مجاراتي للفراعنة : هاجسي ياهاجسي
 

هذه القصيدة مجاراة لقصيدة الشاعر / ناصر الفراعنة
(ناقتي ياناقتي)
والقصيدة لا تعدو كونها محاولة شعرية أتمنى أن تحوز على إعجابكم :

هاجسي ياهاجسي ما اختلفنا في الوعود
والوعد من بيننا حزة يهب البراد
الشعر نار تصطلي والمعاني له وقود
كان مازدنا حطب نارنا ترجع رماد
مابدعت القاف أدور ورا قافي نقود
قبل أقول البيت أقيمه وأسوي إنتقاد
لإجل يبقى دايمن من صعود في صعود
والمعالي دايمن غاية لي والمراد
والشعر لمن رقت فكرته يرقى سنود
ويتعلى قايله من شداد في شداد
يامحمد كل يومن ومقدارك يزود
يشهد اللي رافعن السما بلا عماد
يامحمد جعل يفداك من الناس معقود
وأنت من ربع تقود العرب ما هي تقاد
الأسد يبقى أسد والزعامة للأسود
والثعل لو يرفع الذيل ماجاب السداد
الردي لو حده الوقت بيح بالسدود
مايشب النار حتى ولايقدح زناد
المواقف زودتنا مع القوة صمود
والله إن ما نرتخي في المواقيف الشداد
والخلايق للفنا ماعلى الدنيا خلود
عادة الدنيا قبل قوم نوح وقوم عاد
مايدوم العمر والعمر للنفس محدود
والله اللي يجمع الناس في يوم التناد

وسلامتكم ،،،،

رد : مجاراتي للفراعنة : هاجسي ياهاجسي
 

صح الله لسانك


قصيدة وافيه من رجال وافي


تقبل مروري

رد : مجاراتي للفراعنة : هاجسي ياهاجسي
 

رد : مجاراتي للفراعنة : هاجسي ياهاجسي
 

السلام عليكم ورحمة الله وبركاته

حياك الله يا فلاح

قصيده راقيه مع وجود ملاحظات

اخوي فلاح الملاحظات هي : الوزن

واتوقع انك مجتاز الوزن لاكن خانك اللحن او الكتابه -الاملاء-

فمثلا الشطر الاول من البيت الثاني : ( الشعر نار تصطلي والمعاني له وقود) فيه كسر واضح


هذا من غير الثقل في بعض الابيات الخرى

اخوي هذي ملاحظات فقط لا تفسد القصيده


وفالك اتوفيق

رد : مجاراتي للفراعنة : هاجسي ياهاجسي
 

حياك أخوي وماعليك زود

رد : مجاراتي للفراعنة : هاجسي ياهاجسي
 

مشكور على المرور

رد : مجاراتي للفراعنة : هاجسي ياهاجسي
 

حياك الله ومشكور على المرور

ومشكور على الملاحظة

رد : مجاراتي للفراعنة : هاجسي ياهاجسي
 

واضح جدا انك شاعر متمكن .. الابيات موزونه ورائعه وغير ذالك انه لحنت الابيات وفعلا ابيات لا لتضاهى ومجاراه للفراعنه .. صح السانك يا القرم قصيده جزله من شاعر جزل ..