حضري يبغى يتزوج بنت البدوي(بدوي فاهم)
 

بدوي يختبر خطيب بنته

نزل أحدهم على بدوي ضيفاً يريد الزواج من ابنته فقال له البدوي : أنا عندي لك يا ضيفنا العزيز أسئلة إذا عرفتها زوجتك البنت , أنت مستعد ؟
الضيف / تفضل .
: البدو ي/ وش الشيء اللي يضرك إذا أرتفع وإذا أنخفض ؟
الضيف / هذا الله يجيرني وإياك والعروس ... مرض السكر والضغط .
:البدوي / : ما لك لوا ... هذا سعر البترول .
********************


طـيـب ... من هو اللي يصلي النافلة ويترك الفرض ؟
"الضيف / المجنون :

: البدوي / صدقت ... هذي الموظفة اللي تخدم الناس
وتضيع زوجها وأولادها وبيتها طيب ...
*******************

من هو الملك اللي نزل من عرشه وضيع شعبه وأشتغل سوّاق ؟
الضيف / هذا سؤال صعب "
: البدوي / أبداً هذا بسيط للي يعرف الواقع ...
هذي الحرمة اللي تشرد من بيتها وتطالب بسواقة السيارات
******************
وش الدولة اللي فيها رئيسين ؟

الضيف / ما فيه يا عمي حتى الملعب وهو ملعب
ما فيه إلا حكم واحد وعنده مساعدين
: البدوي / شفت إنك ما أنت داري بشي ...
هذي بيوت اللي ينادون بمساواة المرأة بالرجل.
******************
طيب ... إذا بغيت معنى كلمة عربية وين تدور عليها ؟
الضيف / في لسان العرب أو القاموس المحيط .

: البدوي / ما عندك سالفة ... بوش على الذمة
ما تشوف كيف فسر لنا كلمة " إرهاب " وكل العالم وافقوه عليها

الضيف / أجل , الله يستر لا يجي اليوم اللي يفسر لنا فيه
معنى التوحيد والإسلام
******************
: البدوي / طيب ... وش الوردة اللي ما تستخدمها إلا إذا ذبلت ؟
الضيف / أصلاً إذا ذبلت , ما عاد يصير لها قيمة

! : البدوي / صحيح ... هذول بنات هالأيام ,
البنت ما تتزوج فيهن إلا بعد ما تكبر
ويروح شبابها وهي تطرد ورى هالسراب
اللي يسمونه المستقبل!!
******************
طيب ... منهم الأبرياء اللي يجوز قتلهم ؟

الضيف / ما فيه .
: البدوي / هذول ... المسلمين ،
ما تشوف لما قتلتهم أمريكا في أفغانستان ،
والعراق قالت حنا ما يمكن نقضي على الإرهاب إلا بقتلهم ،
وافقهم العالم كلّه حتى المسلمين ، .
*******************

إييييه ... الظاهر يا ضيفنا العزيز إن ما لك نصيب
في البنت لأن ما عندك سالفه

راحت عليه العروس

رد : حضري يبغى يتزوج بنت البدوي(بدوي فاهم)
 

على أن الموضوع فكاهي

لكن والله في كلام البدوي معاني خطيرة ورائعة

مشكور اخوي

رد : حضري يبغى يتزوج بنت البدوي(بدوي فاهم)
 

انااشهد بدوي فاهم

رد : حضري يبغى يتزوج بنت البدوي(بدوي فاهم)
 

بيض الله وجهك يابن نملان

فكنا من البنت القطرية أم فاتورة 250 ألف ريال

الله يعطيك العافية


وتقبل مروري : أبو عبير

رد : حضري يبغى يتزوج بنت البدوي(بدوي فاهم)
 

: البدوي / طيب ... وش الوردة اللي ما تستخدمها إلا إذا ذبلت ؟
الضيف / أصلاً إذا ذبلت , ما عاد يصير لها قيمة

! : البدوي / صحيح ... هذول بنات هالأيام ,
البنت ما تتزوج فيهن إلا بعد ما تكبر
ويروح شبابها وهي تطرد ورى هالسراب
اللي يسمونه المستقبل!!

هذا الكلام الصح


لاهنت

رد : حضري يبغى يتزوج بنت البدوي(بدوي فاهم)
 

الله أكبر

أشهد أنه جابها ذا البدوي

ولا والله بعد بعرف من البدوي لاتعلم

رد : حضري يبغى يتزوج بنت البدوي(بدوي فاهم)
 

هذا مو بدوي هذا دكتور ماشاء الله عليه


بس المعرس هذا فاغر ماجاوب على سؤال واحد على القل



لاهنت اخوي مشاري بن نملان


لك بصمه في الاستراحه


وبصمه تحمل الابداع والتميز دائما


بيض الله وجهك يابو نملان ولا عدمتك ياذيبان


رائع يامشاري

رد : حضري يبغى يتزوج بنت البدوي(بدوي فاهم)
 

ان اشهد انة فاهم وبقوة


ولكم تحيتي

رد : حضري يبغى يتزوج بنت البدوي(بدوي فاهم)
 

شكرا يابو سعد على نشاطك وحضورك

رد : حضري يبغى يتزوج بنت البدوي(بدوي فاهم)
 

_______

أعجبتني ردود البدوي ..

وواقعية .... ومقنعة ....

أخوي

ابن نملان

شاكر لك كل الشكر

على ما خطت يداك

موضوعك على ما يحمله من الفكاهة ... الا أنه واقعي ومقنع ..

دمت .. ودام قلمك لشبكة قحطان