مخاطبة الوطن
 

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يادارنا لايهمك من جحد خيرك=واستعبدوه العصاة وغيروا رايه
وحنا حماتك ميامينك مياسيرك=نركز سواري علمك ونرفع الرايه
حدر امر من في يديه امرك وتدبيرك=محيي حديث النبي ومحكم الآيه
فهد فهد للأمام مواصلٍ سيرك=قولٍ على فعل ماهو زيف ودعايه
وولي عهد الفهد قائد طوابيرك=لاجاء للرواح بياعة وشرايه
ليثٍ تعهد من الزمرة بتطهيرك=ومنهم يسوي سوالف عصر وروايه
وسلطان لك درع وألأسرة مشاهيرك=والهم على الشعب بيعة صدق وولايه
والعهد يافي كبيرك فيه وصغيرك=ولاحن بللفضل جحاده ونسايه
ويادار وش عاد لوخانك معيثيرك=نقص وغدت به وشاية حقد وغوايه
وقام ايتحين بك الفرصات ويديرك=مايدري إنحن عليك اسوار وبنايه
حاقد ووده بتشويهك وتدميرك=غاية اغواية ويفنا مـاأدرك الغايه
يادار واللي يبي عزك وتطويرك=ومثلك برّا وداخل علم وحمايه
هذاك من زود حبك لـه وتقديرك=تعطيه من خيرك اللي ماله انهايه
يادار مافيه مثلك موطنٍ غيرك=جاحدك تايه وراي مشجعه تايه
هذا ونا من حرسك ومن مناعيرك=أهل البلاجيك وأهل الثوب والصايه [/poem]

هذا وانا من حرسك ومن مناعيرك.....أهل البلاجيك وأهل الثوب والصاية

كفو والله يابونواااف .... صح لسااانك قصيدة جزلة والوطن يستاااهل

لا هنت يابو نوااااف وبداااية موفقة .... ونحن بإنتظاار باقي القصااايد

تقبل تحيااات
اخوك
السيف النادر

كفو
والله كفو
ياهل اثوب والصايه
بس انت في اي فوج
ههههههههههههههه


صح لسانك

رد
 

صح بدنك ياالسيف النادر وشكراً لك على مرورك المشرف لنا وتقبل فائق احترامي وتقديري اخوك ابو نواف

صح بدنك ياولد النائب انا في الفوج اللي ابوك نائباً فيه (ههه) ياولد النائب

رد
 

صح بدنك يافارس قحطان وبارك الله فيك وآمين جعل الوطن دايم بخير