شبكة قحطان - مجالس قحطان - منتديات قحطان - الشاعر \ مبارك بن عينان (خزنة ظفر )

السلام عليكم ورحمة الله وبركاته

هذه قصيدة للشاعر الكبير

مبارك بن عينان

[frame="2 80"]

يالله ياكافـل حقـوق المخالـيـق
ياربنا اللي قـدم وجهـك سجدنـا
اليا ذكرنا اسمك على نزعة الضيق
نؤمن بأنّـا لـك عبيـد وعبدنـا
وانت اللذي في غرّة العبد وتويـق
وعن مانهتنا طاعتك عنـه حدنـا
واليا فتحت قفول هجس(ن) مغاليق
ابك ابتدينا في الشعـر واجتهدنـا
في الجو تحليقه وفي القاع تنسيق
وعليك ياصـم البيـوت انجردنـا
واللي تغيب شوي وشوي وتفيـق
أفكـار ولأفكـار عـادت وعدنـا
والمدح تزهابه وجيـه المطاليـق
هواجر(ن) بالمـدح والعـز جدنـا
نسل قحطان المجد ماهيب تلفيـق
بالـدم واعلـوم الرجـال اتّحدنـا
متعّبين أهـل الطلـب والملاحيـق
ومبشّرين أهل السعد فـي سعدنـا
واليا ركبنا فوق صفر(ن) لواحيق
مانعفّت أرقـاب الصفـر لاوردنـا
مفرّقّين جمـوع الأضـداد تفريـق
والموت ماانقص بالمراجل عددنـا
ويامن بنا اللي لايبس عنده الريق
عنّه وعن حرش العراقيـب ذدنـا
نرقا ونرقابه بـروس الشواهيـق
بأوّل جهدنـا ليـن آخـر جهدنـا
خزنة ظفر فينا الكرم كنّه طويـق
ومعنّزين(ن) فـي القبايـل ولدنـا
يفرق عن أخوانه من أبوه ويليـق
وتشوفنا في أطبوع طيبه وجدنـا
وموثّقين القـول بالفعـل توثيـق
واليـا وعدنـا مانغيّـر وعـدنـا
ولانبـدّل فـي عهـود المواثيـق
ألاّ ان حنّا من علـى الارض بدنـا
وحنّا لنجمك يالمراجل عشاشيـق
وأن زاد راعي الطيب فالطيب زدنا
واليا طرق باب المعونه طواريـق
أنمد من ينصـا ويطلـب مددنـا
وانجود بالماجود ونشيل ونطيـق
ولاننثنـي عـن راينـا لاعقدنـا
ولا ندقّـق فـي كـلام المطافيـق
ولانخيّـب هقـوة اللـي قصدنـا
ولانـدّرق ولانحـب الـدراريـق
ومن المواقف في الزمان استفدنـا
ولانشلّق عرض الأجـواد تشليـق
وعن الهروج الموجعـات ابتعدنـا
واليا لعبت بنت الفكر في المعاليق
المستمع ينصت ليا مـن قصدنـا
فالموهبه في الشعر ماهي لصاميق
بيت القصيـده ترتفعبـه عمدنـا
وان أوسقوه من السوارق سواريق
عليه بصمتنا من أقصا ليـا أدنـا
في الشعر مانكتب بيوت التلافيـق
يثبّـت بيوتـه وحرفـه وتـدنـا
واليا كسا روض القصيد الزماليق
طف زماليقه ولا احـد(ن) نقدنـا
من الثقه نرقـا علـوّ الشواهيـق
والفضل للي قدم وجهـه سجدنـا

[/frame]

وسلامتكم

ملصقات الأسماء

ستيكر شيت ورقي

طباعة ستيكرات - ستيكر

ستيكر دائري

ستيكر قص على الحدود