شبكة قحطان - مجالس قحطان - منتديات قحطان - قصــيدة ( أم ) بعدما رماه ولدها

- مجلس عذب الكلام (https://www.qahtaan.com/vb/forumdisplay.php?f=16)

- - قصــيدة ( أم ) بعدما رماه ولدها (https://www.qahtaan.com/vb/showthread.php?t=30590)

قصــيدة ( أم ) بعدما رماه ولدها

قصيدة أم لولدها اللي رماها!!!!!!!

السلام عليكم ورحمة الله وبركاته

هذي قصيده ام بعد ان وداها ولدها .. للمصحه ( دار العجزه) ..
او كما يقااال ( دار النسيان)..

اترككم مع القصيده
[poem=font="Simplified Arabic,5,darkblue,bold,normal" bkcolor="transparent" bkimage="backgrounds/17.gif" border="none,medium,gray" type=4 line=0 align=center use=ex num="0,black"]

وين انت يا حمدان امـك تناديـك =وراك مـا تسمـع شكايـا وندايـا
يا مسندي قلبي على الدوم يطريـك =ما غبت عن عيني وطيفك سمايـا
هذي ثلاث سنين والعيـن تبكيـك =ما شفت زولك زايـر يـا ضنايـا
تذكر حياتي يـوم اشيلـك واداريك =والاعبـك دايـم وتمشـي ورايـا
ترقد على صوتي وحضني يدفيـك =ما غيرك احدٍ ساكن فـي حشايـا
واليا مرضت اسهر بقربك واداريك =ما ذوق طعم النوم صبـح ومسايـا
ياما عطيتك من حنانـي وبعطيـك =تكبـر وتكبـر بالأمـل يـا منايـا
لكن خساره بعتني اليـوم وشفيـك =واخلصت للزوجه وانا لي شقايـا
انا ادري انها قاسيـه مـا تخليـك =قالت عجـوزك مـا ابيهـا معايـا
خليتني وسط المصحه وانا ارجيك =هذا جزا المعروف وهـذا جزايـا
يـا ليتنـي خدامـة بيـن اياديـك =من شان اشوفك كل يوم برضايـا
مشكور يا ولدي وتشكر مساعيـك =وادعـي لـك الله دايـم بالهدايـا
حمدان يا حمـدان امـك توصيـك =اخاف من تلحق تشـوف الوصايـا
اوصيت دكتور المصحه بيعطيـك =رسالتـي واحروفهـا مـن بكايـا
وان مت لا تبخل علـي بدعاويـك =واطلب لي الغفران وهـذا رجايـا
وامطر تراب القبر بدموع عينيـك =ما عـاد ينفعـك النـدم والنعايـا [/poem]
حسبي الله ونعم الوكيل

نــــداء من الاعماق للذين قصروا في البر في والديهم ان الجزاء من جنس العمل ؟ فانتبه تدارك مابقى من عمرك واسعى في رضاهم فان رضى الله من رضى الوالدين وسخطه من سخطهم نسأل الله ان يجعلنا ممن يبرون بوالديهم في الحياة ويدعون لهم في الممات ويجعلنا صالحين اينما كنا اللهم آمين يارب العالمين إن أصبت فمن الله وان اخطاءت فمن نفسي والشيطان والسلام عليكم ورحمه الله وبركاته