|
الى متى يالربع !!
السلام عليكم ورحمه الله وبركاته
هذا ثاني موضوع انزله في منتدى عزوتي وربعي قحطان وللاسف هذا الموضوع موضوع عتاب لبعض الاشخاص اخذت جوله على المواضيع الموجوده في المنتدى وبصراحه استغربت اشياء كثيره ماتصلح الحين اي شخص ينزل موضوع اراء فيه ردود تهاجم الشخص بطرق كثيره اما استخفاف واستنقاص في حق الكاتب او رد غير وافي او هجوم على نفس الموضوع بطريقه غير مباشره وانا لاظلم ولااخص الجميع لكن فيه البعض منهم هجومي على اي موضوع سواء كان الموضوع مفيد او غير مفيد ياربعي ياعزوتي انتم اخوان وعيب عليكم الي يصير بينكم كل واحد يرد على الثاني برد ماهوب يليق له ان اشك لو انكم حول بعض كان تهاديتو بس الله عرف لكم وحط بينكم مسافات واجهزه تبعدكم عن بعض ارفعو نفسكم عن ضعاف النفوس وخلكم يد وحده وهذا المنتدى يشيل اسم قبيلتكم وقحطان قبيله عريقه صالت وجالت في نجد والجنوب واخر كلامي اقول لحد يزعل مني انا الي بقلبي على لساني وانا ماكتبت هالكلام الى على حرصي لتطوير المنتدى للارقاء واتمنا لكم التوفيق وان تكون يدو وحده |
بسم الله الرحمن الرحيم.. ــــــــــــــــــــــــــــــــــ يعطيك العافية وكلامك في محله ... ونريد من خلال هذا المنتدى أن نتعللم كيفية الحوار الحضاري ... وقبول وجهة نظر الآخر مهما كانت ... ومحاولة تصحيح أخطاء بعضنا لبعض بأسلوب هادئ ونقد هادف .. والبعد عن التجريح ... خاصة وأننــــا (((((( أخــــــــــــــــــــــــــــــوااااااااااااان ))))))). ـــــــــــــــــــــــــــ ويعطيكم العافية.... |
كلام جميل يالعاطفي
ياليتك وضحت اكثر حتى يفهم الجميع بكل وضوح ومادام ان اللي في قلبك على لسانك علمنا او اطرح امثله |
السلام عليكم ورحمة الله وبركاته
والله كلامك في محله يافهد بس ليه ماتبدأ بالأشخاص هذولا وتراسلهم عبر الرسائل الخاصه وتأخذهم بالتي هي احسن وتناصحهم انه لازم يتكلمون ويتناقشون بأسلوب حضاري ليييييييييين يسلكوووون مضبوط |
ملداح القحطاني احييك على اسلوبك ورايك المظبوط
وهذا الي انا اقصده لازم تكون يدنا وحده ومتعاونين على تطوير المنتدى |
هلا ياهبوب الجنوب
ماعاد اقدر اوضح اكثر ولا احدد اكثر لانه باين الشي شاكر لتواجدك ومرورك يالغالي |
وعليك السلام ياتركي الفهري
اما سالفه اني ارسل لهم رسايل خاصه هذي صعبه لانه ماهوب اختصاصي ولا لي الحق في توجيهه هذا اختصاص الاداره ومشرفين الاقسام شاكر لتواجدك ومرورك |
فهد العاطفي
السلام عليكم ورحمة الله وبركاته احيي فيك الروح العاليه والرومانسيه المثاليه في الطرح احيي فيك روح الاخوه ونبذ الاختلاف والشقاق0000000ولكن الاختلاف في بعض الاطروحات مطلب للخروج بارا متباينه تثري الطرح وتنتج التوجه العام التي تبنى عليه المعلومه والاختلاف المنبوذ كما تفضلت هو الانتقال من الاختلاف في الموضوع الى خلاف شخصي وهذا انا معك يجب نبذه خاصه في هذا الموقع الا ان العرب ومن سبقونا يقولون ان الرجال الزحازيح مثل الحصن تصاقل وهم احبه وقد عجبني ردك الفطري الذي يؤكد رومانسيتك على تركي الفهري الذي يريدك تلبس عباءت الواعض المرشد للاعضاء كل على حده هذه الاراء تطرحه الادار 00لافض فاك يافهد |
جزاك ربي خير الجزاء ... أخي فهد ...
لكن اسمح لي أن أختلف معك بعض الشئ .... أخي الحبيب ... إن كان الخلاف في أي أمر غير أمور الدين ... .. كالإختلاف في بعض أمور الشعر ... أو الإختلاف في الحكم على أمر معين من أمور الدنيا .... فهذا خلاف وبكل صراحة ليس منه فائدة مطلقا ً ... بل قد يكون سببا ً في الفرقة والتباغض والعياذ بالله ... وللأسف بسبب أمور دنيوية ..... فهذا يجب على كل مسلم البعد عنه لأنه أفضل و أسلم للنفس و مدعاة لعدم التنافر والتلاسن بين المسلمين .... أما الإختلاف في أمور الدين ... فو الله الذي لا إله إلا هو .... فإني لا أحبه .... ولكن المرء قد يضطر إليه اضطرارا ً في بعض الأحايين وذلك لنصر الدليل ولإظهار الحق ... وليس للهوى والمراء والجدال والعياذ بالله ... وكل ذلك مع مراعاة الأخلاق الإسلامية والأدب في الطرح والنقاش.......... أخي فهد ... حفظك الله بحفظه ... و السلام عليكم ورحمة الله وبركاته . |
الاخ الكاتب المتميز باسلوبه عاشق الوطن
اشكرك على ردك الرائع وهذا يدل على اخلاقك وتربيتك الحميده وانا والله ماكتبت هالموضوع الى من باب الغيره على اسم وسمعه قبيلتنا وكنت اتمنا من اخواننا المشرفين ان يطلعون على هالموضوع وياخونه بعين الاعتبار لاهميته عاشق الوطن اشكر تواجدك ومرورك الكريم لهذا الموضوع |
| الساعة الآن 05:38 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com