شبكة قحطان - مجالس قحطان - منتديات قحطان - مراهـَـقــَــــة ... بعد الاربـعـيـــــــن :)

تخيلت اني كبير ، وكتبت التالي :

قالوا ان الحب جنـه .. قلـت اجـرب واتِسَـلا
يمكن القى في بحـوره بلسـم لنفـس ٍ عليلـه

وقبل اسمّي .. مرّ ظبي ٍ الحـلا فيـه يتحـلا
نصف زينه في دلاله ونصفه بعيـن ٍ كحيلـه

كنـّه البدر متخفّـي وسـط غيمـه .. ثـم تجـلا
حسنه الظافي توارا .. بين قذله .. وبيـن شيلـه

في أثر ذيك المواطـي ينبـت العشـب ويتعـلا
وان تظلل تحت سدره .. تستميـل وهـي ذليلـه

نيشن بعينه وصوّب .. سهم ٍ بصـدري تـدلا
وخافقي ضيّع محله .. يسمـع القاصـي عويلـه

شب نار العشق فينـي ثـم تركنـي .. اتِصَـلا
وش اسوي لا كثر شوقي وانـا ضعـت بقليلـه

صرت مثل اللي تحيزم .. ما توضّا .. وقام صلَّى
ما يجيـه الا التعـب ولـو تهجـد طـول ليلـه

اختلف فكري و تحيّر .. والشقـا رحّـب وهـلاّ
عزّي للي قـد تولـع بالعنـا .. واعزتـي لـه

وابتديت اسأل واجاوب .. وش لقى عنتر وعبـلا
(احترق) من زود شوقه وطـرده شيـخ القبيلـه

وقيس ياللي طقّ صدره .. قال مالي غير ليلـىَ
ما قدر ينجز وعوده .. وانتحر .. مـن الفشيلـه

صحت فيهم .. علموني .. وش دوا خلّ ٍ تغلا
كان قلبي شايله .. وامسىَ .. يدوّر مـن يشيلـه

قالوا اسمع .. مـن تغـلاّ بالهـوى لازم يخَـلاّ
ان فقـدت المـا .. تيمـم .. الهوى دروبـه طويلـه

قلت مابي هالسعاده .. مابي جنـة ( امّـا والاّ )
خافقـي ،، امّـا يتركـد أو ابلعـن سلسفيـلـه

وســـلامتكـــــــم

ملصقات الأسماء

ستيكر شيت ورقي

طباعة ستيكرات - ستيكر

ستيكر دائري

ستيكر قص على الحدود