شبكة قحطان - مجالس قحطان - منتديات قحطان - وين أنت يا حمدان أمك تناديك

- مجلس عذب الكلام (https://www.qahtaan.com/vb/forumdisplay.php?f=16)

- - وين أنت يا حمدان أمك تناديك (https://www.qahtaan.com/vb/showthread.php?t=30309)

وين أنت يا حمدان أمك تناديك

هذه قصيده مؤثرة لأم تشكي حالها بعد ان أودعها ولدها (الله يهديه)

للمصحه (دار العجزه) او كما يقااال ( دار النسيان)

والأبيات تظهر معاناتها وألامها :

[poem=font="Simplified Arabic,5,black,bold,normal" bkcolor="red" bkimage="backgrounds/7.gif" border="none,medium,crimson" type=4 line=0 align=center use=ex num="0,black"]
وين انت يا حمدان امـك تناديـك = وراك مـا تسمـع شكاي وندايـا
يا مسندي قلبي على الدوم يطريـك = ما غبت عن عيني وطيفك سمايـا
هذي ثلاث سنين والعيـن تبكيـك = ما شفت زولك زايـر(ن) يـا ضنايـا
تذكر حياتي يـوم اشيلـك واداريك = والاعبـك دايـم وتمشـي ورايـا
ترقد على صوتي وحضني يدفيـك = ما غيرك احدٍ ساكنن فـي حشايـا
واليا مرضت اسهر بقربك واداريك =ما ذوق طعم النوم صبـح ومسايـا
ياما عطيتك من حنانـي وبعطيـك =تكبـر وتكبـر بالأمـل يـا منايـا
لكن خساره بعتني اليـوم وشفيـك= واخلصت للزوجه وانا لي شقايـا
انا ادري انها قاسيـه مـا تخليـك =قالت عجـوزك مـا ابيهـا معايـا
خليتني وسط المصحه وانا ارجيك =هذا جزاء المعروف وهـذا جزايـا
يـا ليتنـي خدامتن بيـن اياديـك = من شان اشوفك كل يوم برضايـا
مشكور يا حمدان وتشكر مساعيـك = وادعـي لـك الله دايـمن بالهدايـا
حمدان يا حمـدان امـك توصيـك = اخاف من تلحق تشـوف الوصايـا
اوصيت دكتور المصحه بيعطيـك = رسالتـي واحروفهـا مـن بكايـا
وان مت لا تبخل علـيه بدعاويـك= واطلب لي الغفران وهـذا رجايـا
وامطر تراب القبر بدموع عينيـك =ما عـاد ينفعـك النـدم والنعايـا[/poem]

(حسبي الله ونعم الوكيــــــــــــــل)