قحطان...((قصيدة فخر في الجحادر من قحطان))
 

بسم الله الرحمن الرحيم


تفضلوا القصيدة

سلام يا ساس العرب صلب قحطان
يهل الكرم و أهل الظفر و الشهامه

سيف الملاقا لا بدا كايد الشان
يوم الردي يتبع طريق السلامه

قحطان حنا شجرة الطيب يفلان
و فلان تعني من بدت به غشامه

اللي جهل من قطبو سبعة اركان
من ساحل الشرقي لين أقصى تهامه

إلى أن قال ...

و حنا الجحادر حاكمة كل مازان
سيف على وجه القبايل وسامه

حكام فرسان مداغيش ظفران
اصل نسب يجب عليك احترامه

ندر سلاطيين شديدين شجعان
و يكيقيك ابن هادي كبير العمامه

فرسانهم سادو المعارك و الاكوان
بنجد المسمى من جنوبه لشامه

انشد و يخبرك العرب وش قد كان
هامة ضغيرهم علت كل هامه

الشيخ منهم مرجع لكل من حان
و في ديرة الاجناب تلقا ضمامه

و حنا بشر بن حرب أهل وقعة الشان
سيف الحروب اللي صعيب انثلامه

ياكم شكا الاتراك و عيال النيل
من جمعهم لا واجهوه بعدامه

إلى أن قال ...

قحطان حنا يا مجانين قحطان
تدفع لنا كل القبايل غرامه

كل القبايل بين زود و نقصان
و كل وطا سوق المراجل وسامه

من نسل قحطان و من نسل عدنان
و الرابح اللي طال فرقا العلامه

و في وقتنا الحالي غدا العالم اخوان
و كل كسر عن وجه الآخر سهامه

الله يديم الدين و يعز الأوطان
دام آل سعود برأس الزعامه

قصيدة كتبها / ظافر القحطاني



و لعل ظافر نسي آل شريم من الجحادر فأقول


آل شريم اللي لهم كل ما طال
ما ينزلون إلا الطويل العسير

آل شريم مطوعه كل عيال
ما يضربون إلا بسيف شطير

آل شريم اللي لهم في و ظلال
و ان شدت الأيام غيم مطير

وسلامتكم...:71_asmilies-com:

رد : قحطان...((قصيدة فخر في الجحادر من قحطان))
 

صح الله لسان الشّاعر ..

ولاهنت يالعبيدي ..

ونعم بصبيان الجحادر .. وبكل قبايل قحطان ..

كل واحد قسمه من العز موجود ..

تحيّاتي ..

رد : قحطان...((قصيدة فخر في الجحادر من قحطان))
 

لاهنت يا القرم


وصح السان ظافر

والله ونعم با الجحادر كلهم عضودنا


تقبل مروري يا الغالي

رد : قحطان...((قصيدة فخر في الجحادر من قحطان))
 

بيض الله وجيهكم ياصبيان قحطان الغلابة

رد : قحطان...((قصيدة فخر في الجحادر من قحطان))
 

بسم الله الرحمن الرحيم


السلام عليكم ورحمة الله وبركاته

ومليون نعم بربوعنا الجحادر وافين وافين


لاهنت على الموضوع

تقبل مروري

رد : قحطان...((قصيدة فخر في الجحادر من قحطان))
 

صح الله لسان الشاعر ولاهنت على النقل

تشكر شكرا جزيلا يا رائد

رد : قحطان...((قصيدة فخر في الجحادر من قحطان))
 

لاهنت