امه من الحسره كساء راسها الشيب @وبوه قلبه صار مثل المليله
 

السلام عليكم ورحمة الله /اخواني اعضاء المنتداء يسعدني ويشرفني ان شارك معكم في هاذى المنتداء الرايع واتمني ان افيد واستفيد ويسعدني ان اصرح لكم بسمي الحقيقي نزول عند رغبة الكثير /اخوكم سعد بن مذكر الجروي ويسعدني ان اهديكم القصيده التاليه ارجو ان تحوز علي اعجابك ...اقول

سلام يفتح للقريحه هناديب@@@@سلام من قلبن لسانه دليله

سلام وعداد النجوم المراقيب@@@@وعداد مالا حت بروق المخيله

وعداد ما تظهر لنا الشمس وتغيب@@@@وعداد دورات الزمان الجميله

ومن بعد ذ لما عواء الذيب للذيب@@@@كلا يعرف مجامله من خليله

اقولها من تجربه معلم الغيب@@@@ولا خير في علم يضيع دليله

والحر يفهم دون شرح المكاتيب@@@@ويعرف مقصودي بسهل وسيله

لكن موضوعي يبي شرح وصعيب@@@@عشرين عام ولاوادم تشيله

الادمان والتفحيط يهل المواجيب@@@@رذيله ياكبرها من رذيله

المدمن اللي كان قبل التجاريب @@@@رجال ولحاله يساوي قبيله

اليوم يدعس بالقدم والعراقيب@@@@ويصير بيد بليس مثل الهبيله

ويمكن يحد امه وبنته علي العيب@@@@وتصير نفسه عقب عزه ذليله

واما المفحط يهل العرف والطيب@@@@خبلن خذاه بليس بسفل شليله

يسحبه بين الوراعين تسحيب@@@@ويمسكه درب لرداء والهزيله

وامه من الحسره كساء راسها الشيب@@@@وبوه قلبه صار مثل المليله

ومفشله ما بين عكف الاشانيب@@@@بفعوله اللي نعتبرها فشيله

هاذي حقيقه ما بها شك او ريب@@@@وطمرة حاجات كبارن ثقيله

فالواجب انا نتعض يا الاصاحيب@@@@ونشوم شوم اهل النفوس النبيله

ونشرب من الصافي ونجفاء الغثاريب@@@@ونخالط اهل العلم واهل الفضيله

اللي ترحبك من القلب ترحيب@@@@وتنظرلك بنظرات عينن جليله

الذكر طيب والنشاماء مكاسيب@@@@وهاذي بعض لاشي وترها قليله

رد : امه من الحسره كساء راسها الشيب @وبوه قلبه صار مثل المليله
 

الله الله

صح لسانك وعلاء شانك وعلى الاخرى عانك


ارحب بك وبمعرفك اللي كنا نجهله يا الجروي

قصيدة جزله من رجال جزل و وافي

والله يهدي الشباب اللي خصيتهم في قصيدك ويصلحهم


لا هنت ولا تحرمنا جديدك

أخوك البشري

رد : امه من الحسره كساء راسها الشيب @وبوه قلبه صار مثل المليله
 

المدمن اللي كان قبل التجاريب @@@@رجال ولحاله يساوي قبيله

اليوم يدعس بالقدم والعراقيب@@@@ويصير بيد بليس مثل الهبيله







صح لسانك وبيض الله وجهك على الابيات الرائعة

والله يجيرنا واياك من الادمان والامور الردية