شبكة قحطان - مجالس قحطان - منتديات قحطان - وشوشت الافكار والراس جاء فيه اعتفاس

صلوا على محمد

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]

الذهب أنواع بالسوق مختلف الجناس=كل نوع فية ميزة بلون مختلف
الذهب الاصفر لباس النساء واحلا لباس=غالي من منجمة غير قابل لتلف
وإقتصاد المملكة بالذهب الاسود يقاس=دمها بعروقها بأمر ربي ما وقف
والذهب مطلوب والناس ما تبغا النحاس=به يقوم البيت مثل العمود اليا وقف
الله يحفظ ثروة الارض ويذل الخساس =والله يحفظنا من الذل وحظوظ الصلف
بأمر ربي عز ناس بأمرة ذل ناس=والله الرزاق للخلق وأعلية الخلف
الله اكبر من زمان العجب والإنتكاس=وإنتكاس الناس واطباعها للخلف خُلف
لي ثلاث شهور والعين ما جاها نعاس=وإن بغيتة قالت العين مالي فية شف
وشوشت الافكار والراس جا فية اعتفاس=قمت الخبط بين زين التمور من الحشف
خالط مر الحياه وظلمها في وسط كاس=جامع الثنتين بالكاس وارشف منه رشف
الحياه دروس وعلوم وحدود وقياس=والدروس انواع شي صحيح وشي بلف
فية درس صعب حلة ولا وجد المراس=وان بغيت احلة افتح ثلاثمية ملف
والطفيسة لا بدت لي ماأفكر في الطفاس=لاكن تبين لنا زيد منهو من خلف
أشهدني ذقت شي كما مضراب فاس=لاضرب في العظم كسرة واصبح حب حلف
الزمن دوار واصبح بحوسة وإحتياس=وإحتياس الخلق يا ناس من كثر الترف
الله يكفانا من الكبر ودروب النجاس=والله يمنعنا من البطر واصحاب السرف
أتنومس بالكفو وأتنومس بالفراس=وأتنومس في خوين بخوتة الشرف
وأفتخر في لابتي محزمي وشداد باس=تاج راس عبيد اللي زمانة منحرف
وأطلب الله في نهاية كلامي عز راس=والردي خوتة منقود علة لذلف
ختمها صلاة ربي عدد هب النساس=عالنبي المصطفى الف أصلي الف بالف[/poem]
وسلامتكم