عذري الحب
 

السلام عليكم ورحمة الله وبركاته

إليكم هذه القصيدة التي آمل أن تروق لكم

[poem=font="Simplified Arabic,5,darkblue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
مرت سنين وتغير كل ما فينا=حتى هوانا كبر معنا ولوعنا
كنا صغار كبار في هقاوينا=واعف واطهر غرام كان يجمعنا

كنا جميع وشرفنا ما يخلينا=وعن كل علم يدنسنا ترفعنا

لو عذري الحب يطعمنا ويسقينا=لا ما ضمينا على الدنيا ولا جعنا

ناخذ من ايامنا والعمر يعطينا =وعناية الرب تبصرنا وتسمعنا
ما كان شي مع هالناس يعنينا =الا متى بنتواجه لا توادعنا

كنا كذا وابسط الاشيا تسلينا=وشبر من الارض انا وياك ياسعنا

ما تذكرين اول خلاف بماضينا=يومك زعلتي على سالفتي الرعنا

ما تذكرين العواذل يوم تطرينا =اللي سمعنا نصايحهم ولا طعنا

يذكرك بالخير يا ماضي ليالينا=كم ضاع من عندنا عقبك وكم ضعنا

انتي وانا واحد والجرح ثانينا=والهم والخوف ثالثنا ورابعنا

والغايب اللي على جياته وعينا=كان امس قدامنا واليوم يتبعنا

ان كان قصده على الفرقا يضرينا=حنا نشينا على الوصل وترعرعنا

مثل الجسد عضو و عضو تصافينا=من كان وده يفرقنا يقطعنا

تقسى ظروف الزمن والا تراعينا =والا علينا تجي والا تجي معنا

يبقى هوانا من اولنا لتالينا =اعز ما نملك وذروة مطامعنا[/poem]




وسلامتكم

رد : عذري الحب
 

رد : عذري الحب
 

رد : عذري الحب
 

صح لسانك يا بو راشد
والله يبيض وجهك

رد : عذري الحب
 

رد : عذري الحب
 

رد : عذري الحب
 

يعطيك العافية على هذه الرائعة

رد : عذري الحب
 

الأخ سعد القحطاني


دائما وأنت سباق للطيب


أشكرك من قلبي


تقبل فائق إحترامي

رد : عذري الحب
 

صح لسانك يامطلق

رد : عذري الحب
 

السلام عليكم ورحمة الله وبركاته

صلح لسانك والله ياابو راشد

عز الله إنها قصيدة جزلة

وتبيض الوجه

ولا تقطعنا من جديدك