حـــــــمــــد الحــــبــابــي
شاعراً ... اعتبر شهادتي فيه مجروحه لاعجابي الشديد بما يكتب
و يسرني ان تشاركوني متعة الشعر الغزلي من ( ولد الحموله )
ابياته تتكلم عن شخصه اترككم معه. (واتمنى ان اجده يوم بين اقلامنا بنشاطه وتوهاااجه)

بشرا جتني ياعلي فآخر الليـــــــــــــــل @ قالوا وصل عقب السفر بالسلامـــــه
قلت اشرقت شمسي وعوّدلي الحيـــــل @ وطرفي تبرا عن بقية منامــــــــــــه
وأوقدت للفرحه شموع وقناديــــــــــــل @ وصحيت ليل غارق في ظلامـــــــه
من فرحتي به دمعي اغرى المناديتـــل @ دمع الفرح ماهوب دمع الندامـــــــه
تسجع له أصوات الحمام المواويــــــــل @ ونجد احتفى به تزاهى مقامـــــــــــه
بعد الهجير اللي خذاني منازيـــــــــــــل @ رفضته.. وفضل معاي الاقامــــــه
مرت على الغيمه وحوّل السيــــــــــــل @ وأسقى عروقي قبل يسقى العدامـــه
سحابه الوصل أغرقتني أنا آخيــــــــــل @ برق لمع في ناظري لين هامـــــــه
يامرحبا بالعطر والورد والهيــــــــــــل @ يامرحبا باللي يسلي كلامــــــــــــــه
ابو العيون ام الرموش المضاليـــــــــل @ وخذ مثل بدر الشهر في تمامـــــــه
والمبسم اللي مثل جمر مكاليــــــــــــل @ يدفى عليه والثلج تحت اللثامـــــــــه
من وين مأوصف صاحبي يرجح الكيل @ أصله وطبعه عفته واحتشامـــــــــه
يازين هذا الصدق مافيه تضلــــــــــيل @ ومدحك يزيد الشعر مجد وكرامـــه
ياوجد حالي يوم أشوف المداهـــــــيل @ في غيبتك والقلب مخطي مرامـــه
وجد اليتيم اللي عجز يرفع الميــــــل @ ميل الحياة وميلة من عمامــــــــــه
وهو أكبر اخوانه ولاله مداخيـــــــل @ ونفسه عزيزه عن دروب الملامـه
أو وجد عود ضفوا ابله هل الخيـــل @ عشرين وضحى مافرقها علامـــه
ورثاً من جدوده لجيل بعد جيــــــــل @ وصارت عزاه وعزوته وانسجامه
اقفوا بها قدام عينه مقابيــــــــــــــل @ وفراقها جرح يمس الشهامـــــــــه
عود كبير واهن العطم بالحيــــــــل @ ولاشجاع ومرتوي بالقرامــــــــــه
ولاله رفيقا في المواقيف حليــــــل @ لاجاء نهار الحرب يكرب حزامه
وأنا عذابي منك قل المواصيـــــــل @ لوكان بلانضرة وابتسامـــــــــــــه
والامقامي تحترمه الرجاجيــــــــل @ وكلاً على ابوه نظامه نظامـــــــه
شربت من دجله وعليت في النيل @ يوم الردي في الجد ترقل عظامه
يابنت انا ضاري بشرب الفناجيل @ وموتي شهيد ولاتصير انهزامـــه