اهداء الى قبيلة قحطان العريقة .. الشاعر .. لافي الغيداني ..
 

[poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
لبيه يادعوة عزيزين المبادي والسلوم = اللابه اللي سطرت تاريخها بافعالها
بين القبايل قسمها بالطيب من جزل القسوم = إعقالها من الطيب اخذته قبل تاخذ فالها
قبيلةٍ تاريخها ابيض بالمراجل ومحشوم = آخذتن من الطيب ملي إيمينها واشمالها
إرجالها من دون واجبها وفي وقت اللزوم = كلٍ من النخوه يطوح غترته واعقالها
تاريخها ماجا على ماقيل في ليله ويوم = عبر السنين تورثه شيبانها لعيالها
الحق في قوله ماظني يلحق الرجال لوم = ولا هوب حاسب للعلوم اقصارها واطوالها
مايزعلون من الصحيح الا الرخوم ابناء الرخوم = اللي تلوح بين جيلان العدود حبالها
والا القروم تشوش من قول الحقيقة بالقروم = وكلٍ يقول الله يبيض وجه رجلٍ قالها
سلام .. يا قحطان من رجلٍ مسير ومعزوم = جاء معه أمانه من بني عمه .. وحاله حالها
معي بعثوها حرب ربعي عندما اعلنت القدوم = ربعي تشرفني رسالتها وانا مرسالها
امانه من شيوخ حرب .. ومن قبايلها عموم = لشيوخ قحطان وقبايلها عليّ ايصالها
وامامكم .. على مسامعكم ياصلفين العزوم = عنها مغاليق الضلوع العوج افك اقفالها
احمل سلامٍ فيه من طهر انسكابات الغيوم = على سطح صماً تصافحها الغيوم لحالها
من دونها يقصر مدى حتى الطيور اللي تحوم = من مخلوقات الله تعالى مابه اللي طالها
سلام بالكمبودي معنون .. وبالمسك مختوم = وانبل مفاهيم الاخوه دقها واجلالها
وصّلت امانة حرب ياقحطان .. وبراسي علوم = الفكر دلتها وسمع المستمع فنجالها
شرد قريحة شاعراً مايقول انا اخلق معدوم = يقول احاول قمة ابيوت القصيد ارقالها
ويقول يالله ياكريم وياغفور ويارحوم = ترحم عظام اللي حكم من جالها لا جالها
وحد قبايلها .. وزانت بين حاكم ومحكوم = من عقب ماهي في جحيم وحالةٍ يرثالها
يوم القبايل ماتعرف الا ياهازم يامهزوم = وهذا على هذا يقول الخيل ياخيالها
هذا هجوم وذا دفاع .. وذا دفاع وذا هجوم = واليوم لك .. والصبح بحثولك تجي مشتالها
الامن نعمة .. مايعرفها الا الذي منها محروم = ماله ثمن في عملة جنيه الدول وريالها
يالله ياللي غير وجهك ماهنا وجه يدوم = تحفظ بلاد الحرمين الطاهره وابطالها
آل السعود اللي بعد الله عن هجير وعن سموم = الشعب ينعم في ذرا حسناتهم وظلالها
نشاهد ونقراء عبارات الثناء والشكر دوم = عبر وسايل نقل تعبير البشر باشكالها
لهم القلوب اللي بداخلها الولاء والحب كوم = مثل القنوات الفضائية تبث ارسالها
وسلام يا قحطان صلفين العزاوي والعزوم = يا اللابه اللي يفتخر تاريخها بارجالها
تاريخها بالطيب يستوطن على حد النجوم = قبل تحط مزاين ابل .. مزينتها افعالها[/poem]

رد : اهداء الى قبيلة قحطان العريقة .. الشاعر .. لافي الغيداني ..
 

صح لسان الشاعر الكبير لافي الغيداني ولا عليه زود وحرب حرب الدول كفو وينومس فعلها كل القبايل

ولافي شاعر علم من أعلام الشعر وقد تشرفت بمقابلته في مزاين إبل قبايل قحطان وبيض وجه على كل حال أبو حمود وفعله غانم

والله لايهينك يانواف الغيداني على النقل وسبقتنا على الطيب جعلك تسلم وعادتك ياكحيلان ولا عليكم ياحرب زود

تشرفت أن أكون أول متصفح لهذه القصيده الوافيه من شاعر وافي

تقبلوا ياحرب فائق أحترامي وتقديري لكم

أبو عساف

رد : اهداء الى قبيلة قحطان العريقة .. الشاعر .. لافي الغيداني ..
 

بيض الله وجهك يالحربي وماعليك زود
انت وربعك تستاهل انت وشاعرنا
الكبير حب خشم

رد : اهداء الى قبيلة قحطان العريقة .. الشاعر .. لافي الغيداني ..
 

نواف الغيداني

ارحب ارحب
تراحيب المطر
والله لا يهينك
وبيض الله وجهك
على القصيده الطيبه
من الشاعر المبدع

لافي الغيداني
ولا هو غريب على الحروب



الحرب الحروب محاربه كل زنديق = اليا تساوت عشرها بالثماني
كلٍ يجنب عن جملهم ليا سيق = شطرٍ سبق نيله خبير المعاني

رد : اهداء الى قبيلة قحطان العريقة .. الشاعر .. لافي الغيداني ..
 

نواف الغيداني

ارحب ارحب
تراحيب المطر
والله لا يهينك
وبيض الله وجهك
على القصيده الطيبه
من الشاعر المبدع

لافي الغيداني
ولا هو غريب على الحروب



حرب الحروب محاربه كل زنديق = اليا تساوت عشرها بالثماني
كلٍ يجنب عن جملهم ليا سيق = شطرٍ سبق نيله خبير المعاني

رد : اهداء الى قبيلة قحطان العريقة .. الشاعر .. لافي الغيداني ..
 

الله يعطيك العافيه
وصح الله السان الشاعر
لافي الغيداني
ولا تحرمنا من مشاركاتك العذبه
ولك تحياتي

رد : اهداء الى قبيلة قحطان العريقة .. الشاعر .. لافي الغيداني ..
 

رد : اهداء الى قبيلة قحطان العريقة .. الشاعر .. لافي الغيداني ..
 

ابو عساف

قحطاني من دبي

ابن مهنا الروق

سعود الحبابي

ساج الوقت المشعلي



صحت ابدانكم يالغالين

وماقصرتم بيض الله وجيهكم

ولا عليكم زود

تقبلوا فائق الود والاحترام

اخوكم

نواف الغيداني الحربي

رد : اهداء الى قبيلة قحطان العريقة .. الشاعر .. لافي الغيداني ..
 

ارحب :71_asmilies-com: ارحب :71_asmilies-com: ارحب :71_asmilies-com: ارحب :71_asmilies-com: ارحب :71_asmilies-com:


يالحربي ..

ولا عليكم زود يا حرب ..


اسم على مسمى .. حرب .. وانتو هل الحرب ..

رد : اهداء الى قبيلة قحطان العريقة .. الشاعر .. لافي الغيداني ..
 

الف تحيه وتقدير للشاعر الغالي لافي الغيداني
وبيض الله وجه ويسلم راسك يانواف