1.. 2.. و .. 3 إنطلاق ( للمتألق الشاعر فهد المكودر)
 

أعزائي أعضاء وزوار مجالس قحطان

قرأت هذه القصيدة الجميلة للشاعر العذب والمتألق / فهد بن مبارك المكودر العاطفي



وأعجبت بها جداُ وأحببت ان انقلها لكم هنا
وأتمنى ان تنول على استحسانكم واعجابكم



[poem=font="Simplified Arabic,5,darkblue,bold,normal" bkcolor="transparent" bkimage="backgrounds/17.gif" border="none,medium,gray" type=4 line=0 align=center use=ex num="0,black"]
1 .. 2 .. و .. 3 إنطلاق = لا حدٍ يقول ارقبوني مادريت



الشعر له مهرةٍ تهوى السباق = وانا عسفت الكحيله ثم سريت



من رضي يرضى ومن هو ضاق ضاق = وش عاد لوني بقحطان اعتزيت



من اليمن لين تاصل للعراق = ومن حد جده ليا حد الكويت



قومٍ تسوق المعادي ماتساق = وانا ولدهم ليا من احتميت



اشيل حملي لو انّه مايطاق = وارد على جمة الماء لاظميت



ماهمّني لا جناس ولا طباق = وماهمّني وش كتبت وش قريت



يهمّني لا نظمت الشعر لاق = والفين بيتٍ يكفي عنها بيت



قولوا لاهلها هذا صك الطلاق = واسف يابوها لو انك مارضيت



في كل عامٍ تبي تاخذ صداق = وعز الله انها خذت وانا عطيت



لكن ماعقب ذي غير الفراق = باشوم وان كان ماشمت استحيت



يريق دمّي وماء وجهي ماراق = ياللي تبي تروح علمني لاجيت



ماعقب راع النياق الا النياق = اصحى معي ولاّ عمرك ماصحيت [/poem]

رد : 1.. 2.. و .. 3 إنطلاق ( للمتألق الشاعر فهد المكودر)
 

بيض الله وجهك

وصح لسان دكتور الشعر فهد ابن عاطف

رد : 1.. 2.. و .. 3 إنطلاق ( للمتألق الشاعر فهد المكودر)
 

الله الله


يريق دمّـي ومـاء وجهـي مـاراق ياللي تبي تـروح علمنـي لاجيـت

كلها وافيه لكن ذي تسوى قصيدهـ

صح لسان المكودر
وسلمت يمين من نقلها


لا هنت يا كحيلان

رد : 1.. 2.. و .. 3 إنطلاق ( للمتألق الشاعر فهد المكودر)
 

لاهنت ياخيال الزرقاء


وفعلاً فهد يستحق لقب دكتور الشعر ودايم مجملنا جعله يسلم

دائماً حضوره مختلف وغير تقليدي


ويملك مخزون شعري كبير جداً ويجيد حبك وسبك القصيدة بإبداع وتميز


تحيتي لك وبيض الله وجهك على مرورك العطر