( أخصامك اللي ماتعرف المعاذير......؟؟؟ )
 

[poem=font="Simplified Arabic,5,darkblue,normal,normal" bkcolor="transparent" bkimage="" border="double,medium,royalblue" type=2 line=0 align=center use=ex num="0,black"]
أخصامك اللي ماتعرف المعاذير = اطحن لها سم البلا في دواها.[/poem]

[frame="7 80"][poem=font="Simplified Arabic,5,darkblue,bold,italic" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
الله يجزى بعض الايام بالخير = تكشف لي اسرارن بعيدن مداها.

تكشف لي اصحاب الرخا والمخاضير= اللي تغرك بالمجالس حكاها.

اصحاب بالحيلات والمكر لا غير= والا المنافع ماتحصل وراها.

غروني اللي بالسوالف بياطير = حتى انكشف لي طيبها من رداها.

عيال الرخوم اعن المراجل مقاصير = تبا تكمل بالسوالف هواها.

الألسنه تشذب سوات المناشير = ولا الايادي بندقن في خباها.

حلوقهم للحكي مثل المواصير = هرجه...تولفها....والاخرى وراها.

كلامهم لبزورهم والغنادير = قومن سوالفها سوالف نساها.

وان بانو العدوان راحو عصافير = فرسان فالحاره تهوش اقصراها.

تلقا لهم هدات وسط الدواوير = وبزر الرفاقه يشتكي من غثاها.

هاذي وظايف قاصرين الاشابير = مثل التيوس اللي توصخ لحاها.

وحذرك عن رفق الانذال تحذير = بضاعتن ماربحت من شراها.

عليك بالاشراف خل المثابير = شخوص الرجال اتزبن اللي نصاها.

كلامهم للرجل حشمه وتوقير = يرتاح بالك يوم تسمع نباها.

كلامهم كنه حليب الاباكير = يجلي عن الكبد العليله صداها.

كبار البخوت اللي تقد المظاهير = اجواد يندا فالشدايد نداها.

وياجاهل الدنيا تبصر تباصير = ارفق بروحك واعطها مستواها.

اضرب طريقك واطلب الله تياسير = مالك ومال الناس تبحث خفاها.

والناس ياجياش مطلوبها غير = ان جيت ترضيها صعيبن رضاها.

لوكان تعطيها الذهب والدنانير = يلحقك في بعض الليالي وذاها.

واخصامك اللي ماتعرف المعاذير = اطحن لها سم البلا في دواها.

محدن يلومك عقب كل التدابير = في ساحة الميدان عطها جزاها.

وصلاة ربي عد نبت النواوير = وعداد ماهل المطر من سماها[/poem][/frame]


[center]---------------------------------------------------------------------------------------------

شعر الشيخ \ زيد بن نجا الحارثي ...رحمه الله واسكنه فسيح جناته



وللجميع تحياتي[/center]

رد : ( أخصامك اللي ماتعرف المعاذير......؟؟؟ )
 

الله يرحمه ويغفر لنا وله


والله لايهينك ويعطيك العافيه

رد : ( أخصامك اللي ماتعرف المعاذير......؟؟؟ )
 

صح لسانك يابوزيد والله يرحم شايبك

رد : ( أخصامك اللي ماتعرف المعاذير......؟؟؟ )
 

رحمه الله واسكنه فسيح الجنان

قصيده جزله وثمينه

وصحيح انه اسد خلْف لنا هذا الشبل

لاهنت ياثواب ولانستغني من ابداعك وبوحك العذب وتواصلك

ودمت سالم ،،

.

رد : ( أخصامك اللي ماتعرف المعاذير......؟؟؟ )
 

أرحب يا ثواب

نورت المنتدي يا راعي الجريد

ومشكوور على هذي القصيدة الوافية ، والله يعطي الوالد الصحة وطول العمر

تحياتي،،،

رد : ( أخصامك اللي ماتعرف المعاذير......؟؟؟ )
 

السلام عليكم

الله الله

الله يرحم شايبك وشيبان المسلمين جميع

وسلمت يمينك يا القرم على النقل

ولا تحرمنا من قصايدك وقصايد ابوك

أخوك البشري

رد : ( أخصامك اللي ماتعرف المعاذير......؟؟؟ )
 

الله يرحم القائل ...ويبقى الحاضر

كلام من ذهب ..وعن تجربة ...والله يرزقنا الرفقة الطيبة ..!!


الالسنه تشذب سواة المواشير ............والا الايادىبندقن فى خباها

كلامهم لبزورهم والغنادير..........قومن سوالفهم سوالف نساها .................................................. ..................
كلامهم لرجل حشمة وتوقير .............يرتاح بالك يوم تسمع نباها

كلام درر .............يحكى الفرق بين ...الرجال والرفقة الطيبة والخبيثة



الله يرحمك يازيد الحكم و التعابير ............خلفت غمر مربى على الطيب

شعر ك كما سبك الذهب والدنانير ........ يفهم به عاقل ما يكسب العيب