رثاء الولد عند بن مايقه
 

[poem=font="Simplified Arabic,4,red,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
وأطيري اللي في ليالي هداده = تقطعت من راس كفي سبوقه
بانت مواري مقبلاته وعاده = لاطال عمره بان خافي عموقه
زرع نفد قدام ياتي حصاده = مات النبات ويابسات عروقه
ليلي من الظلما تزايد سواده = علي ثمر قلبي وطبه وعوقه
فرخ الحرار اللي بعيد مصاده = نازع عموقه للمراجل تسوقه
عينه وكفه وأن تحدث زياده = شفت السعاده في مباديء طروقه
قم ياخيالي تالي الليل ناده = قل له لذاذة نومنا مانذوقه
وقل له ترى حامد تقطع فؤاده = مثل الجريح اللي وساع فتوقه
وقل له ترى عودك تغير رقاده = يطلب رقاده والسواري تبوقه
يحط راسه فوق جال الوساده = ويشوف زولك بين جفنه وموقه
ويون وناتٍ عليها شهاده = دمعه وشمعات الفؤاد محروقه
وقل له عسى جنات ربي مهاده = زرعٍ زرعنا ماقطفنا عذوقه
وقل له جرى لي في ظروف أبتعاده = جرحٍ بجوفي ماتبرد حروقه
لولا رجاء اللي يرتجونه عباده = لاشق جيب الثوب وأفري شقوقه
لولا رجاء اللي كلنا في مراده = لازور قبره وأتمنى لحوقه
قلبي وزابه مثل شوك العراده = وعروق حلقي بالعبار مخنوقه
حلقي عدا به مثل ريق الجراده = مرٍ علي ذوقه غداه وريوقه
حزني بنصف الليل يبدأ عناده = وأهم يومي من بداية شروقه
هوَّن مصيبتنا زعيم القياده = حامي حما شعبه وراعي حقوقه
والشعب وأصحاب السمو والسعاده = جميلهم من تحت راسي وفوقه
الله يادار الوفاء والسياده = دارٍ لجزلات المفاخر صدوقه
من راس ركن الي جنوبي زباده =جعل الحيا توضي عليها بروقه [/poem]

رد : رثاء الولد عند بن مايقه
 

الله الله يا الحبابي


صح لسان الشاعر الكبير المبدع حـــــــامـــد بن مايقــــه الحــبـــــــابـــي
وسلمت يمينك يالقرم على النقل


قـم ياخيالـي تالـي الليـل نـاده
قل لـه لـذاذة نومنـا مانذوقـه
وقل له ترى حامد تقطـع فـؤاده
مثل الجريح اللي وسـاع فتوقـه
وقل له ترى عودك تغيـر رقـاده
يطلب رقـاده والسـواري تبوقـه
يحط راسه فـوق جـال الوسـاده
ويشوف زولك بين جفنه وموقـه
ويـون ونـاتٍ عليهـا شـهـاده
دمعه وشمعات الفـؤاد محروقـه
وقل له عسى جنات ربـي مهـاده
زرعٍ زرعنـا ماقطفنـا عـذوقـه
وقل له جرى لي في ظروف أبتعاده
جـرحٍ بجوفـي ماتبـرد حروقـه