(( عزالله انها اخطت الناموس واخطاها... ))
 

[poem=font="Arial,5,black,bold,normal" bkcolor="transparent" bkimage="" border="none,medium,gray" type=2 line=1 align=center use=ex num="0,black"]
مثل الضريبه

يالله يامحيي (ن) الارض من ماها=ياخالق النفس ياعالم سرايرها
قولك وذكرك علاج النفس عن داها=ولا تقدم لجال اولا توخرها
اسمك يزين خواتمها ومبداها=ونوادر اخيارها الشرد يسرها
ونا لاقلت القصيده زان مبناها=بنات فكري ولا اعشق غير نادرها
جمال نص القصيدة زين معناها=بين العوارف يطول السان شاعرها
مثل الضريبه لامنه زان مرماها=يبين مضرابها ويبين مطيرها
واليوم موتت قصايدنا ومحياها=بين احتمالين تنهاها وتامرها
اما غدت مثل دلو مقيط ورشاها=ولا انتفض موجها وارست بواخرها
والشاعر اللي ليااخطى ماتلافاها=يجعل بواطن بيوته غير ضاهرها
عزالله انها اخطت الناموس وخطاها=ايطول ابيوتها ولا يقصرها
تراثنا له رجال (ن) حثت اخطاها=عثرات عمي البصيرة ماتعثرها
ماهمها ناقت الله وسقياها=اتيامن افكارها ولا تياسرها
في منتديات مورثنا وسمناها=وصفحات تاريخنا الناصع تسطرها
كم درة من قصايدنا قريناها=يصوغها شاعر (ن) قدره يقدرها
فيها من امثالنا اللي مانسيناها=وفيها الفوايد من اولها ليا خرها
فان اجتهدنا بما يحفض مزاياها=موروثنا شامخ (ن) بعلا منابرها[/poem]

رد : (( عزالله انها اخطت الناموس واخطاها... ))
 

الله الله يابو محمد وصح لسانك وعلا شانك ربي


تراثنا لـه رجـال (ن) حثـت اخطاهـا
عثـرات عمـي البصـيـرة ماتعثـرهـا
مـاهـمـهـا نــاقـــت الله وسـقـيـاهــا
اتـيـامــن افـكـارهــا ولا تـيـاسـرهـا



لا هنت وابيض وجه

رد : (( عزالله انها اخطت الناموس واخطاها... ))
 

فـان اجتهدنـا بمـا يحفـض مزايـاهـا
موروثنـا شامـخ (ن) بعـلا منابـرهـا

صح لسانك الله يرحم والديك

اخوك

رد : (( عزالله انها اخطت الناموس واخطاها... ))
 

صح بدنك يابن غانم


مرورك يكفي ونعتز به


تقبل من امنياتي اطيبها .

رد : (( عزالله انها اخطت الناموس واخطاها... ))
 

صح لسانك يا بو محمد

قصيدة جزله

رد : (( عزالله انها اخطت الناموس واخطاها... ))
 

صح الله لسانك يابو محمد


قصيدة رائعه وجميلة جداً

رد : (( عزالله انها اخطت الناموس واخطاها... ))
 

بيض الله وجهك يا بو محمد قصيدة جزلة وقريتها 3 مرات من قوتها يشهد الله وبيض الله وجهك

رد : (( عزالله انها اخطت الناموس واخطاها... ))
 

صح لسانك مشكور على الكصيدة الرائعة

رد : (( عزالله انها اخطت الناموس واخطاها... ))
 

الله الله



عشت يا بو محمد




انت وافي وقصيدك وافي على كل حال



جعل راسك ما يهما



صح لسانك


وعلا شانك




ودمت على الابداع



تحياتي

رد : (( عزالله انها اخطت الناموس واخطاها... ))
 

صح لسانك يافراج ..

قصيدة وافية ..