الغباء نسل الجهل !!
 

[poem=font="Andalus,6,black,normal,normal" bkcolor="gray" bkimage="" border="double,thin,black" type=3 line=0 align=center use=ex num="0,black"]
شدني ليل(ن) سواده يعطي العتمه ظلام
مستمد(ن) من سواده ظلمته فوق عتمه

مايعرف النور لله .. مايطيق اسم المنام
ولايصح إلا الصحيح ولاتفيد الجهلمه

قال تفزع لو نخيتك ؟ قلت مافيها كلام
راح جدي سبة الفزعه عسى الله يرحمه

قال تكفى .. ثم سبقته ياولد شد الحزام
لعن ابو من لايلبي .. علم صامل وافهمه

نضرب العوجا..تعتدل غصب والا باحترام
صاملين ولاعلينا من صمل .. غز سهمه

والرخامه مااعرفها .. وارتعاشات العظام
والله إني مااعرفها .. لا تحيزم برخمه

قال انا الصبح يغدر بي ودي امشي في سلام
قلت أنا الصبح يعرفني .. قل ترى باااعلمه

قال مااقدر ! قلت تقدر ولاتبزوط فالنظام
كيف تنخاني وتمشي ! هو حلى كيف طعمه

الغباء نسل الجهل..والمتر خصمه جرام
والطويل أخو القصير . ودوك علمي واكتمه

الدقيقه بنت يوم .. جدها شهر ابن عام
والمطر .. عبده شعيب(ن) كل ماجاه لطمه

والفحل مع ناقته والكل منهم له سنام
والحصان أعرف صهيله والفرس بالهمهمه

أشرق الصبح ومشينا وانسحب زول العتام
ولو ليلي مانخاني .. كان ماالله سلمه !![/poem]

رد : الغباء نسل الجهل !!
 

يمكن تمشي !! ويمكن ماتمشي !!

يالله !!

رد : الغباء نسل الجهل !!
 

تمشي والله تمشي


لاهنت يا متن الهوى


قال تفزع لانخيتك قلت مافيهاكلام............ راح جدي سبة الفزعه عسى الله يرحمه

رد : الغباء نسل الجهل !!
 

هلا وغلا أخوي ابراهيم ..

تشرفنا ياذيبان ..

دمت بخير

رد : الغباء نسل الجهل !!
 

أخي متن الهوى

شكراُ لك على هذه القصيدة الرائعة

والرخامة مااعرفها وارتعاشات العظام ***والله إني ماأعرفها لاتحيزم برخمه

رد : الغباء نسل الجهل !!
 

الأخ الكريم : متن الهوى


لاهنت وشكرا جزيلا لك ..



قصيدة جزلة ورائعة وتفوق كل عبارات المدح والثناء ..



صح لسان شاعرها ..



دام حضورك الجزل ودمت بخير ..

رد : الغباء نسل الجهل !!
 

أخوي أبوسالم .. شكرا على مرورك .

أخوي معيض بن صميع .. ولاهان قايل .. شكرا على مرورك ياذيبان

ولكم أجمل تحيه ’’’’’’’’’’’’’’’’’’’’’’