|
قمل للبيع!
قريبـــا كارثة قملية ستأكل الشوشة والقرعة ! والسبب بعض النساء الهبل
************************************************** ************************************************** *********** حديثي هنا ، ليس من باب نقل لي أو قال لي مصدر ، بل من أمر أنا وقفت عليه . عصر هذا اليوم الخميس وبعد صلاة العصر ، امتطيت راحلتي ووجهت وجهي صوب أسواق طيبة ( شمال الرياض ) . وماعندي من الشيطان طاري ،،، وصلت للسوق ، وهممت بالبحث عن " العطار " مرادي منه شراء " حلبة " وشيء من " الحبة السوداء " . البائع في محل العطارة أخ سوداني ، غاية في اللطافة وقلبه أبيض من أسنانه ،،، هو المحل الذي أعتاد الشراء منه ، أمين وبضاعته من الجودة مايغني عن غيرها . السلام عليكم ورحمة الله وبركاته ، يازول ! ودلفت إلى داخل المحل مبتعدا عن الباب ، تاركا بذلك فسحة لفتاتين ممشوقتين للدخول ! وليتني لم اسمح لهما بالدخول ؟ بل ليتني " صفقت " الباب في وجيههن ! أعطيت الزول والفتاتين ظهري ولم أكن لأعيرهم سعمي وبالي ،،، لولا أن أحداهن صعقتني بما أخرجت من بين شفتيها من صاروخ شفة أذن حامل للبلاوي المتلتلة وغير المتلتلة ؟ لوسمحت عندك قمل !!!!!!!!! صدق كذب ياضمير !!! لا والله انتهى ؟ طيب ياخوي ماتقدر تجيب ؟ ضروري الله يعافيك !!! إن شاء الله يوم السبت ؟ كم قملة !!! ست قملات !!! يخرب بيتك أنتِ وياه ( قلتها في نفسي وأنا تحت تأثير الصاروخ ) ألتفت بسرعة تجاههم ؟ خلاص الدعوى ماعاد فيها احترام أو تقدير ! الدعوى صارت مساومة ومكاسر على قمل ؟ آخر ماكنت أتوقع في هذا الزمن الغريب العجيب !!! أن يأتي اليوم الذي تباع وتشترى فيه القملة !! ياشماتة أبلة تازا فينا !!! الفتاتان توليان الدبر ، خارج المحل ، والسوداني اللطيف ، يلتفت إلي ، وقبل أن يظهر بياض أسنانه ؟ سألته ! أي سألته ؟ ألا هبيت في وجه ! أبك الحرمتين اللي راحن وش يبن ؟ دول ، عايزين قمل ؟ يازول ، القمل هو اللي نعرفه ، والا عشبة ؟ لا ياخي ! القمل زاتو ؟ القمل الوسيود اللي في الشعر ؟ أيوه هو زاته ؟ يازول أيش الكلام هذا ؟ قمل يباع ويشترى ؟ يازول لاتقول لي قمل زاجل ؟ الحرمتين ويش يبن بالقمل ؟ قصدي الست قملات ؟ ياخي هذا تاخذه الحورمة وتضعوا في راسها ، وبإذن الله يطول شعرها ؟ أعوذ بالله ؟ قمل حي يازول ؟ آآي قمل حي ؟ و بيجري كمان ؟ والله يازول الموضوع هذا سبب لي مخولة في راسي ؟ طيب يازول بكم تبيع القمل ؟ ماراح تصدق ياخي ؟ .............. نكمل إن شاء الله تعالى .................................................. .................... سعر القملة الواحدة كم ومن أين يتم احضار القمل كارثة !!!!!!!!!!!!! قلت يازول هات واطربني ؟ قال والله ياخي أنا أبيع القملة 150 ريال ياوييييييييييييييييييل قلبي 150 في قملة يازول أنت صادز والا فيك مس ؟ قال ياخي روح شوف العطارين في الديرة بكم يبيعوها ؟ قلت لاياشيخ ، تنكت أنت وخشمك على آخر الزمن تبين أصير مسعر قمل ؟ قال : لاياخي ماهو كذا المسالة ؟ بس انا باغيك تتاكد من كلامي ؟ قلت : ايوه تأكد مافيه مشكلة ؟ طيب يازول القمل ذا من وين يجيبونه لابارك الله فيهم ولافي روسهم ؟ قال ماني عارف ؟ بالزبط كيف بيجيبونه ؟ بس صاحب العطارة يقول أنو في الديرة ناس بتربيه ، وماخذه العملية تجارة ؟ يازول وشلون تربيه ، وش تأكله طيب !! علف ولا عصير طماط !!!! قال والله ماني عارف ؟ قلت يازول ، تكفى ماتقدر تجيب لي معلومات اكثر ؟ قال : مايمنع ياخي ، مر بعد اسبوع وانا بسألك ؟ قلت طيب عطنا الحلبة والحبة السوداء ؟ قال قملة بـــ150 ريال أجل الصيبان بـــ 100 ريال بس مو بالحبة بالكيلووووو !!!!! ( ياشباب طبعا هذا مرسول لي على بريدي بس مدري صدق ولا كذب إذا صدق فعطوني خبر أروح اشتري قبل ماتغلى ) |
رد : قمل للبيع!
