اخيل برقن سرا متنحر"ن" بيشه
[poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="ridge,medium,orange" type=2 line=0 align=center use=ex num="0,black"]
قصيده قديمه جدا جدا لشاعرمن الكــــــدادات ولكن لم استطيع معرفة اسمه قال الكدادي ومنهو بايت"ن" ساهر=قزيت عيون الكدادي من الاساهيرا اخيل برقن سرا متنحر"ن" بيشه=برقه يسفر ظلام الليل وينيرا يالله وانا طالبك تسقي لنا الميثب=حيثه مربا لطلعات الخواويرا يصبح به الضب والجربوع عرياني=من زايد الماء تنافج من الاجاحيرا واثني جوابي على خوارة بكرا=محنيه الضلع طايرت الجنافيرا لكن صوت اربعتها وسط زلفته=عبيد ترك"ن" تلاحوا بالمزاميرا ولكن حلابها لامن صفق منها=جذاب دلو"ن" صفق من جمة البيرا ولكن رغوتها من فوق زلفتها=عماميم الشاش من فوق التجاجيرا يالله وانا طالبك انك تنجيها=من غارة الخيل معسكرت المساميرا ويالله وانا طالبك انك تنجيها=من غارة الجيش من تحت المناعيرا ويالله وانا طالبك انك تنجيها=من الجرب لاتنقشها الاظافيرا ياما حلا البل لاروحت عصرا=اتنفج الصيد من روس الدعاثيرا وياما حلا البل لاروحت عصرا=دق"ن" وجل"ن" ومخالطها معاشيرا ويازين حس البليهي يقرع اولها=حس العصافير عبدأ يقرع الزيرا تبداله اللي بحلو الدر مقزيته=سيقانها مثل عيدان النواعيرا ومن فوقها اللي على الشوبا يوردها=ينطح بها وجيه هل حيل مشاهيرا[/poem] |
رد : اخيل برقن سرا متنحر"ن" بيشه
بيض الله وجهك على ذا النقل الطيب
ولاهنت يا سلطان وودي ان حن نعرف من قايلها ولاهنت ياذيبااااااااااااااااااااااااااااااااااااااااااااا ااااااااان |
رد : اخيل برقن سرا متنحر"ن" بيشه
قصيده وافيه من وافي
تسلم ياسلطان والله يرحم الكدادي وياليت تعطينا نبذه أكثر عنه واسمه |
رد : اخيل برقن سرا متنحر"ن" بيشه
بيض الله وجهك وياليت الشاعر ماذكر -الميثب- في القصيده لانه اوجع قلبي الله يجيرك
|
رد : اخيل برقن سرا متنحر"ن" بيشه
صح لسانك ولسان الشاعر والله لاييهينك ياسلطان |
رد : اخيل برقن سرا متنحر"ن" بيشه
لاهنت يا سلطان على القصيدة ولاتحرمنا من المزيد من امثال هذه القصيدة ...
|
رد : اخيل برقن سرا متنحر"ن" بيشه
لاهنتو على المرور جميع
|
رد : اخيل برقن سرا متنحر"ن" بيشه
بيض الله وجهك يا سلطان ..
وننتظر أحد الشباب .. يعطينا اسم الشاعر .. |
رد : اخيل برقن سرا متنحر"ن" بيشه
--------------------------------------------------------------------------------
بسم الله الرحمن الرحيم السلام عليكم ورحمة الله وبركاته جزاك الله خير ولا هنت وبيض الله وجهك |
رد : اخيل برقن سرا متنحر"ن" بيشه
مرحبا مليون يا سلطان العبيدي يالله حيه هذه القصيدة لجدي الشاعر محمد بن قنعا رحمه الله ومحمد ابن قنعا هو ابن الشاعر المعروف عبدالرحمن ابن قنعا صاحب القصيدة الشهيره : يالله ياوالي ياعالم بحالي .. وكان والدي رحمه الله دائما ينشدها عندما يكون وحيدا رحمه الله وكان ينشدها على لحن الفرينسي رحمهم الله جميعا وجمعنا واياهم بجنات الخلد يا ارحم الراحمين واسمه بالكامل محمد بن عبدالرحمن ابن مقبل الكدادي الهاجري اعتقد اني جاوبت على سؤالك بهذا الموضوع وكذلك بسؤالك بالرسالة الخاصة لاني ماقدرت اجاوب عليها حيث توجب ان يكون العضو تجاوز الخمسين مشاركة كي تمكن من المراسلة الخاصة وتحياتي لك اخوك ومحبك ابن جروة الكدادي الهاجري |
الساعة الآن 08:55 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com