وقصيدة أخرى لهادي القعيمة
 

السلام عليكم ورحمة الله وبركاته ........
كم اشتقت لكم وللمنتدى بعد هذا الغياب .............
ولكن كما يقولون ( من طول الغيبات جاب الغنايم )
وغنيمتي هي قصيدة للشاعر هادي القعيمة رحمة الله

أترككم معها ..............

[poem=font="Simplified Arabic,4,black,normal,normal" bkcolor="transparent" bkimage="backgrounds/4.gif" border="groove,4,gray" type=2 line=0 align=center use=ex num="0,black"]
بيدنا بذكر اللي عزيز ورحماني = عزيز يعز الخلق ويجمل احواله
اله خلق مسلم وشوعي ونصراني = وكل على دينه ولـه رب يساله
خلقهم وفرقهم بزود ونقصاني = وكل على قد عمله كال مكياله
وترى من تمسك في عرى خمس الاركاني = يثنيبه جليل الملك واللي يبي ناله
وانا اسباب ما هيض غرامي وشقاني = زماني درس وازريت لارقع اسماله
أحد الليالي والليالي تحداني = وما فات من دور علي قلت يسقاله
أطول الأمل فيها وهي طولها فناني = ولا من بيفزع لي ومن بشتكيهاله
سوى اللي خلق روحي بقدره وسواني = وحمل في سفينة نوح الأزواج واسواله
وهو الأول التالي لأحد ما معه ثاني = وهو ناصر اللي يزهمه حين يشكاله
صبرت وصبرت وكل ما في الخفا باني = كشف وانكشف والصيد ناحر لختاله
انا بنصح اللي لـه جلال ولـه شاني = ياعرب تراه يقال نصف الولد خاله
يدور لمنجى من حجى روس ضلعاني = لو كان يتعب من مذبه ومحواله
ترى الطير ماله ذنب والذنب للجاني = ورى ما يعرف الماكر الطيب يعناله
وترى من جنى الشبوط ماهوب ربحاني = يفرفش ولاشاف ارنب ماقضبهاله
وبعض المجاني فيه حر وشيهاني = طيور تذبح دقة الصيد وجلاله
بيني عن اللي شفت مانيب غلطاني = وغي الناس من غلط ما طاع عذاله
انا اشوف بعض الناس ماكن لـه اخواني = ولو كان ابوه اعداد اصابيعه عياله
وبعضهم لاخوه ظلال وحجاب وكناني = وعلى كل مسكن عاسره ورد حباله
لربعه محل في مكانه ومسكاني = ويفرح لجمعاهم على ماتهياله
يعيشون في بيت صغار وشيباني = على ما تيسر في صيانيه ودلاله
وترى في الرجال اللي له لسان وسناني = يعيشون ربعه في ذرى حاله وماله
يعز الرفيق ويكرم الضيف والعاني = ومن بذره المعروف بالخير يدعى له
وترى في الرجال اللي يسمى كحيلاني = راع المد والمعروف لاقالوا رجاله
مثل ما يقولون العرب ذاك قحزاني = كما الضلع للخايغ الا لا ذبجباله
وترى الرجال اللي يسمى بلتهاني = يجي حمل اليفة فوق حمله ويحتاله
ولاهزب من كثر العلايق امتواني = كما ان الحمل لامن ثقل تعرف جماله
ولايعجبك مسنح بعضهم ولو زاني = لمنه تثقيل روزة الحمل ما شاله
خبيث الطبايع في المواثيق خواني = لو كان يسمح بيده الوجه وسباله
وترى في الرجال مجرد بارع اللساني = وهو ما يفضل بين يمناه وشماله
لسانه على غير القدى ماله عناني = ولا اقبل على اهل المجتمع يكره قباله
وترى في الرجال سنوحي حق نسواني = يزور مع الأسواق ويخايل ظلاله
يبي لـه بعض ناس مذاهبهم شياني = يدور هوى مثله ويشريه برياله
وترى في الرجال اللي يسمى ردياني = ردى من ردى ومن الردى والردى جاله
يسمى الثغل والا يسمى نويصاني = ردي دني في مماشيه وافعاله
برابيد نقصان عسى جنسهم فاني = وما فات من ذا الجنس صار انه اشراله
وهل المذهب الطيب تحصلهم اعواني = كما العد طاروقه يدلك على جاله
بعزٍ ومعروفٍ وقدرٍ وسلطاني = وكما قالوا ان الطير ياقع على اشكاله
ورفيقٍ ليماني تكلمت حاكاني = ومن خلقته ما قال ذا لي ولا ذا لـه
ربيعي ومصيافي وغرسي وبستاني = وانا لـه كما الموسي لياهذري خياله
رفيقي لياجات المواجيتب ما جاني = ما عده رفيق هو وشرواه وامثاله
ورفيق على الدنيا ليا صار خلاني = وفي الاخره مالي صيب من اعماله
لاصار ما يفرح بعزي ويدراني = فرفيقه على الدنيا بقى كنه لحاله
ولاصرت انا اعزه وعزه تعداني = فيعرض وانا بعرض وكلٍ على فاله
بيلقا رفيق لـه على غير برهاني = رفيق الرخا ويبور لامست حباله
وأنا الطيبين ربوع عيني وخلاني = ومن صد من دربي فلا نيب في حاله
أنا افضل اكل من كراسيع ذرعاني = ولا انصى الردى لحاجة الجاله
انا للكلام الزين سيد وسلطاني = اجيبه على كيفي فهيم لعداله
انا اعدله تعديل قسم بميزاني = فطين لميزانه ليمال مثقاله
كلام عليه اعدل رهون واثاني = ولانيب من ينقد كلامه ليا قاله
كلامي لا سمعه راع الصف راعاني = ومن يعرب حجته مالي وماله
وأنا ما تخجل كون لابان دياني = ارده واقصر هقوته واتداله
وصلوا على سيد البشر عد ما كاني = على محمد المختار واصحابه يواله[/poem]

القعيمه شاعر كبير غني عن التعريف

مشكور يالسعدي على هذه المشاركه الثمينه

والله انك ما قصرت يا السعدي وبيض الله وجهك والله انك عرفت تختار
والشاعر هادي بن القعيمه الله يرحمه غني عن التعريف

السلام عليكم ورحمة الله وبركاته

ألف شكر على المرور والمشاركة............