هههههههههههه
الله يرجك ..انت وقملك ما عليك .................صدقت تحياتي |
رد : قمل للبيع!
بسم الله الرحمن الرحيم
السلام عليكم ورحمة الله وبركاته منصور ان شاااء الله الموضوع صحييح لاني ناوي اشتري 10 حبات علشان شعري ههههههههههههههههههههههههههههههه ههههههههههههههههههههههههههههههههههههه والله لا يهينك ويعطيك العافيه |
رد : قمل للبيع!
ههههههههههههههههههههه يابن خضير
تذكرت ترى على حسابي يابو سعد لاهنت يا اروع وابدع شخص في مجالس قحطان كلها هبشان ياخوي مدري عن الموضوع انا بكره رايح سوق طيبه وبتاكد ولو الموضوع صحيح فجلو همكم بشتري 10 قمل وبوزعها في الاستراحه والعضو اللي يخلص يعطيها عضو ما قد جاه الدور وابشر ياهبشان بحجز لك واحده لاهنت ياغالي على مرورك السريع العاطر |
رد : قمل للبيع!
مــــــــــــشكور على القمل يا بقه
يمكن انك تحلمت ونشرت حلمك بسم الله عليك من كل شيطان لا تشرهون عليه انت يابن خضير صدقت |
رد : قمل للبيع!
بالله نص كيلو قمل بلدي <<< على باله فيه قمل مستورد خخخخخخخ
حلوه يا منصور :) |
رد : قمل للبيع!
يمكنهم يربونه في الضان
ويبيعون الخروف بذاك الكلام والقمله بذاك الكلام منصور وش رايك نسوي أنا وياك مشروع تربيه ماشيه وتفريخ قمل أنفع من التعقيب والحطب |
رد : قمل للبيع!
أبو رعد
طيب ما انت مصدق ... لاتجيني بعد كم يوم تطلب سلف قمل ال معمر آمر تدلل بس ماقلت لي اللون لأن الاسود هو الدارج علشان يمشي مع لون الشعر بس فيه لون بني توه نازل يمشي مع جلده الراس هذا الحبه ب 200 ريال ابو جابر اما الغنم عز الله فيها شغل أنا جاهز براس المال يابو جابر بالنسبه للقمل فيحتاج معدات زي معدات الدواجن للتفريغ ابد نجتمع ونفكر في المشروع لاهنتوا على مروركم الجميل |
رد : قمل للبيع!
ههههههههههههههههههههههه
اما قمل يا والله الفضيحه ولا احد يصرف الا يابو نواف ان كان الدعوى صدق ومربحه تراني شريكك انت وابو جابر وبنورد الى جده ولا بنخلي سعيد يصدر لنا من التكارنه اللي في جده تعرف هو عمده وكلمته مسموعه تحياتي يا اززززززززززززززحف مشرف |
رد : قمل للبيع!
هذي من روحتك لليمن جبت القمل معك يابو نواف هههههههههههههههههههههههه انا اقول ابن خضير يبي قمل ههههههههههههههههه انت ماشفته يحك راسه ههههههههههههههههه http://www.moq3.com/img/17012008/mNq22126.gif |
| الساعة الآن 01:04 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com