قصيدة لمحمد بن سياف الصاري
 

القصيدة أعجبتني ويمكن إن أحد قد سبقني في عرضها ولكن لما تهدف له هذه القصيدة نقلتها لكم

قصيدة /محمد بن سياف الصاري


أبسط معرفة تفرق الطيب و العيـب
و التجربة يآخذ بها الرجـل خبـره
درب الوفا قالوا ترى عسر وصعيب
يلقى حلاته من شرب كأس صبـره
الطيب لا تستغربه من هل الطيـب
اللي لهم في منهج الطيـب خبـره
أوسع على الاجواد من فيضة شعيب
و اضوق على الانذال من ثقب الابره
رأس بليا احساس ترى نقله تعيـب
مثل القلـم مـا ينفـع إلا بحبـره
و العظم لا منه فسد مخـه يعيـب
كسره يساوي عنـد راعيـه جبـره
و اهل المثل قالوا كل طير ٍ له لعيب
يدرع بما يـدرع و يشبـر بشبـره

رد : قصيدة لمحمد بن سياف الصاري
 

بسم الله الرحمن الرحيم


السلام عليكم ورحمة الله وبركاته


مشكور يالغالي تحياتي

رد : قصيدة لمحمد بن سياف الصاري
 

مشكور على مرورك يالغالي

رد : قصيدة لمحمد بن سياف الصاري
 

الف شكر لك يالغالي


و صح لسان الشاعر