امدح اللي قبلك ببيت
اولا / مساكم الله بالخير ( للي يقرا الموضوع من بعد الظهر )
أو صباح الخير ( للي يقرا الموضوع من بعد الساعة 12 الى 12 الظهر ) هذا فكرة جديدة ابتكرتها من راسي ( الا اذا كانت في موقع ثاني فوالله العظيم ما أدري عنها ) ، وهي انك تدخل وتمدح الشخص ( طبعا اذا كان يستاهل ) اللي شارك قبلك ببيت / او ابيات على ان لا تتعدى 3 ابيات سواءً من عندك أو لشاعرآخر . انتم طبعا كلكم على عيني وراسي لكن ابختار شخص عشوائياً وبمدحه ببيت ، ...... ..... ..... ..... ..... .... ..... ...... ..... الاختيار جاء على / خالد وهو يستاهل واللله ( اكيد انتم موافقيني الراي ) والبيت هو : هني من رافق من الناس شرواك= في ذمتي ليعــيش والراس مرفوع تبقى عزيز ويعجبنــــي مزاياك= ياللي بيمناك اجزل الطيب مطبوع عسى البلاوي والمصايب تعداك= تصيب ناس عـــنهم الطيب مقطوع يالله والباقي عليكم ( خلونا نحرك الموقع شوي بدل السكون اللي هو فيه ) |
يشرفني ان اكون اول من يرد على النادر
استلم السيوف كثار ولاهي بسوى @@ و ياحظ من فــــــاز بالنادر ســـــــرى الليل وذيبه عوى @@ وشربت انا فنجالي الخادر |
يابن شويه هضتني وانت مطفوق=قزيت عن عيني لذيذالمراحي
ان كان هو همك من الناس مخلوق=ماهمني لو كان زينه فضاحي الهم موقعنا نبي شيلته فوق=مع الماقع ياصباح التماسي |
الله يعطيك العافيه يالنادر على هالفكره الطيبه
استلم يا عااااااااشق ياعاشق الاوطان لك مني تحيّه .. في مجلس للقحاطين .. مدهالٍِِ في مجلس عامر .. ضوّه حيّه .. عنوانه العود الازرق مع الفنجال مع رجال على ماقيل مني وفيّه .. من صلب قحطـان شيخ عالي الشواطي |
ماشالله عليكم اعذروني مأقدر اشارك معكم بالقصيد ولكني مريت علشان اشكر لكم تفاعلكم مع بعض والشكر لأخونا السيف النادر صاحب الموضوع والموضوع يثبت اخوكم فارس قحطان |
استلم من فارس
مرحبا ترحيبه بها الاشواق. حيه*****بفارس شواطيء منتدى الابطال فكره جابها السيف فكره ذكيه*****يا عسى تنجح الفكره يا رجال واختم ابيات شعري وأدي تحيه*****على رجال تعطي قول وافعال وسلامتكم... بس اتمنى في المشاركات الجايه يردون بنفس الوزن والقافيه المكتوبه في المشاركه الي قبله يعني تكون نفس وزني قصيدتي وقافيتها وشكرا... شيخ المهادية |
مالك هم يالذيب
استلم ارحب ياشيخ شيوخ المهاديه @@ ترحيبة تاصلك ياطيب الفــــــال الزيـــــر لو ينسى كليب خيه @@ مانسيت قروم(ن) صعبين المنال لو تتنازل عن امنيتك ياالذيب يكون افضل لان بتنحصر وبتنعاد نفس الكلمات وراح توقف المشاركات خل الدعوى مفتوووووحة اخوك / ابن شويه |
صح لسانكم جميعا ، والله لا يهينكم على التفاعل ،
ابن شويه : انا معاك في رايك فارس الشواطي : لا هنت وكفو والله عاشق الوطن : البيت الاخير نبي فعل زيادة ولا انت والله انك ما قصرت فارس قحطان : شكرا على التثبيت ونبي مشاركتك معناد شيخ المهادية : صح لسانك وكفو ، لكن ما اوافقك الراي في انها تبقى على نفس القافية اللي قبل واستلم يابن شويه اهلا هلا بالذيب والفين ترحيـب = شرفتني يالذيب واضحكت سني مذكور عند الناس بالهيل والطيب = حرُ ولد حرُ وما خاب ظني تستاهل الامداح يالقرم لاريب =انت اجودي لك بالمواجيـب فنـي |
تسلم على الترحيب ابن شويه@@جعلك لنا ذخر في كل الاحوال
وعندي انا الامور كلها سويه@@والشورعندكم يا ذربين الافعال ما عندي مشكله يا السيف النادر ويا ابن شويه بس لو ايكون الرد على يبدا باخر حرف انتهى منه البيت الي قبل ايكون احسن ... |
عز الله ان حظي زين
استلم يالشيخ للمرجلة رجاجيل وللمشيخة شيخ @@@ وياسعد منهو غدا خوي(ن) له اليا تصافقوا الصفين طاخ طيخ @@@ دونه دمـــي وارخص الغالي له |
الساعة الآن 09:08 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com