي المري لاتعتـذر مـال الهجـر منـك تبـريـر .....صـدك بليـا ذنــب والله ظليـمـه 00 ماصارلـي بعـدك يفـوق اي تصويـر .....تجـددت كـل الجـروح القديـمـه 00 بعـدك لعـبـي هاجـسـي والتفاكـيـر .....وقلب (ن)جريح وروح صب(ن)مهيمه 00 ماغيـر اسلـي خاطـري بالمشـاويـر .....اروح وارجـع والهواجـس مقيمـه 00 ياحبـي اللـي بيـن بيـض الغنـاديـر ..... لك في عروش القلـب قـدر وقيمـه 00 ان كـان صـدك ماخـذك عنـي لغيـر .....روّح ولـو ان الخسايـر وخيـمـه 00 وان كانهـا عنـي خـذتـك المقـاديـر .....فالعفـو عنـد المقـدره فيـه شيمـه 00 يامرحبـا والـحـب كـلـه معـاذيـر .....تشفـع لـك ايـام الغـرام القديمـه 00 يـوم الهـوى لازارنـي منـك أعصيـر .....أضم في صدري من اجلـك نسيمـه 00 واليوم اصبـر خاطـر الوجـد تصبيـر .....واقول صدك عقب وصلـك جريمـه 00 ولاجـاك منـي ياهـوى البـال تقصيـر .....مواقـفـي ويــاك والله عظيـمـه 00 صخرت لك مشاعـر الشـوق تصخيـر .....وامطرتـك بحبـن تقـفـاه ديـمـه 00 وظللتـك بجفنـي وصـارت مسافـيـر ..... يـوم الغـلا بيـن النديـم ونديـمـه 00 واليـوم ماتنـفـع كثـيـر المحـاذيـر ..... تفاغمـت بيـن النفـوس الحشيمـه 00 عسى سنينـك روض عشـب ونواويـر ..... محـد لنفسـه يرتضـي بالهزيـمـه 00 امـا تخاوينـي علـى الشـر والخـيـر ..... والا السلامـه منـك راس الغنيمـه 00 |
رد : لاتعتـذر مـال الهجـر منـك تبـريـر
بسم الله الرحمن الرحيم
يعطيك العافية يا ابو مبارك على نقلك لهذه القصيدة للشاعر زايد بن علي المري مشكور وما قصرت |
رد : لاتعتـذر مـال الهجـر منـك تبـريـر
امـا تخاوينـي علـى الشـر والخـيـر ..... والا السلامـه منـك راس الغنيمـه 00
لاهنت على نقل هذه القصيدة الرائعه للمري لاهنت |
رد : لاتعتـذر مـال الهجـر منـك تبـريـر
امـا تخاوينـي علـى الشـر والخـيـر ..... والا السلامـه منـك راس الغنيمـه 00
قصيدة رائعه جداً ونالت على إعجابي بشكل كبير تحيتي لك يالغالي |
رد : لاتعتـذر مـال الهجـر منـك تبـريـر
اقتباس:
حاضرين اقتباس:
اقتباس:
لاهنتوا جميع على مروركم الذي اسعدني بشكل كبير |
رد : لاتعتـذر مـال الهجـر منـك تبـريـر
لاهنت يابو مبارك على اختيارك الموفق للقصيدة الرائعة
صح الله لسان شاعرها وصح الله يمناك |
الساعة الآن 06:54 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com