طارق الهجّاد
ليلة من الليالي وانا اسارق النوم ويسارقني جاء في خاطري بيتين من الشعر تحاليتها وفزّيت ابي اكتبها على القرطاس لا تضيع ... وقعدت ليلي ابي اذكر بدون فايدة فقلت هذه القصيدة وانا مانيب شاعر لكن مما في الخاطر ....
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"] يا طارق الهجّاد قافك طريني=يومك تسلل بين يقّظ ومناما إي والله الا ثارني واعتنقني=واشفيت اغني طارقي يوم هاما وقّظت ليلي ويوم جيته فختني =يالله دخيلك من عظيم الاثاما ياللي على طلّ الندى تمتحني = عطش الحشا والليل نوّه تراما ياجعل شيطان بقافك سرقني = يكفّر ذنوبه في كسار اليتاما يقتص لي يوم ان طشّه رشمني = ويكيد كيدك يارديّ العزاما البحر موجه وان فهق رد يدني =باسقيك مالح من عذيب الكلاما خيلي تسابق والميادين فنّي=و فيني من جنون البراكين ياما ان رتل النسناس صوته جذبني=وان تخّرص ارياحه نثرني هلاما واشوف كبد الشمس تلمع بلحني=وفي خدّرة القمرا اشد الخطاما ياسارق الغشماش جنّب ودعّني = عندي دوام وتمّتحني علاما [/poem] وسلامتكم ... |
تسلم
يامسلم العربي بس تبي الصراحة ودي تركز على النثر فقد كانت اولى مشاركاتك تبشر بالخير. حاولت ان اعرض قصيدتك على مشرطي الخاص فوجدت انني بحاجة للكثير من المشارط حتى انقدها. حتى انني استفزعت بمن اعرف ومن لا اعرف فلم اجد تفسيراُ لبعض الكلمات. قلت في نفسي قد تكون من شعبيات الوطن العربي وعلى الفور اتصلت بجفر عباس عبر جريدة اليوم فنفى ان تكون هذه الكلمات من النوبة. وارسلت رسالة عبر الآقط الى انيس منصور لكونه طاف الوطن العربي والعالم فاستنكر وبشدة ان يكون قد سمع بها |
ولد النايب .... سلّط الله على شيطانك
تواضع ياالسنافي والطف باخوك ...دلّه واشرح له وترى اتقبل نقدك وافرح به .... وسّع صدرك وش شايفني اتكلم اردو ؟ والا ماتعرف لغة تاميل ؟ طبيب جرّاح سنّ المشارح وانا بالانتظار |
ما شالله تبارك الله.. يا طارق..
قصيدة جيدة وكل معانيها مفهومة.. ونتطلع للمزيد يا ذيبان... اخوك ابن كشم العبيدي |
ارررحب بالعبيدي
من نسل جدي ويفهم رطني ...... |
ول
مسرع رديت تراني كتبت ردي وانا بعين والعين الثانية مغمضة والله اني على فراش النوم. بس يامسلم الله يهديك ويش اشرح ويش اخلي بس ابي ادلك على شاعر متمكن في المنتدى اسمه : ****** اتوقع يعرف يفك الطلاسم له قصيده عصماء مشابهة في المنتدى. لاكن اذا رجعت من الصيفية اجتمعت انا والمستشارين(مشتشارين الوالد النايب) وشفنا لك حل . على خشمي يا ابا قتيبة . تعجني اريحيتك ووسع صدرك. |
اول شي الله يلعن بوي انها قصيده كايفه
بسم الله ماشاءالله عليك يامسلم هذي وهي جات على بالك عيني عليك بارده |
بالنسبه للقصيده
صح اللسانك يا وجه جنب والى الامام وما يهزك ريح |
مسلم
ما عليك من الردود المتبادلة شد حيلك ولا يهمك لا ولد النايب ولا غيره |
اقتباس:
وترى حذفت بعض الردود التي خرجت عن الموضوع |
الساعة الآن 11:40 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com