رد المشعان على بن فطيس
 

هذا رد خلف المشعان على قصيدة بن فطيس والتي يقال انه قصدها به والله اعلم

[poem=font="Simplified Arabic,6,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
ماني بمن ياتي على شان يدرون=انا الذي يدرون به قبل ياتي
نجمي سطع من غير بيرق ومليون=قليل في جيلي يسوي سواتي
ماجيت اهايط بس لا زم تعرفون=ما زعزعت بعض السوالف ثباتي
لو شلت في قلبي مثل مايشيلون=ماكانت الطيبة من ابرز صفاتي
يامحمد ابن فطيس وش فيك مشحون=مااخطيت يوم اني حسبتك لقاتي
ابي اطفي الفتنه وابي انشدك وشلون=اسلم من الضيعه واجمع شتاتي
الناس معها عقل ولسان وعيون=وقدامهم كزيت يمك وصاتي
ماجيتك ببيت مع الشعر مدفون=جيتك على وضح النقا ياغناتي
ماني من اللي في قفا الناس يحكون=عيب على ألحق خويي حصاتي
اللي لياقفيت عنهم يهدون=ماهم بكفو لرجعتي والتفاتي
سكرت اذاني عن وكالة يقولون=وذكرت لي بيت يفسر سكاتي
الله يجيبك من بعيدن ليا دون=والله يحطك باللقا من تلاتي[/poem]

رد : رد المشعان على بن فطيس
 

مشكور بس ما عرفت السالفه

رد : رد المشعان على بن فطيس
 

لا هنت وخلف شاعر كبير قرم


لا هنت يالقرم

رد : رد المشعان على بن فطيس
 

و الله ان ابن فطيس شاعر


و خلف مشعان شاعر



و الله يوفقهم


و لاهننت على نقل القصيده و تقبل مروري

رد : رد المشعان على بن فطيس
 

لاهنت يالغالي

رد : رد المشعان على بن فطيس
 

لاهنت ...

والله يعطيك العافية ..

وخلف شاعر كبير ...

وكذلك ابن فطيس ...

رد : رد المشعان على بن فطيس
 

لا هنت على النقل


وابن فطيس علم وخلف مشعان علم

واتوقع ان خلف فهم المقصد من قصيدة بن فطيس انها موجه له

حيث ان بن فطيس العام الماضي قال في احدى قصايدهـ

نذرن علي اني لأسلمها الفخر وكتابه ,,,,,,,,, فوفى بوعده وعهدة ونذره

اما خلف فقد قال في قصيدتة انه انه بياخذ البيرق وتوعد بذلك ولكن لا تحضرني ابياته ولكن لم تجري الرياح بما تشتهي السفن ففهم انه المقصود

ونضل نقول العلم الوكاد عند الله ثم عند صاحب القصيده ابن فطيس


وتقبل المرور

أخوك البشري

رد : رد المشعان على بن فطيس
 

يارجال ماشئ حول شئ

أبن فطيس صعب منافسته

ولو أنه بس شارك بالقصيدتين الأخيره

عطوه البيرق

ابن فطيس شاعر يعجز الشعار

وخلف شاعر لكن من الظلم المقارنه بينه وبين أبن فطيس

تحياتي وتقديري

رد : رد المشعان على بن فطيس
 

مشكور على نقل القصيدة والله لآآآآيهينك


خلف مشعآآآن شآآآعر كبير وجزل لكن طآآآح من عين الكثير من خلآآآآل الابيآآآت اللي قآآآلهآآآ واللي بذكر منهآآآ اجزآآآء تحت:

لعيون نوت وغلآة مويس
غير انطح الليل واسريبه
البيرق اللي مع ابن فطيس
مآني خلف كآن مآجيبه



انآآعليّه دين لآآآزم اوفيه
بالبيرق اللي عندكم يذكرونه



ارسلت لابن فطيس نآآسٍ توصيه
يرهي على البيرق من ازرق دخونه




وفيه بيت قآآآله في الـ 48

ترى الشجآآعة تغلب الكثره وانآآ اعطيك الدليل
الذيب يدرع فـ الغنم ولآآيحسب حسآآآآآبهآآآآ


وكآآآن مقصد خلف انه هو الذيب والشعرآآآء البآآآقين غنم


فـ قآآآم ابن فطيس وقآآآآل

الذيب كآآنه ذيب يدرع فـ الذيآآآب
ويخلي الخرفآآآن للضبع العويق



وابن فطيس لآآآيمكن منآآآفسته لآآآ من خلف ولآآآ من غيره


وخلف خرّب على نفسه وخسر جمآآآهير كثير يأبيآآآته اللي قآآآلهآآآ



وتقبل مروري مع فآآآئق الود والتقدير



نآصر بن محمد آل مهدي

رد : رد المشعان على بن فطيس
 

خلف شاعر كبير ومنافس قوي جداً لحمل البيرق


لآنه من وجهة نظري أرى جميع مقومات الشاعر موجوده فيه
من شعر وأدب وأخلاق وعنده روح المنافسة الشريفة وايضاً شاعر على وضح النقاء
والأسلوب اللي أتخذه طبيعي جداً وهذا حال المنافسة
لكن أستبعاده من شاعر المليون مقصود


وشكرا لخلف فقد مثل شعب المملكة بشعر راقي وفاخر


تحيتي