تر الكــفـالــة عـاقبتها مضـره
 

السلام عليكم

كل عام والقارئين بخير. تقبل الله منا و منكم وتجاوز عنا و عنكم

كفالة الغرم قد يتعرض لها أي منّا و الشاعر في القصيدة الاتية يصف معاناته فهل تؤيده؟ هل تعرضت لموقف مشابه؟

أترككم مع القصيده:

[poem=font="Simplified Arabic,4,black,bold,normal" bkcolor="transparent" bkimage="backgrounds/20.gif" border="none,medium,gray" type=4 line=0 align=center use=ex num="0,black"]
للمجتمع نويت أوجه رســـــاله = مـبـرة للي يريــد الـمــــبره

واقول لحد يعترض للكفالـــــه = تر الكــفـالــة عـاقبتها مضـره

وتر الكفالة عاقبتها رزالـــــة = وتصبح عـواقبها رز يله ومــره

أنا كفلت ابغي الوفاء والجمالـه = ابغى تجـمــل ما بغـيـت اتـشره

لكن صارت عاقبتها فسـالــــه = وبعض العرب عرفه ترى هو مغره

يا من شرا له علة من حلالــه = يقوم لجل العرف والعرف غـــــره

واصبر لجور العمل غصب وشاله = يبغى المسره مير ما من مسـره

ومن الحيا وزع معوشة عياله = يقوم يبغي الخير ويصيد شـره

تحيلوا به ناس فيهم نـذالـــــه = وخلو الحقوق تهاجمه في مقره

وخلوه يصفق في يمينه شمالـه = يصبر لجور الوقت برده وحـره

ما عاد تنفع حيلته واحتيالـــــه = خـذوا به الكـذبـان فره وكـره

وخلوه يدفع غصب من حر ماله = حـبل يربط به وحـبل يجـــــره

والمسـتحي ذا الوقت ينحسَ باله = يضحـك عـليه ويرفـسـه من يمـره

ما عاش بالحيلات كود الثعالـه = لو كان ما يسوى بعـوضه وذره

تغتر في زوله وسكبة خيالــه = لا شـفـت زولـه قـلـت لله دره[/poem]

رد : تر الكــفـالــة عـاقبتها مضـره
 

رد : تر الكــفـالــة عـاقبتها مضـره
 

لا........وألف لا.............للكفالة


حتى الطيب كفلناه وتورطنا .....والله إنه إمام مسجد وحافظ للقرآن....ورجل ملتزم وحبيب........لكن..؟؟؟؟؟؟؟؟


دخل في مشروع مطعم وأخذ أسلاف كثيرة من كثير...؟؟؟ وأكثرها كفالات....وأنا كفيل غرام وغيري واجد

والرجال ماجحد ولا أنكر لكن اللقمة كبيرة والحمل كبير ....والشكوى لله ..........

وعفاكم

رد : تر الكــفـالــة عـاقبتها مضـره
 

لاهنت يا القرم


ولاااااااااااااااااااااااا تعليق عليه

رد : تر الكــفـالــة عـاقبتها مضـره
 

الأخوان الدوان، مقبل و فلاح

لا هنتو على المشاركه و الله يعين المستحين و السعيد من وعظ بغيره.

رد : تر الكــفـالــة عـاقبتها مضـره
 

لاهنت

رد : تر الكــفـالــة عـاقبتها مضـره
 

السلام عليكم

هذا تفاعل مع الموضوع من الشاعرين اللخمي و عبدالواحد الزهراني (منقول من جريدة المدينه اليوم)!



الكفالة


- البدع / للشاعر صالح اللخمي

الكفالـة بدايتهـا شهـامـة وتاليـهـا نــدم

كم صديق تشره من صديقه على شـأن الكفالـة

مشكلة حسب معلوماتنا ما سلـم منهـا ضميـن

ود الانسان يتجمل وينفـع رفيقـه وابـن عمـه

غير يخشى ورى ذيك الجمايل يقع فـي مشكلـة

كيف يتجمل اللي راتبه مـا يكفـي مصروفاتـه

بعد مصروف بيته وش يسدد به أصحاب الديون

وإن تراكم عليه القصد وتفجر أصحاب المعارض

يسلم المشتري والغرم يصبح على رأس الكفيـل

والله إن الكفالة فرقـت وافتنـت بيـن القرابـة

شيـن الله زمـان الكمبيالـة وشيـن دربـهـا


الــــرد/ عبدالواحد الزهراني

ياصالح دربنا مثل اتساع الفضاء وحنـا نـدم

احتملنا هموم الشيب ونحن في أثواب الكفالـة

خل بعض الطمايع نقصةٌ في بطون الهاضمين

واللي ما يحفظ النعمة ولا يشكـر الله بنعّمـه

باقي تاجي به الايام لا أحد يقول يـا مشكلـة

وإن حالي وحالك مثل حال السحاب ومصرفاته

تمسي صحوٌ بوجه عام لكن تصحي بالديـون

أدلى كلٌ برأي وطحت بين المؤيد والمعارض

منطوي خيل فكري طية الثوب في رأس الكفيل

عانك الله يا ساقٌٌ بلغت المداين والقـرى بـه.

شيٌ أرقى سلالمها التعيبة وشـي أنـدر بهـا

رد : تر الكــفـالــة عـاقبتها مضـره
 

و لا انت يا رائد. تسلم على المرور

رد : تر الكــفـالــة عـاقبتها مضـره
 

مروان

في الحقيقة الرجل وده أن يتجمل في البعيد والقريب ألا أن هذا الجميل يرجع ذنباً عليك في حياتك

مما يؤدي الى سلب حلالك منك من غير مقابل اذا كانت الكفاله في مال

أما أذا كانت بسبب مشكله ما فالله يعين كل يوم ورجال الأمن جارين صاحبها

على كل حال كل شئ اليوم كايد

تقبل تحياتي

رد : تر الكــفـالــة عـاقبتها مضـره