شبكة قحطان - مجالس قحطان - منتديات قحطان - للشيخ ابن هدلان هو والعشيره ..

هذه القصيده قالها الشاعر علي بن عبدالله ال مهدي عبيدة قحطان ، في الشاعر والمؤلف خليل بن ذيب بن هدلان بمناسبة اصداره ديوان الشيخ شالح بن هدلان

[poem=font="Simplified Arabic,5,blue,bold,normal" bkcolor="orange" bkimage="backgrounds/12.gif" border="none,medium,gray" type=4 line=0 align=center use=ex num="0,black"]
بديـت باسـم الله وبـه استجيـره=علام مافي الكـون سـراً جهـارى
ربـاً ليـا قـل الجهـد نستخيـره=وله قدرةٍ في ما يشـاء واقتـدارى
ومن بعد ذكر اللي يعلـم السريـره=نبدا التهانـي والفـرح والسـرارى
للشيخ ابن هـدلان هـو والعشيـره=بصدور ديوان الشيـوخ الوقـارى
ديـوان شيخـاً خلدتـه الجـزيـرة=شالح ولد هـدلان نمـر النمـارى
يشهد له التاريـخ فـي كـل ديـره=يوم القنا والسيـف فـوق المهـارى
واليوم ذي احفـاده تـدون مسيـره=خوفاً على امجاده مـن الاندثـارى
بجهـود خليـل تهـون العسـيـره=شيخاً على الصعبات عنده جبـارى
دون تـواريـخ لـجـده شهـيـره=بعزمـاً يفـوق الكايـده واقتـدارى
خليل بن ذيـب عسـى الله يجيـره=كيـد الزمـان ونكبتـه والغيـارى
وعسى يمينه مـا تجيهـا الجبيـره=صميدعيـاً بالوفـا مـا يـجـارى
خليـل حـلال الامـور العسيـره=حراً تسلسل مـن مواكـر حـرارى
خنافـر يثنـون تــو المغـيـره=لا طار ستر مغطرفـات العـذارى
من روس قـوم شرهـم مستطيـره=ضد العداء لا جا جموعـاً تبـارى
جحادراً تجعـل بالاعـداء كسيـره=نعمـا بهـم شيبانهـم والصغـارى
يمشون جهر ما مشـوا بالسريـره=ويشهد لهم نجـدٍ وسيـع الفقـارى
قلته وانا مـن روس قـوم شهيـره=سماً على كبـد الخصيـم ودمـارى
عبيدياً من ساس الاصل ومصيـره=قمة جبل ماهيـب عـرقٍ هيـارى
مهدانيـاً جـده يـومـن جـويـره=ولا زال لذا الحين جـاره يجـارى
وقتاً مضى يوم الرحـى المستديـره=يوم الحروب الطاحنـه والدمـارى
ترعى بنا الملحا السنـاد الظهيـره=ومن دونها نرخص نفوس العمارى
وكل اقحطان اهل السيوف الشطيره=ابناء مضيـمٍ عزوتـي وافتخـارى
من ضربهم فارق شويـر شويـره=وافعالهم يضرب بهـا الاعتبـارى
ولا اقول حن اطيب من اهل الجزيره=وكلٍ معه بالطيب قسـم ومسـارى
نعم العرب مليون فـي كـل ديـره=الصـدق يمنـاً والكذابـا يسـارى
واليوم في سـاع الرخـا والستيـره=وامن وامان ونعمتـاً مـا تجـارى
في ظـل حكـام الوجيـه السفيـره=اولاد مقـرن مقحميـن المـهـارى
ملجا الضعيف اللي حياتـه حسيـره=لا صفق بكـف اليميـن اليسـارى
وغيث اليتيـم والاقطعـه والفقيـره=وغيثاً على كل الشعـوب الفقـارى
في حكم ابو متعب يقـود المسيـره=مليكنـا الغالـي عزيـز الوقـارى
عبدالله ان جـا مـن عـدواً نذيـره=سيفاً يحط اعضاء الجماجم كسـارى
ما اهتز يوم ان العواصـف تديـره=توج عواصيف الزمن بانتصـارى
ويرسي كما يرسي طويق الجزيـرة=ضلعاً تعلى فوق سطـح الزبـارى
ولي عهـده خـوه مثلـه شويـره=نعم الشوير ومن لاخوه استشـارى
سلطان سلطـان الجيـوش الغفيـره=قـادة حنيفيـن ماهـم نـصـارى
قـاد الدفـاع ولا توانـى مسيـره=وطور دفـاع بلادنـا واستنـارى
وتسانـده قـوت الامـن ووزيـره=نايف صليب الراس حر الحـرارى
وحكامنا والشعـب ربـع وعشيـره=عهداً من الجـدان عنـد الصغـارى
ودستورنـا القـرآن مـا نستعيـره=وفي سيرة الهادي بنينـا المسـارى
ولولا الترابط مـا غدينـا عشيـره=وعاشت بلدنا في رخا وازدهـارى [/poem]

تقبلوا تحيات اخوكم

حمود الحمالي