اشوف من تبكي ولا احد رثاها = عميا نظرها والسبب من ولدها
 

هذه قصيدة للشيخ/علي بن وازع بن علي بن شديد ال مخثله - قالها قبل (25عام) ينصح فيها اهل (تثليث) ويحثهم على التعاون وترك المشاكل والشكاوي الكيدية التي كثرت في ذلك الوقت وتسببت في تعطيل مصالحهم وحالت دون ايجاد المرافق والخدمات العامة0
[poem=font="Simplified Arabic,5,crimson,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
يقول من هيض شجونه وهاضه=دار اهاليها قليل رشدها

والعفو ياعراف لو قلت زلة=ضمايري فيها سعير حشدها

ممانشوف ويدركه كل عاقل=وعين الحقيقة من يشك بوكدها

اشوف من تبكي ولا احد رثاها=عميا نظرها والسبب من ولدها

سبّب عماها والفضايل نساها=ونهايته بيديه يحفر لحدها

الدار ياهل الدار تشكي وتبكي=باسباب من طرق العدالة فقدها

دار عزيزة من عصور قديمة=بآثارها واذكارها من بعدها

تعرف قبايلها وماضي سلفها=قبايل ماينحصى لي عددها

(تثليث)هي دار(الجحادر)وخلطهم=(آلاد مسرد)يوم يركز وعدها

تقدم على كل الامور الصعيب=وافعالهم كم واحد قد شهدها

تكفون يالاخوان كيف دياركم=فيها الحسد عن كل خير قردها

هذا رفيق لذاك00وهذاك ضد ذا=ناس تفور قدورها من حقدها

كثرت مشاكلها وطوّل عناها=والكل صارت عيشته في نكدها

كم حجة كبرت على غير داعي=بين الخصوم محكمات عقدها

تقبل وتقفي بين وارد وصادر=ومن بعد حرف السين جيم بجدها

وان قيل فيها الاطلاع والافادة=مافيه مسؤول يقارب سددها

اما تهاون في القضية وشانها=ولا اقحم الموضوع بامرّ وادهى

وطال المدى بايقاف كل المصالح=واهل البلد هم من يسبب لددها

ماوفقت بالحظ رجل مخلص=يهتم بحقوق الرجال وبلدها

إلا بعد جاها الامير (ابن صامل)=وكشف حقايقها وطيلة جلدها

فاهتم فيها من جميع النواحي=رتب ونسق والمصالح رصدها

شرح وطرح كامل في اعداده=لاركز بدعوى يقوم بسددها

من عادة الامير هذا ومثله=لاقام فيها قوم الله سعدها

لاشك يبغي له رجال تساعده=عز البلد وابناء البلد من بددها

تسلك طريق الحق من كل جانب=وتصفي قلوب غشاها كبدها

تجمع على نبذ الحسد والضغاين=وفيما يحق الحق تبذل جهدها

حتى البلد يبقى لها العز دايم=وتصغر مشاكلها ويكثر رغدها

الحق له منهاج بين وواضح=وادناه كلمة ماربح من جحدها

والقوم لامن صار فيها تكاتف=تكبر مهابتها ويقوى سندها

تعتز بالجمعا ويلتم شملها=وراع المطالب لاطلبها وجدها

والفضل فضل الله ثم الحكومة=حكومة الاسلام كل حمدها

تمت وصلى الله على خير هادي=عدد هماليل حقوق رعدها[/poem]

رد : اشوف من تبكي ولا احد رثاها = عميا نظرها والسبب من ولدها
 

لاهنت يا ابن مخثلة على ايراد هذه القصيدة


تقبل مروري

رد : اشوف من تبكي ولا احد رثاها = عميا نظرها والسبب من ولدها
 

القايل مايهون

مشكور يابو مبارك ومرورك يشرفني

رد : اشوف من تبكي ولا احد رثاها = عميا نظرها والسبب من ولدها
 

لاهنت على ايراد القصيدة الطيبه


وصح الله لسان الشاعر


والله يحسن الحال

رد : اشوف من تبكي ولا احد رثاها = عميا نظرها والسبب من ولدها
 

الاخ/ابراهيم الرفيدي

صح الله بدنك 00 ومشكور على حضورك الكريم

ولك شكري وتقديري

رد : اشوف من تبكي ولا احد رثاها = عميا نظرها والسبب من ولدها
 

لاهنت ياوجه آل محمد


وبيض الله وجهك على النقل المميز والرائع



والله يصلح الشان ويسر الامور باذن الله


تحيتي لك يالغالي

رد : اشوف من تبكي ولا احد رثاها = عميا نظرها والسبب من ولدها
 

مرحبا اخوي عبدالله

ومن قال مايهون000ووجهك مايلام

مشكور على حضورك الكريم